Nizami rayonunun sosial-iqtisadi inkişafı:
real vəziyyət və perspektivlər
Bakının
ən gənc və ərazicə kiçik olan bu rayonun gələcək
perspektivləri daha parlaq görünür
Azərbaycan iqtisadiyyatında, ölkənin
sosial inkişaf dinamikasında əsas
ağırlığın paytaxt Bakının üzərinə
düşdüyü heç kimə sirr deyil. Regionlarla müqayisədə
Bakıda iş tapmaq daha asan, kreditlərə
alçatanlıq, infrastruktur təminatı,
ortabab əməkhaqqı və
yaşayış üçün
lazım olan digər mühüm
şərtlərin mövcudluğu və
bunlardan bəhrələnmək imkanı
isə nisbətən yüksəkdir. Bütün bunlar müasir dövrün tələblərinə uyğun yeniləşən paytaxtda
sosial-iqtisadi inkişafının
gerçək bir göstəricisidir.
Gündən-günə böyüyən, inkişaf
edən paytaxtın adi gözlə
görünə bilən bu nailiyyətlərin
Nizami rayonun da payı az deyil. Xüsusilə də son
illər rayonda aparılıan tikinti-quruculuq işləri, yeni
müəssisələr ölkənin ümumi
inkişafında öz təsirlərini
göstərməkdədir.
Nizami paytaxtın ən gənc rayonlarından sayılsa da, burada yeni
yaradılmış sosial infrastrukturlar,
bütövlükdə şəhər təsərrüfatı
inkişaf göstəricilərinə
görə digər rayonlardan nəinki geri qalmır, hətta bəzi sahələrdə
xeyli üstünlüklər qazanıb. Bu üstünlüklər isə təkcə yol, elektrik enerjisi,
qaz, su, istilik təsərrüfatlarının yenidən
qurulmasında deyil, iqtisadi
nailiyyətlərdə, makroiqtisadi
göstəricilərdə, sosial infrastrukturda, səhiyyə və təhsildə,
xüsusən orta təhsilin səviyyəsində
də özünü göstərir.
Təkcə son bir neçə ildə məhz yerli icra hakimiyyətinin birbaşa təşəbbüsü və
iştirakçılığ ilə Nizami
rayonu ərazisində onlarla
istirahət və əyləncə parkları, məktəblər,
uşaq bağçaları yenidən qurulub, idman
meydançaları tikilib, yüzlərlə
yaşayış və inzibati binalar əsaslı şəkildə təmir edilib. Məhz bu tip layihələrin gerçəkləşməsi
sayəsində Nizami rayonunun
ölkənin ümumi inkişafında, makroiqtisadi göstəricilərində, Ümumi Daxili Məhsulun
artmasında, əhalinin həyat şəraitinin
yaxşılaşmasında rolu və
payı artır.
Hər şey təhsildən başlayır
Bütün bunlar təhsildə,
xüsusən orta təhsilin səviyyəsində
də özünü göstərir. Son illərin təcrübəsi də göstərir
ki, ali məktəblərə
tələbə qəbulunda Bakı məktəblərinin məzunları
regionlarda yaşayanlarla
müqayisədə daha üstün
nəticələrə nail olur. Belə ki, ənənəvi
olaraq, Azərbaycanda orta
məktəb məzinlarının ali məktəblərə
qəbulolma faizinə görə birinci yeri Bakı məktəbləri tutur. Bu, özünü
qəbul prosesində iştirakçılıq və ali məktəblərə daxilolma
faizinin yüksək olmasında, yüksək
bal toplayanlar
arasında xüsusi çəkidə, daha nüfuzlu universitetlərə
və ixtisaslara qəbulda da
təsdiqləyir.
Bəs, paytaxtın
ümumtəhsil müəssisələri arasında Nizami rayonunun məktəbləri
təhsil göstəricilərinə görə hansı
mövqedədir? Rayonun sosial-iqtisadi
inkişaf planlarında təhsilə, məktəb
infrastrukturunun yenidən qurulması,
köhnə məktəb binalarının təmiri məsələsinə
yetərincə diqqət yetirilirmi?
Nəzərə
alsaq ki, hər bir valideyn
övladının daha yaxşı məktəbdə
oxumasını istəyir və bunun üçün imkanı daxilində əlindən
gələni etmək istəyir, onda bu sualların cavabı hər kəs üçün həyati əhəmiyyət
daşıyır. Həm də inkişaf, tərəqqi
üçün “hər şey
təhsildən asılıdır” kimi
fikirlər də təkzibolumaz fakt kimi cəmiyyətdə tez-yrz
səslənir. Üstəlik güclü
və zəif məktəblərin müəyyənləşdirilməsi
yaxşı təcrübənin öyrənilməsi, tələbə
qəbulunda zəif nəticə göstərən məktəblərin
rəhbərləri və bütövlükdə bu sahəyə nəzarət edən qurumlar üçün də
az əhəmiyyət daşımır. Məhz
bu baxımdan məzunları yüksək
nailiyyətlər qazanan, yaxud
əksinə, 11 illik təhsil alıb sonda zəif nəticə göstərən məktəblər
arasındakı müqayisə və paralellər xeyli maraq doğurur.
Bakının lider məktəbləri
Maraqlıdır ki, Bakı məktəbləri arasında
abituriyentlərinin orta bal
göstəriciləri hətta ucqar kəndlərdə
yerləşən ümumtəhsil ocaqlarından zəif olan məktəblər az deyil. Ancaq Tələbə Qəbulu üzrə Dövlət
Komissiyasının (TQDK) qəbul imtahanlarının nəticələrinə
dair hər il
açıqladığı statistik təhlillərdə
bu cür zəif
göstəricələri olan məktəblər
arasında Nizami rayonun
ümumtəhsil müəssisələrinin adına rast gəlinmir. Əksinə, nəinki respublika üzrə, hətta Bakı məktəbləri
arasında Nizami rayonunda
fəaliyyət göstərən təhsil ocaqları bir çox
üstünlükləri ilə fərqlənir. Məsələn,
TQDK-nın statistik məlumatlarına əsasən,
ötənilki qəbul imtahanlarında paytaxtın ən
yaxşı məktəbləri sırasında şəhərin
mərkəzi rayonlarında yerləşən ümutəhsil
müəssisələri liderlik edir. Bu sırada Nizami rayonundakı 62, 70, 129, 145, 210 və 220
saylı məktəbləri də var. Həmin
məktəblərin məzunlarının ötənilki qəbul
imtahanlarında topladıqları orta bal göstəriciləri təkcə Bakı
şəhəri deyil, bütövlükdə
respublika üzrə göstəricilərdən
yüksək olub. Məhz bunun
təticəsində Bakının Nizami rayonu təhsil sahəsindəki nailiyyətlərinə
görə respublikanın ən yaxşı rayonları
sırasında yer alıb.
Elə son bir ilin
sosial-iqtisadi inkişafını xarakterizə
edən əsas makroiqtisadi göstəricilər
də Nizami rayonunda sosial sahəyə, xüsusən də təhsilə
məxüsusi önəm verildiyi
aydın görünür. Belə ki, 2012/2013-cü tədris ilində respublika üzrə keçirilən “İlin ən yaxşı ümumtəhsil məktəbi”
müsabiqəsində rayonun 5 məktəbi,
“İlin ən yaxşı müəllimi”
müsabiqəsində isə 8 təhsil işçisi
qalib seçilib. Bundan başqa, rayon üzrə ali məktəblərə
qəbul olunanlardan 98 nəfərin 600-dən,
o cümlədən 33 nəfərin 650-dən
yuxarı bal toplayaraq
tələbə adını qazanıb.
Rayon İcra Hakimiyyəti
başçısının müavini Gülnaz İsrafilova deyir ki, dövlət
qayğısı sayəsində Nizami rayonunda təhsilin maddi-texniki
bazasının möhkəmləndirilməsi sahəsində mühüm işlər görülüb.
Belə ki, son illər
mütəmadi olaraq, rayonda
yeni-yeni məktəb binaları və əlavə
tədris korpusları inşa edilir. Təkcə bu ilin 9 ayı ərzində
rayonun təhsil və səhiyyə müəssisələrində
«2011-2013-cü illərdə Bakı şəhərinin və
onun qəsəbələrinin sosial-iqtisadi inkişafına dair
Dövlət Proqramı»na əsasən bir
sıra əsaslı təmir, yenidənqurma və əlavə
korpusların tikintisi işləri həyata
keçirilib. Bunların
arasında Heydər Əliyev Fondunun prezidenti Mehriban
Əliyevanın iştirakı ilə Çobanzadə
küçəsi 2405-ci məhəllədə inşa edilmiş Valideyn hüququndan məhrum
olan və Uşaq evlərində
böyüyən gənclər üçün
yaşayış evini, 172 və 190
saylı uşaq
bağçalarını göstərmək olar. Onun sözlərinə
görə,məhz bu tədbirlərin sayəsində
hər il rayon məktəblərini
bitirmiş məzunların ali məktəblərə qəbul
imtahanlarında əldə etdiyi nailiyyətlər
də artır. Məsələn, ötən tədris ilində
rayonun orta məktəb
və liseylərini 2109 şagird bitirib. Ali məktəblərə
sənəd vermiş 1872 nəfərdən
1168-i tələbə adına layiq görülüb.
Onu da qeyd
edək ki, ölkə üzrə ən
yaxşı ümumtəhsil məktəblərinin 10-u məhz
Nizami rayonunun
payına düşür. Belə ki, bundan əvvəlki son iki ildə Nizami rayonundakı 3 məktəb (201, 229 və
238 saylı tam orta məktəblər)
ölkə üzrə “İlin ən
yaxşı ümumtəhsil məktəbi” müsabiqəsinin
qalibi olub.
Xatırladaq
ki, hazırda Nizami rayonunda 22 orta məktəb,
3 lisey, 2 musiqi məktəbi,
1 uşaq evi və 2 internat məktəbi, 1 özəl ali məktəb və 2 kollec,
20 uşaq bağçası, 1 mərkəzi
kitabxana və 6 kitabxana
filialı fəaliyyət göstərir. “Təhsil əsri” elan
edilən indiki dövrdə Rayon İcra Hakimiyyəti sosial infrastruktur layihələrinin
planlarını hazırlayarkən əsaslı təmirə
ehtiyacı olan təhsil müəssisələrini
də nəzərdən qaçırmır. Belə
ki, Nizami rayonu üzrə “2011-2013-cü illərdə
Bakı şəhərinin və onun qəsəbələrinin
sosial-iqtisadi inkişafına dair Dövlət Proqramı” çərçivəsində
xeyli sayda məktəb
və uşaq bağçalarının əsaslı
təmir olunub, yeni orta məktəb və tədris
korpuslarının inşa edilib.
Perspektivli gələcək
Nizami rayonunun tədris müəssisələrində
vətənpərvərlik tərbiyəsinin daha
da gücləndirilməsi, yeniyetmə-gənclərin
zərərli vərdişlərdən qorunması, sağlam həyat tərzinin təbliği,
şagirdlərin hərbi-vətənpərvərlik tərbiyəsinə
də xüsusi diqqət yetirilir. Məhz bunun nəticəidir ki,
220 saylı məktəb-liseyin komandası “Şahin”
hərbi idman oyununlarında iki il ardıcıl olaraq həm şəhər, həm də respublika mərhələsinin qalibi
kimi birinci yerə layiq görülüb. Həmin komandanın qalib
olmasında əməyi olan məktəb-liseyin
hərbi müəllimi Mübariz Məmmədovun
ölkə başçısının sərəncamı
ilə Azərbaycan təhsilinin inkişafında xidmətlərinə
görə “Əməkdar müəllim” fəxri adına layiq görülüb.
Nizami
rayonunda idmanın inkişafına da ciddi fikir verilir. Belə ki, rayonda
5 stadion, 6 idman-sağlamlıq
kompleksi, ixtisaslaşdırılmış
Olimpiya Ehtiyatları Uşaq-Gənclər İdman
Məktəbi gənclərin
istifadəsindədir. Rayonda 65 min tamaşaçı
tutumuna malik müasir tipli stadionun - Bakı Olimpiya Stadionunun inşa olunması burada beynəlxalq yarışların keçirilməsinə
daha real şərait yaradacaq.
Yeri
gəlmişkən, 2015-ci ildə
ölkəmizdə keçiriləcək
Birinci Avropa Oyunlarının əsas mərkəzi məhz bu rayon olacaq. Rayonun ərazisində “Olimpiya kəndi” də salınır, Milli Gimnastika Arenası tikilir. Heç şübhəsiz ki, bu beynəlxalq
yarış da Nizami rayonuna sosial-mədəni inkifına
böyük töhfələr
verəcək.
Beləlilklə,
ərazi baxımdan Bakının ən kiçik, statusuna görə isə ən gənc rayonlarından sayılan Nizami hazırda sosial-iqtisadi inkişafının
ən məhsuldar dövrünü yaşayır. Həm də nəzərə almaq lazımdır ki, ərazisi cəmi 19,6 kvadrat kilometr
olsa da, Nizami rayonu paytaxtın
ən sıx məskunlaşma zonası
sayılır. Elə
bu sıxlığın
nəticəsidir ki, istər ölkə rəhbərliyi, istərsə
də Rayon İcra Hakimiyyəti səviyyəsində
bu gənc və kiçik rayonun iqtisadiyyatının
formalaşmasında istehsal
sahələri, eləcə
də xidmət sektorunun, təhsil və səhiyyənin inkişafına xüsusi diqqət yetirilir.
Elxan Salahov
P.S. Yazı Azərbaycan Kütləvi İnformasiya
Vasitələrinin İnkişafına
Dövlət Dəstəyi
Fondunun Nizami Rayon İcra Hakimiyyəti ilə birgə təşkil etdiyi müsabiqəyə təqdim
olunur.
Həftə içi.- 2013.-
19 dekabr.- S.7.