Yerkökü

SAGLAM OLUN!

Yerkökü iflic riskini azaldır. Xüsusilə qadınlarda. Belə ki, həftədə 5 dəfə yerkökü qəbulu infarkt, iflic kimi xəstəliklər riskini 68 faizə qədər azalda bilər. Bundan əlavə, yerkökü yaşla bağlı gözdə yarana biləcək zəif görmədən də qoruyur. Bu tərəvəz həm də xərçənglə mübarizədə, boyun və üzdə olan qırışların azaldılmasında istifadə edilə bilər. Mütəxəssislər qan azlığından əziyyət çəkənlərə də kök yeməyi məsləhət görür. Qanını artırmaq istəyənlərə gündə 1 dəfə yerkökü suyu içmək, onu sürtgəçdən keçirərək və ya bütöv yeməyi məsləhət görülür. Tərkibindəki "A" və başqa vitaminlər qaraciyəri qüvvətləndirir, immuniteti gücləndirir, zərərli maddələrin bədəndən xaric olmasına kömək edir. Aclıq pəhrizləri zamanı ilk növbədə yerkökü şirəsi içirlər. Yerkökü şirəsi çox xeyirlidir və tərkibində böyük miqdarda "A" vitamini var. "A" vitamini isə hemoqlobinin normal səviyyəsini təmin edir. Həmçinin orqanizmin infeksiyalara müqavimətini artırır, ürəyin, böyrəyin, qaraciyərin işini normaya salır, görmə qabiliyyətini artırır. Bir pay şirə almaqdan ötrü sizə 5 - 6 orta ölçülü yerkökü lazım olacaq. Bundan əlavə, yerkökü şirəsini digər meyvə və tərəvəzlərin şirələri ilə qarışdırıb içmək olar. Qarışıq şirə reseptləri dietoloq həkimlər tərəfindən məsləhət görülüb və həm dadlı, həm də xeyirlidir. 1. Yerkökü, ağ baş kələm və alma qarışığı şirəsi (Hazırlanması üçün 3 orta ölçülü yerkökü, 100q kələm və yarım alma götürürsünüz). 2. Yerkökü, çuğundur və alma qarışığı şirəsi (3 yerkökü, 100 qram çuğundur və yarım alma). 3. Yerkökü və şirin istiot qarışığı şirəsi (3 yerkökü, 1 şirin, qırmızı istiot). 4. Yerkökü və alma qarşığı şirəsi (4 yerkökü, 1 alma). 5. Yerkökü və narıncı qarışığın şirəsi.

Həftə içi.- 2010.- 11 noyabr.- S. 8.