Dağıstan-Azərbaycan dostluğu

Dərbənddə bu mövzuda beynəlxalq elmi-praktik konfrans keçirilib

Dərbənd şəhərində "5000 il yaşı olan Dərbəndin Azərbaycan və Dağıstan xalqlarının çoxəsrlik dostluq tarixində yeri və rolu” mövzusunda beynəlxalq elmi-praktik konfrans keçirilib. Bu barədə "Ekspress"ə Diasporla İş üzrə Dövlət Komitəsindən məlumat verilib.

Tədbir Ümumrusiya Azərbaycanlıları Konqresinin Dağıstan regional bölməsinin, Dərbənd Şəhər Mədəniyyət İdarəsinin, Dağıstan Dövlət Universitetinin Dərbənd filialının təşkilatçılığı ilə Azərbaycanın şimal qapısı olan Dərbənd şəhərinin "Maqal" adlanan hissəsində-Narınqalanın yaxınlığında yerləşən gimnaziyada baş tutub. Konfransda Dərbənd şəhərinin meri Feliks Qazıəhmədov, Dərbənd rayonunun icra hakimiyyətinin başçısı Qurban Qurbanov, Dağıstan və Azərbaycanın tarixçi alimləri, Diasporla İş İzrə Dövlət Komitəsinin əməkdaşları iştirak ediblər.

Konfransda bu yaxınlarda Rusiyada nəşr edilmiş "Dərbənd şəhərinin ensiklopediyası" kitabının təqdimat mərasimi də keçirilib.

A.İSMAY1LOĞLU

Ekspress.- 2009.- 22 dekabr.- S. 14.