"Düşünürəm, demək mövcudam"

Venesiya Biennalisində Azərbaycan pavilyonu açıldı

 

İtaliyanın Venesiya şəhərində 53-cü Venesiya Biennalisinin - yeni ümumdünya müasir incəsənət sərgisinin açılışı olub. Mədəniyyət Turizm Nazirliyinin mətbuat xidmətindən verilən məlumata görə, açılış mərasimində iştirak edən Azərbaycan nümayəndə heyətinə mədəniyyət turizm naziri Əbülfəs Qarayev başçılıq edir. İki il əvvəl olduğu kimi, Azərbaycan pavilyonu yenə də Venesiyanın Giudecca-Zitelle ("CZ95 Centro Civico") teatrında yerləşir.

Nazirliyin təsviri və dekorativ sənət sektorunun müdiri, əməkdar incəsənət xadimi Leyla Axundzadə Azərbaycan sərgisini təqdim edərək pavilyonda toplaşanları rəssamlarımızla tanış edib. Pavilyonumuzun mövzusu məşhur fransız filosofu Dekartın bir ifadəsini təkrar edir: "Düşünürəm, demək mövcudam".

Sərgidə dünya şöhrətli Azərbaycan rəssamı Tahir Salahovun, Nailə Sultanın, Teymur Rüstəmovun, Teymur Daiminin, Niyaz Nəcəfovun, Fərid Rəsulovun, Tərlan Qorçunun "Xətt" incəsənət qrupunun əsərləri nümayiş etdirilir. Sərgi noyabr ayınadək davam edəcək.

 

AYXAN

Ekspress.- 2009.- 9 iyun.- S. 23.