Mahcamalın sevgi çələngi

Mahcamal qadın şairələrimizdəndir. Klassik poeziya ənənələrini yaşatmağa çalışır - həm məzmunda- mündəricədə, həm formada, ifadə tərzində. Yeni çapdan çıxmış "Bizim bağın çəpəri yox" poetik toplusunun ("Səda", 2010) mövzu dairəsini Vətən, vətəndaşlıq, milli-mənəvi dəyərlərin tərənnümü, adət-ənənə, milli əxlaq, davranış, qeyrət hissinin təbliği təşkil edir. Toxunduğu hər predmetə sevgiylə yanaşan şairə bir çox şeirlərində Sevginin özünü tərənnüm və yaşam predmeti seçir.

Kitab iki bölümdədir: "Tale oyunu", "Qəmi tərk eyləyirəm". Müasir deyim tərzində heca və əruzun müxtəlif qəliblərini təzələməyə çalışan müəllif, ayrıca bölmədə məsnəvi, mürəbbe, təxmis, müxəmməs və qəzəllərini toplamışdır. Mahcamalın əruzu uğurludur, sınıq deyil, eyni zamanda çağdaş olub, oxucunu konkret mövzular ətrafında təsirləndirə bilir. Təsadüfi deyil ki, redaktoru İntiqam Qasımzadə olan toplu, müasir qəzəl ustası İlqar Fəhminin məsləhətçiliyi ilə işıq üzü görmüşdür.

Həftə içi.- 2010.- 2-4/2-8 oktyabr.- S. 7.