Soydaşlarımız
koordinasiya şuraları yaradır
Müasir dövrdə xarici ölkələrdə
yaşayan azərbaycanlılar arasında milli-mənəvi
birliyin möhkəmləndirilməsi,
soydaşlarımızın təşkilatlanması prosesi
keyfiyyətcə yeni məzmun kəsb etməkdədir. Bu, Azərbaycan
diaspor quruculuğu işinə xarici ölkələrdə
yaşayan azərbaycanlı ziyalıların, gənclərin
və qadınların, eləcə də Azərbaycanda
yaşayan digər xalqların xarici ölkələrə
köçmüş nümayəndələrinin cəlb
olunması zərurəti ilə bağlıdır.
Xaricdə yaşayan azərbaycanlıların təşkilatlanması
yolunda tövsiyə edilən tədbirlərdən biri də
koordinasiya şuralarının yaradılmasıdır. Diasporla iş üzrə
Dövlət Komitəsi soydaşlarımıza tövsiyə
edir ki, bir ölkə daxilində ayrı-ayrılıqda fəaliyyət
göstərən icma və qurumların koordinasiya
şuralarının yaradılması əhəmiyyətlidir.
Bu istiqamətdə atılan addımlar müsbət nəticələr
verir. Belə ki, son aylar ərzində bir neçə
koordinasiya şuralarının yaradılması müşahidə
edilir. Bunlardan bir neçəsini
xatırlatmaq kifayətdir.
Azərbaycan
Diasporla İş üzrə Dövlət Komitəsi rəhbərliyinin
bu il iyulun 17-19-da Ukraynaya səfəri
zamanı Azərbaycanın diaspor təşkilatlarının
birgə fəaliyyətinin təşkili məqsədilə
yaradılmış İşçi qrupun ikinci iclası
keçirib. İclasda təşkilatların
birgə fəaliyyət istiqamətləri və Koordinasiya
şurasının yaradılması ilə bağlı bir
sıra məsələlər müzakirə edilmişdir.
Müzakirələrdə birbaşa iştirak
edə bilməyən işçi qrup üzvləri, o
cümlədən Diasporla İş üzrə Dövlət
Komitəsinin aparat rəhbəri onlayn şəkildə
müzakirələrə qoşularaq, fikir mübadiləsi aparıblar.
İşçi qrupun növbəti iclasınadək Ukraynada
fəaliyyət göstərən, qeydiyyatdan keçmiş,
diaspor təşkilatlarının və diaspor fəallarının
sayının dəqiqləşdirilməsi, birgə fəaliyyət
məqsədlərinin müəyyənləşdirilməsi,
Koordinasiya şurasına üzv olmaq istəyənlərin sənədlərinin
hazırlanması ilə bağlı konkret iş
bölgüsü aparılıb.
Xatırladaq
ki, Ukraynada fəaliyyət göstərən və
aralarında uzun müddət fikir ayrılıqları
müşahidə olunan diaspor təşkilatları, Diasporla
İş üzrə Dövlət Komitəsi rəhbərliyinin
bu ölkəyə səfəri zamanı, birgə fəaliyyət
və Koordinasiya şurasının yaradılması barədə
qərar qəbul edib.
Diasporla
iş üzrə Dövlət Komitəsinin məlumatına əsasən
atılan addımlar sayəsində Ukrayna Azər
baycanlıları Birləşmiş Diasporu ilə Birləşmiş
Ukrayna Azərbaycanlıları Konqresi birgə fəaliyyət
barədə qərar qəbul edib və bu prosesi hüquqi cəhətdən
başa çatdırmaq üçün işçi qrupu
yaradılıb. Bununla bağlı diaspor təşkilatları
ilə geniş müzakirələr aparılıb, birgə fəaliyyət
mexanizmləri müzakirə edilib və yekdilliklə qərar
qəbul olunub.
Diaspor təşkilatlarının bu addımı
Diasporla İş üzrə Dövlət Komitəsinin sədri
Fuad Muradovun Ukraynaya rəsmi səfəri zamanı
reallaşıb.
İşçi qrup Ukrayna Azərbaycanlılarının
Koordinasiya Şurasını yaratmaq barədə də
razılığa gəlib və birgə fəaliyyətin
vacib olduğunu bildiriblər. Verilən məlumata
görə, artıq Koordinasiya Şurasının ilk
iclası keçirilib və təşkilatlar daha geniş
miqyasda fəaliyyətə başlayacaqlarını elan ediblər.
Daha bir koordinasiya şurası Parisdə yaradılıb. Fransada fəaliyyət
göstərən Azərbaycan diaspor təşkilatlarının
nümayəndələrinin Parisdə növbəti
toplantısı keçirilib. İclasda Azərbaycan
Diasporla İş üzrə Dövlət Komitəsinin
nümayəndə heyəti və ölkəmizin
Fransadakı fövqəladə və səlahiyyətli səfiri
Rəhman Mustafayev iştirak ediblər.
Toplantıda soydaşlarımızın problemləri,
inteqrasiya məsələləri, eləcə də Azərbaycanın
dünyada təbliği, Qarabağ həqiqətlərinin
yerli ictimaiyyətə çatdırılması istiqamətində
görülən işlər və gələcək planlar
müzakirə edilib. Qeyd olunub ki, ölkəmizin təbliği
ilə bağlı qarşıya qoyulan məqsədlərə
nail olmaq üçün Fransadakı Azərbaycan diasporu
öz fəaliyyətini və koordinasiyanı gücləndirməlidir.
Tədbirdə diaspor fəaliyyəti, aktual məsələlər
və qarşıda duran vəzifələr barədə fikir
mübadiləsi aparılıb. Diaspor təşkilatları
və soydaşlarımız tərəfindən diaspor fəaliyyətinin
daha da səmərəli təşkili məqsədilə
müxtəlif təkliflər səsləndirilib, müzakirələr
aparılıb. Soydaşlarımızın
daha sıx birləşməsinin və diaspor təşkilatlarının
fəaliyyətinin daha güclü şəkildə əlaqələndirilməsinin
zəruriliyi qeyd edilib. Bu məqsədlə
Fransa Azərbaycanlıları Koordinasiya Şurası təsis
edilib və Nant şəhərində fəaliyyət göstərən
Azərbaycan Fransa Mədəniyyət Assosiasiyasının sədri
Toğrul Zeynalov Fransa Azərbaycanlıları Koordinasiya
Şurasının əlaqələndiricisi seçilib.
Qeyd edək ki, Fransa Azərbaycanlıları Koordinasiya
Şurası Fransada fəaliyyət göstərən Azərbaycan
diaspor təşkilatlarını və diaspor üzvlərini
könüllülük və bərabərlik prinsipləri əsasında
birləşdirən kollegial orqandır.
Yeri gəlmişkən, "Avropa İrs Günləri"
çərçivəsində Azərbaycanın Parisdəki
Səfirliyinin Mədəniyyət Mərkəzində
"açıq qapı" günü keçirilib. Tədbir Azərbaycan-Fransa
Dialoq Assosiasiyasının (ADFA) və Azərbaycan Səfirliyinin
birgə təşkilatçılığı ilə
baş tutub.
ADFA-nın prezidenti Günel Səfərova ölkəmizin
tarixi, mədəniyyəti haqqında ziyarətçilərə
geniş məlumat verib. Mədəniyyət Mərkəzinin nəzdində fəaliyyət
göstərən Azərbaycan İncəsənət və
Tarix Muzeyində sərgilənən milli geyimlərimiz və
ziynət əşyaları, qədim musiqi alətlərimiz,
milli xalça növləri, sənətkarlıq nümunələri,
mis qablar və digər qədim eksponatlar haqqında ətraflı
məlumat çatdırılıb.
Həmçinin
bildirilib ki, XIX əsrin əvvəllərində müstəqilliyini
elan edən və müsəlman Şərqində ilk dünyəvi
dövlət olan Azərbaycan Xalq Cümhuriyyətində
qadınlara 100 il əvvəl səsvermə
hüququ verilib. Keçən əsrin 90-cı
illərinin əvvəlində müstəqilliyimiz yenidən
bərpa edilib.
Ölkəmizin
Beynəlxalq Sərgilər Bürosuna üzv olmasının
10 illiyinə həsr edilmiş və müstəqilliyimizin bərpasından
sonra nail olduğumuz iqtisadi inkişafı əks etdirən
fotosərgini ziyarətçilər maraqla
qarşılayıb. Qərb və Şərq arasında
körpü olan Azərbaycanın ev
sahibliyi etdiyi beynəlxalq tədbirlər diqqətə
çatdırılıb. Bildirilib ki, Bakı
"Expo 2025" Ümumdünya Sərgisinə namizədliyini
irəli sürüb. Ölkəmiz 2000-ci
ildən "Expo" hərəkatının fəal
üzvüdür.
ADFA-nın
vitse-prezidenti Loran Menil-Pultye isə Fransanın milli irs abidələri siyahısında olan Mədəniyyət
Mərkəzinin binası və onun tarixindən bəhs edib. Daha sonra ADFA-nın fəaliyyətinə toxunan Loran
Menil-Pultye deyib ki, Assosiasiyanın əsas məqsədi Azərbaycanın
imicini Fransada təşviq etmək, Azərbaycanın zəngin
tarixi və mədəniyyətini fransızlara
çatdırmaqdır. Bildirib ki,
hazırda Azərbaycanla Fransa arasında çox möhkəm
və sağlam münasibətlər mövcuddur. ADFA-nın məqsədi bu münasibətləri hər
iki ölkənin ictimaiyyətinə çatdırmaq və
daha da inkişaf etməsinə töhfə verməkdir.
Təşkilatçılar ziyarətçilərin
ölkəmizin tarixinə, mədəniyyətinə dair
çoxsaylı suallarını cavablandırıblar. Maraqlananlara
ölkəmizə səyahətlə bağlı məlumat
da verilib. "Açıq qapı" günündə,
həmçinin Azərbaycan xalq musiqiləri səsləndirilib,
ziyarətçilərə Azərbaycan mədəniyyəti,
Qız qalası haqqında Heydər Əliyev Fondunun nəşrləri,
eləcə də "İRS" jurnalının fransız
dilində çap olunmuş nömrəsi paylanılıb.
Qeyd edək ki, "Avropa İrs Günləri"nin əsas
məqsədi yerli və əcnəbi ziyarətçilərin
mədəni irs obyektlərinə sərbəst girişini
"açıq qapı" formatında təmin etmək və
milli mədəni irsi təbliğ etməkdən ibarətdir.
Artıq İsveçrədəki
soydaşlarımız da koordinasiya edilib. Berndə
İsveçrədəki Azərbaycan diaspor təşkilatları
nümayəndələrinin toplantısı keçirilib.
Toplantıda Diasporla İş üzrə
Dövlət Komitəsinin sədri Fuad Muradov və Azərbaycan
Respublikasının İsveçrə Konfederasiyası və
Lixtenşteyn Knyazlığındakı səfiri Xanım
İbrahimova iştirak ediblər.
Tədbirdə İsveçrədəki Azərbaycan
diasporunun fəaliyyəti, problemlər və gələcək
planlar müzakirə olunub. Bu ölkədəki cəmiyyət
rəhbərləri və üzvlərinin bir araya gətirilməsinin,
onların əlaqələrinin möhkəmləndirilməsinin
vacibliyi vurğulanıb. Bu məqsədlə
İsveçrə Azərbaycanlıları Koordinasiya
Şurasının yaradılması qərara alınıb.
Şurada Basel-Stadt "Azərbaycan
Dostları" Birliyi, Berndə fəaliyyət göstərən
Azərbaycanlıların İsveçrədəki Mədəniyyət
Mərkəzi (AİMM) və Azərbaycan-İsveçrə
Türk Cəmiyyəti təmsil olunur. Şuranın
əlaqələndiricisi isə AİMM-in sədri Qasım Nəsirov
seçilib.
Daha sonra Dövlət Komitəsi ilə İsveçrə
Konfederasiyasındakı Səfirliyimizin birgə layihəsi
olan "Qarabağ" adlı Azərbaycan məktəbinin
açılışı olub.
Berndə İsveçrə Azərbaycanlılarının
Koordinasiya Şurasında təmsil olunan diaspor təşkilatlarının
toplantısı da keçirilib. Şuranın əlaqələndiricisi
və Azərbaycanlıların İsveçrədəki Mədəniyyət
Mərkəzinin sədri Qasım Nəsirovun təşkilatçılığı
ilə baş tutan toplantıda Bazeldəki Azərbaycanlı
Qadınlar Cəmiyyətinin rəhbəri Arzu Əliyeva,
Soloturn Azərbaycanlıları Dərnəyinin sədr
müavini Baycan Yavuz və Azərbaycanın İsveçrədəki
Səfirliyinin nümayəndəsi iştirak edib.
Şuranın
iclasında 2018-ci ildə görülmüş işlərin
hesabatı dinləndikdən sonra 2019-cu ilin planı müzakirə
edilib, gələn il keçiriləcək
tədbirlərin təqvimi hazırlanıb. Təşkilatların
imkanları ilə bağlı fikir mübadiləsi
aparılaraq, gələn il
üçün nəzərdə tutulan tədbirlərin təşkilatlar
üzrə bölgüsü müəyyənləşdirilib.
Beləliklə, 2019-cü ildə ölkəmizin
tanıdılması, Qarabağ həqiqətlərinin
dünyaya çatdırılması, milli mədəniyyətimizin
təbliği istiqamətində 14 tədbirin keçirilməsi
planlanlaşdırılıb.
Toplantıda tədbirlərin təşkilində qarşılıqlı
dəstəyin zəruri olduğu vurğulanıb.
Daha bir koordinasiya şurası ABŞ-da təsis olunub. Diasporla İş üzrə
Dövlət Komitəsinin nümayəndə heyəti
ABŞ-a səfər çərçivəsində
Nyu-Yorkda Amerika Azərbaycanlılarının Koordinasiya
Şurasının təsis yığıncağında da
iştirak edib. Təsis yığıncağında Azərbaycanın
ABŞ-dakı səfiri Elin Süleymanov, BMT yanında daimi
nümayəndə Yaşar Əliyev, 60 nəfər diaspor
nümayəndəsi və rəhbəri iştirak edib. Tədbirdə Komitə rəhbəri,
iştirakçıları salamlayaraq, xaricdə yaşayan
soydaşlarımıza diqqət və qayğı göstərilməsinin
Azərbaycan dövlətinin siyasətində prioritet
olduğunu qeyd edib. Son dövrlər diaspor
sahəsində görülən işlər barədə,
soydaşlarımızın birgə fəaliyyəti
haqqında razılaşmaların əldə edilməsi,
Koordinasiya Şuraları və perspektivlər barədə məlumat
verib. İştirakçılara Dövlət
Komitəsinin fəaliyyətinə dair videoçarx
nümayiş olunub. Nümayəndə heyətini
salamlayan soydaşlarımız Amerikada da koordinasiyanın,
soydaşlarımızın fəaliyyətinin yaxından əlaqələndirilməsinin
zəruri olduğunu bildiriblər. Tədbirdə
çıxış edənlər Amerikada yaşayan azərbaycanlıların
problemlərini səsləndirib, Azərbaycan dili məktəblərinin
çoxaldılması zəruriliyi qeyd edilib, Amerikada
yaşayan istedadlı gənclərə diqqətin
artırılması istiqamətində təkliflər səsləndirilib.
Tədbirdə Amerika Azərbaycanlılarının
Koordinasiya Şurası təsis edilib. Koordinasiya
Şurasının tam şəkildə fəaliyyətə
başlaması üçün müvafiq işçi qrupu
yaradılıb.
Soydaşlarımızın fikir və təkliflərinin
nəzərə alınacağını bildirən Komitə
rəhbəri qarşıya qoyulan məsələlərin həll
edilməsi üçün koordinasiyalı fəaliyyətin
vacib olduğunu qeyd edib. Yalnız bir ölkədə, bir qitədə
deyil, bütün dünyada soydaşlarımızın müəyyən
bir şəbəkələşməsinin zəruri
olduğunu bildirib.
Vasif
CƏFƏROV
Ekspress.-2018.-24-26 noyabr.-S.10.