Kətan üzərində neftlə rəsm

Azərbaycanlı rəssam əsərlərini yağlı boyadan çox ucuz olan neftlə çəkir

Azərbaycanlı rəssam Sabir Çopuroğlu əsərlərini neftlə çəkir. Rəssam Rusiyanın "NTV" telekanalına verdiyi müsahibədə bunu Azərbaycanda neftin yağlı boyadan çox ucuz olması ilə izah edib. Çopuroğluya heç fırça da lazım deyil -rəssam barmaqları ilə işləyir. O bu halda materialı daha yaxşı hiss etdiyini bildirir.

Çopuroğlu sadəcə neft buruqlarının yanına gedir və neft gölündən yaradıcılığı üçün lazım olan miqdarda neft götürür. Rəssam neft buruqlarının yanında yaradıcılığı üçün mövzu da əldə edir: neftlə neft barəsində. Amma bu onun yaradıcılığında yeganə mövzu deyil.

Ayxan

Ekspress.- 2009.- 9 aprel.- S. 14.