"Mən
qadınları dəlicəsinə sevirəm"
Kamran Şahmərdan:
"Azərbaycan teatrının
tənqidçi problemi
var"
Kamran Şahmərdan 1972-ci ildə
Bakı şəhərində
anadan olub. 1999-cu ildə İsveçin Stokholm şəhərinin
İncəsənət Akademiyasının
rejissorluq fakültəsini
bitirib. Bir müddət sonra
Finlandiyanın İmatra
şəhərində sintetik
janrlı "Ağ və qara" teatrını yaradıb.
10 ildir Azərbaycandan
uzaqlarda, İmatra şəhərində yaşayıb-yaradır.
Teatr sahəsində atdığı
uğurlu imzalar onu nəinki yaşadığı məmləkətdə,
eləcə də bütün dünyaya tanıdıbg Qərib ölkədə yaşamasına
baxmayaraq, Azərbaycan
teatr mühiti ilə əlaqəsi olduqca sıxdır. Çox qısa fasilələrlə ardıcıl
olaraq 3 teatrda (İbrus Teatrında "Tənha səs", A.Şaiq adına
Dövlət Kukla Teatrında "Ağ və qara", Rus Dram Teatrında "Torağay", "Cəhənnəm
kirayənişinləri") uğurlu tamaşalar hazırlaması deyilənlərə
sübutdur.
Kamran Şahmərdanla
Bakıya son səfəri
- beynəlxalq teatr konfransı zamanı görüşdük.
- Kamran,
yaradıcılığınızla maraqlandıqda diqqəti çəkən daha çox bir amil var - quruluş
verdiyiniz tamaşaların,
demək olar, əksəriyyəti Qərb
dramaturgiyasının nümunəsidir.
Azərbaycan dramaturgiyasında diqqətinizi çəkən
əsər yoxdurmu?
- Haqlısınız,
ancaq bəraət olaraq bunu deyə
bilərəm ki, klassik Azərbaycan dramaturgiyasına Azərbaycanın
bir çox teatrı müraciət edir. Müasir əsərlərə gəlincə
isə, təəssüf
ki, son illərdə tanış olmaq üçün kifayət qədər zamanım olmayıb. Ancaq bu, niyyətimin olmamasına dəlalət
etmir. Bu barədə ətraflı
danışmaq hələlik
tezdir. Qısaca deyə bilərəm
ki, qara yumordur. İndiki zamanda Azərbaycan
tamaşalarının gerçəkliyə
baxışı və
gülüşü çox
vacibdir. Nə üçün
məhz qara yumor? Çünki adi yumor və adi komediya
vəziyyətlər üzərində,
insanın axmaqlığı
üzərində gülməyə
imkan verir. Qara yumor isə ağrılı məqamları
açır, gülüş,
qorxu və ağrı hissləri səndə eyni zamanda yaranır. Azacıq mistika qatdıqda da bu səhnə
əsəri xüsusilə
baxımlı olur.
Ümumiyyətlə, mən qara
yumor janrını çox bəyənirəm.
- Tamaşalarınızın
mövzu obyektinin əsasən qadın problematikası, özəlliklə
də qadın tənhalığı ilə
bağlı olması
da, yəqin, təsadüfi deyil...
- Bəli, doğru qeyd etdiniz, bu seçimim
təsadüfi deyil. Buna görə də mən
anama minnətdaram. Atamı çox erkən yaşımda
itirdiyimdən tənha qalan anam tək böyüdüb məni.
Məhəbbət və həyəcan hisslərini
mən anamdan almışam. Anam dahi deyil,
sadəcə, gözəl insan, gözəl anadır,
hansı ki mən bütün kişilərə belə ana
arzulayardım. Çünki ailədə
özəlliklə ananın məhəbbəti çox
vacibdir. Belə olduqda kişi
ömrü boyu razı qalır, hər qadından həddən
ziyadə sevgi tələb etmir, özünə qarşı
şübhə yerinə əminlik hissi yaranır.
Uşaqlıqda anasından çoxlu məhəbbət alan kişi bütün həyatı boyu bu məhəbbətini
paylaşır. Əks halda bu məhəbbət
başqalarından umulacaq. Məhəbbət
əskikliyindən dolayı özündə şübhələr
yaranır və o, bir şəxsiyyət kimi tam formalaşa
bilmir. Ona görə də çox
xoşbəxtəm ki, mənə ömrüm boyu bəs edəcək
məhəbbət bəxş etmiş anam olub. Bu, qadın problematikasına, qadın tənhalığına
marağımın birinci səbəbidir.
İkinci səbəbə
gəlincəg Qadınlardan gözəl mövzu varmı?!
Yaşadığım həyat boyunca mən
prinsip etibarilə qadın məhəbbəti və
yaradıcılıqdan başqa heç nə dərk edə
bilməmişəm. Dərk etmədiyim və
mənə təsir etməyən nəsnə haqda isə
danışa bilmərəm. Qadın
mövzusu bəşəri aktuallığını və təsirliliyini
heç zaman itirmir. Qadınlardan maraqlı nə ola bilər axı?! Əminəm
ki, ömründə heç olmasa bir dəfə qadın
gözəlliyini kəşf etmiş insan qadının nə
qədər dərin bir qüvvə olduğunu anlayacaq. Mən qadınları dəlicəsinə sevirəm,
sevməklə bahəm də onlara həm acıyır, həm
də onlardan qorxuram. Qadınlar çox həssas,
çətin, maraqlı, cəlbedici, eyni zamanda çox
güclüdürlər. Məni hətta məhəbbət
yox, məhz qadınlar maraqlandırır: bir şəxsiyyət,
dost, ana, sevgili, həyat yoldaşı, qız övladı
kimi. "Qadın" dedikdə insanlar çox
vaxt "əqrəbləri" məhəbbətə
yönəldirlər. Bu kəlmənin mənasını
belə anlamırlar. Nədir axı məhəbbət?!
Bu, qadın məhəbbətdir. Biz artıq bu kəlmənin dəyərini
itirmişik. Çünki sevməyi
unutmuşuq. Biz hərdən əşyaları
qadınlardan çox sevirik. Qadınlara əşya
aldıqda belə o əşyaları məhz qadının
üzərində sevirik, təəssüf ki...
- 12 ilə
yaxındır Finlandiyanın İmatra şəhərində
yaşayırsınız. Orada sizin "Ağ və qara"
adlı teatrınız varg
-
"Ağ və qara" - milyon çalar və spektrlərin
arada olduğu iki rəng. Dram, pantomim və
kukla teatrlarının sintezi olan sintetik bir teatrdır. Bizim öz repertuarımız, öz simamız var.
Teatrda bütün üsullar gözəldir, hər bir
tamaşamda mən katarsis əhvalını yaratmağa can
atıram. Düşünürəm
yalnız bu yolla tamaşaçı qəlbi mənim demək
istədiyim fikri duyacaq, anlayacaq.
- Azərbaycan və
Finlandiya teatrları arasında hər hansı bir
yaradıcılıq mübadilə proqramı
düşünülürmü?
- Gələcəkdə
belə niyyətimiz var, əlbəttə ki. Ancaq çox
çətin və məsuliyyətli bir iş olduğundan
buna zaman tələb olunur.
- Azərbaycanın teatr
həyatında nələri dəyişmək istərdiniz?
- Bakıda olduğum
müddətdə "Afinalı Timon", "Tartüf
Ağaoğlu", "Kaktus gülü", habelə
Pantomim Teatrında bir sıra tamaşalara baxdım. Çox bəyəndim. Ancaq belə
premyeraların azlığı məni çox
düşündürür. Bakı kimi 3
milyonluq əhalisi olan bir şəhər üçün
premyeralar çox olmalıdır. Mən
özəlliklə festivalların çox keçirilməsinin
tərəfdarıyam. Teatrın müxtəlif
istiqamətlərində festivallar keçirmək, lazım gələrsə,
hətta küçəyə çıxıb teatr
nümayişləri düzənləməklə
tamaşaçını teatra cəlb etmək
lazımdır. Bizdə axı
küçə teatr mədəniyyəti var, Novruz
bayramında keçəl, kosa qəhrəmanlarının
göstərdiyi səhnəciklər deyilənlərə
misaldır. Azərbaycanın teatr tarixinin
dərinliklərinə vardıqda zəngin milli teatr mədəniyyətinin,
teatr ənənələrinin olduğunu görərik.
O halda niyə biz bu ənənələrə bayramdan-bayrama
qayıdırıq?! Tamaşaçılarla
görüşmək lazımdır, onları
çağırmaq, onlarda zövqu yüksəltmək
lazımdır. Özəlliklə bəsit
komediyalara baxıb, əlçalan seyrçilərə
düşünmək vərdişini aşılamaq
lazımdır. Bunun üçünsə
tamaşaçı əvəzinə düşünmək
yox, onlara baxmaq və düşünmək üçün məhsul,
imkan vermək lazımdır.
- Kamran bəy, gəlin
bir qədər də teatr tənqidi barədə
danışaq. Azərbaycan və Finlandiya tənqidini
fərqləndirən xüsusiyyətlər varmı? Ümumiyyətlə, teatr tənqidinin sizin
yaradıcılığınızda rolu, əhəmiyyəti
nə dərəcədədir?
- Azərbaycan
teatrının başlıca problemi peşəkar tənqidçilərin
azlığıdır. Azərbaycanda 2 - 3
peşəkar teatr tənqidçisi var, bu da, təbii ki,
olduqca azdır. Tənqidçilərin
sayı daha çox olmalıdır. Digər
tərəfdən tənqid teatrdan çox,
tamaşaçılara lazımdır. Tənqidçilər
resenziyalarla çıxış etməli, seyrçilərdə
zövqü tərbiyə etməlidirlər. Finlandiyada bu baxımdan vəziyyət daha
yaxşıdır. Tamaşa və tənqidçi
arasında səmimi münasibət var, resenziyalar
yazılır, oxunur, çıxışlar dinlənilir,
baxılır. Seyrçilərdə hər
hansı bir tamaşa haqda müyyən təsəvvür
yaradılır. Tənqidçilər
festivallarda da aktivlik nümayiş etdirirlər; məsələn,
"Ağ və qara" teatr festivalının münsiflər
heyətindən 8 fərqli ölkədən teatr tənqidçiləri
təmsil olunurdular. Fərqli ölkə -
fərqli fikir, fərqli baxış deməkdir. Dəvətli tənqidçilər də
tamaşalara baxır, müxtəlif münasibətlər,
müxtəlif rəylər yürüdürlər. Növbəti ildə biz ötən festival haqda
xüsusi buraxılış nəşr etdiririk, burada festival
tamaşaları haqda konkret tənqidi yazılar, resenziyalar, mənfi
və ya müsbət fikirlər dərc olunur.
Sevda Babayeva
Həhtə
içi.- 2010.- 30 dekabr.- S.7.