Bakı kəndlərinin
qazlaşdırılması başa
çatır
Bəzi
ərazilərə yeni qaz
kəmərləri çəkilməklə yenidənqurma
işləri aparılıb
"2011-2013-cü
illərdə Bakı şəhərinin və onun qəsəbələrinin sosial-iqtisadi
inkişafına dair Dövlət
Proqramı" çərçivəsində paytaxt Bakının tam
qazlaşdırılması başa çatmaq üzrədir. Hazırda
istehlakçıların təbii qazla
keyfiyyətli təmin olunması ilə əlaqədar mühüm işlər görülür.
"Azəriqaz" İstehsalat Birliyinin
ictimaiyyətlə əlaqələr sektorunun
rəisi Araz Ağayev
"Həftə içi"nə açıqlamasında bildirib ki, bu
ilin əvvəlindən başlayaraq
Xəzər rayonunun Şağan
qəsəbəsində Qazmaçılar küçəsində
həyətlərdən keçən yeraltı qaz xətləri küçəyə
çıxarılıb və xətlərdə əsaslı
təmir işləri aparılıb. Onun
sözlərinə görə, həmin ərazidə 8,8 kilometr uzunluğunda qaz kəməri çəkilib. Analoji işlər Şüvəlan qəsəbəsində
də həyata keçirilib və orada 11 kilometr uzunluğunda yeni qaz kəməri çəkilib: "Qaradağ rayonunun Sahil qəsəbəsində,
Balıqçılar küçəsində təbii qaz təchizatının
yaxşılaşdırılması ilə əlaqədar 0,7
kilometr uzunluğunda qaz xətti çəkilib. Qızıldaş
qəsəbəsində məhəllədaxili kəmərin
yenidən qurulması üçün 2, Qobustan qəsəbəsində Salyan yolunun sağ və sol tərəflərində
kəmərlərin yenidən qurulması üçün
isə 5,32 kilometr uzunluğunda
qaz kəmərləri
quraşdırılıb. Ələtdəki Baş Ələt
yaşayış massivində 0,78, Səngəçal qəsəbəsində
Əzimkənd və "Bağ evləri"
ərazisində yeni salınmış
yaşayış massivlərinin qazlaşdırılması üçün 3,74, Korgöz
qəsəbəsində qaz xətlərinin
yenidən qurulması, eləcə də yeni
salınmış yaşayış massivlərinin
qazlaşdırılması üçün
isə 3,98 kilometr uzunluğunda
qaz kəmərləri
quraşdırılıb".
"Azəriqaz"
rəsmisi deyir ki, Nizami rayonunda da qazlaşdırma işləri uğurla davam etdirilir. Belə ki,
8-ci kilometr qəsəbəsində qaz kəmərlərinin, o
cümlədən "8-ci km əlavə"
qaz kəmərinin yenidən qurulması və
4085-ci məhəllədən keçən müxtəlif diametrli qaz kəmərlərinin
təmiri məqsədilə mühüm
tədbirlər həyata keçirilib. Onun sözlərinə
görə, ümumi uzunluğu
1,77 kilometr olan qaz kəmərləri
quraşdırılıb: "Bakının Sabunçu rayonu Yeni Ramana və Ramana qəsəbələrində yeni yaşayış sahələrinin
qazlaşdırılması, qaz təchizatının
yaxşılaşdırılması məqsədilə qaz xətlərinin yenidən qurulması üçün 47,01 kilometr
uzunluğunda müxtəlif diametrli qaz kəmərləri
çəkilib. Balaxanı qəsəbəsində qaz kəmərinin və məhəllədaxili
qaz kəmərlərinin yenidən
qurulması üçün isə 0,32 kilometr qaz xətləri
quraşdırılıb. Nardaran qəsəbəsində,
o cümlədən Ləyiş
bağlarının qaz kəmərlərinin
yenidən qurulması üçün
30,78 kilometr yeni qaz xətləri çəkilib. Bakıxanov qəsəbəsində
6,81 kilometr uzunluğunda
müxtəlif diametrli qaz
kəmərləri quraşdırılıb. Sabunçu
və Savalan qəsəbələrinin qaz təchizatının
yaxşılaşdırılması üçün
19,31 kilometr qaz kəmərləri
çəkilib".
Araz Ağayev qeyd edir ki, Səbail rayonu Bayıl qəsəbəsi, Buxta küçəsində 0,37 kilometrlik qaz xətti əsaslı
təmir edilib. Suraxanı rayonunun
Bülbülə qəsəbəsində məhəllədaxili
qaz kəmərləri yenidən qurulub. Onun sözlərinə
görə, 16,56 kilometr uzunluğunda
yeni qaz xətti
çəkilib.
Təbriz Vəfalı
Həftə içi.- 2013.- 20-22 aprel.-
S. 15.