Rəqqasəmiz birinci oldu

Hindistanın Rusiya Federasiyasındakı səfirliyinin təşkilatçılığı ilə Moskvada Beynəlxalq Hind Rəqsləri Festival-Müsabiqəsi keçirilib. Tədbirdə Azərbaycanı rəqqasə Oksana Rəsulova təmsil edib.

Oksana bildirib ki, Hindistanın Mədəniyyət Festivalı "Divaly -2009" adı ilə keçirilən solo hind rəqsləri müsabiqəsində bir çox ölkədən rəqqaslar iştirak edib. Lakin nüfuzlu münsiflər heyəti yekdilliklə birinci yeri ona verib. İkinci yerə Ukrayna, üçüncü yerə isə Rusiya rəqqasları layiq görülüb.

Festivalın yekununda həmyerlimizə müsabiqənin kuboku və birinci dərəcəli diplomu təqdim olunub.

AYXAN

Ekspress.- 2009.- 22 oktyabr.-S. 23.