İnformasiya cəmiyyətinin inkişafı naminə
Ekspertlər Milli Strategiyanın vətəndaşlarla dövlət strukturlarıarasında ünsiyyətəti asanlaşdırcağaını düşünür
Azərbaycanda 2020-ci ilədək informasiya təhlükəsizliyi tamamilə
möhkəmləndiriləcək. Bu məsələ
ölkə prezidentinin bir
müddət əvvəl imzaladığı «Azərbaycan
Respublikasında informasiya cəmiyyətinin
inkişafına dair 2014-2020-ci illər üçün Milli
Strategiyanın təsdiq edilməsi haqqında» sərəncamda
öz əksini tapıb. Milli
Strategiyanın həyata keçirilməsi üzrə əlaqələndirici
orqan olaraq Rabitə və
Yüksək Texnologiyalar Nazirliyi
müəyyən edilib.
Sənəddə eyni zamanda, Nazirlər
Kabinetinə tapşırılıb ki, Milli Strategiyanın həyata
keçirilməsi üzrə 2014-2017-ci illər
üçün Dövlət Proqramının layihəsi 4 ay
müddətində hazırlanaraq dövlət
başçısına təqdim edilməlidir. Rabitə və Yüksək Texnologiyalar Nazirliyi isə
Milli Strategiyanın həyata keçirilməsi
ilə bağlı görülən işlər barədə
ildə bir dəfədən az olmayaraq ölkə
prezidentinə məlumat verməlidir.
Bəs, görəsən,
yeni sənədir informasiya
cəmiyyətinin inkişafına konkret
hansı tövhələri olacaq?
Rabitə
və Yüksək Texnologiyalar Nazirliyinin mətbuat xidmətinin rəhbəri
Müşfiq Əmirov məsələni
“Həftə içi”nə şərh edərkən bildirib ki, ölkə prezidentinin rəhbərliyi ilə həyata
keçirilən uzunmüddətli inkişafa
hesablanmış uğurlu siyasət nəticəsində
ölkəmizdə müasir prinsiplərə söykənən informasiya cəmiyyətinin bərqərar
olmasına möhkəm zəmin yaranıb. Onun sözlərinə
görə, ölkənin gələcək tərəqqisinə
yönəlmiş “Azərbaycan 2020:gələcəyə
baxış” İnkişaf Konsepsiyası respublikada innovasiyayönlü
və biliklərə əsaslanan iqtisadiyyatın qurulması
hesabına davamlı iqtisadi artıma və
tərəqqiyə nail olunmasında informasiya cəmiyyətinin inkişaf
etdirilməsini əsas məqsəd olaraq
qarşıya qoyub: «Prezidentin 2014-cü il 2 aprel tarixli sərəncamı
ilə təsdiq edilmiş “Azərbaycan
Respublikasında informasiya cəmiyyətinin
inkişafına dair 2014-2020-ci illər üçün Milli Strategiya” Konsepsiyada nəzərdə
tutulmuş vəzifələrin həyata
keçirilməsinə xidmət edir.Milli
Strategiya informasiya cəmiyyətinin
formalaşdırılması üzrə indiyədək görülmüş
işlərin nəticələrinə əsaslanır və
onların daha da
inkişafı məqsədilə dövlət siyasətini, əsas
məqsəd və vəzifələri, prioritetləri və
fəaliyyətin başlıca istiqamətlərini müəyyənləşdirir.
Bu Strategiyada cəmiyyətin müasir
texnologiyalara olan tələbatı,
dünya təcrübəsi, beynəlxalq
təşkilatların, o cümlədən
Beynəlxalq Telekommunikasiya İttifaqı
və Avropa Birliyinin, YUNESKO-nun tövsiyələri, “Açıq
hökumət təşəbbüsü”ndən irəli gələn
məsələlər nəzərə alınıb».
Rabitə texnologiyaları ayrıca iqtisadi sahəyə çevrilir
Nazirlik rəsmisi vurğulayıb ki, Milli Strategiyanın əsas məqsədi
ölkədə informasiya cəmiyyətinin
bərqərar olması, onun
yaratdığı imkanlardan vətəndaşların,
cəmiyyətin, dövlətin inkişafı üçün
səmərəli şəkildə istifadə, ölkənin
davamlı və dayanıqlı sosial-iqtisadi
və mədəni inkişafının təmin olunması, həmçinin rabitə
və yüksək texnologiyaların ayrıca iqtisadi
sahə olaraq inkişaf
etdirilməsidir. Müşfiq Əmirovun sözlərinə görə, Milli Strategiyanın prioritet
istiqamətləri ölkədə İKT infrastrukturu
və xidmətlərinin dünya
standartları səviyyəsində inkişaf
etdirilməsi, yüksək texnologiyalar sahəsinin
və onun inkişafı üzrə elmi-texniki potensialın gücləndirilməsi,
“elektron hökumət”in və ümumilikdə
İKT-nin cəmiyyətin inkişaf amili kimi rolunun
artırılması, kadr
hazırlığının və informasiya
təhlükəsizliyinin təmin edilməsi, milli
kontentin zənginləşdirilməsidir:
“Milli Strategiyada rəqabətqabiliyyətli
və ixracyönlü yüksək texnologiyalar sektorunun
gücləndirilməsinə müstəsna əhəmiyyət
verilir. Yüksək
texnologiyaların, o cümlədən kosmik texnologiyalar, biotexnologiya, elektronika, yeni informasiya
texnologiyaları, nano və nüvə
texnologiyalarının inkişaf etdirilməsi
əsas vəzifə olaraq nəzərdə
tutulur. Ölkədə dünya
səviyyəli elmtutumlu texnologiyaların,
yüksək texnoloji məhsulların
yaradılması və onların beynəlxalq bazara
çıxarılması, innovativ
sahibkarlığın inkişaf etdirilməsi,
yeni innovasiya şirkətlərinin
yaradılması, rəqabət və ixrac
potensialının artırılması, investisiyaların cəlb
olunması, yeni bilik və
texnologiyaların işlənilməsi və tətbiqi üçün texnoparkların, biznes inkubatorlarının genişləndirilməsi,
internet iqtisadiyyatının inkişaf etdirilməsi əsas fəaliyyətlər
kimi əks olunur».
Müşfiq Əmirov qeyd edib ki, Milli
Strategiyanın mərhələlərlə həyata
keçirilməsi nəzərdə tutulur.
Hər mərhələ qəbul edilən məqsədli
dövlət proqramı (2014-2017, 2018-2020-ci illər üzrə)
əsasında yerinə yetiriləcək. Həmçinin
dövlət başçısının
tapşırığına uyğun olaraq Milli Strategiyanın həyata
keçirilməsi üzrə 2014-2017-ci illər üçün Dövlət
Proqramının layihəsi 4 ay müddətində
hazırlanacaq. Ümumilikdə Milli Strategiya ölkəmizin daha
da inkişafına, iqtisadi
potensialının güclənməsinə,
demokratik proseslərin daha
da genişləndirilməsinə, vətəndaşların
və cəmiyyətin mövcud imkanlardan hərtərəfli istifadəsinə,
dövlət idarəçiliyində müasir
texnologiyalara əsaslanan fəaliyyətin
səmərəliliyinin yüksəldilməsinə xidmət
edəcək.
Konkret hədəflər müəyyənləşdirilib
Azərbaycan İnternet Forumunun
(AİF) prezidenti Osman
Gündüz isə deyib
ki, sözügedən Milli
Strategiyada yaxın 6-7 illik
dövrdə ölkəmizin informasiya cəmiyyətinin
formalaşması üçün konkret hədəflər müəyyənləşdirilib.
Onun sözlərinə görə, qəbul
olunan sənəd konseptual
baxımdan kifayət qədər əhəmiyyətlidir: “Azərbaycanda
informasiya cəmiyyətinin inkişafı
sahəsində 2003-2012-ci illəri əhatə edən belə
bir sənəd qəbul olunub.
Yeni təsdiqlənən Milli
Strategiya isə 2020-ci ilə qədər olan dövr üçün informasiya
cəmiyyətinin formalaşmasında əldə olunacaq uğurların keyfiyyəti
baxımından kifayət qədər əhəmiyyətlidir.
Sənəddə informasiya cəmiyyətinin
formalaşması istiqamətləri prioritet
məsələlərdir. Burada yüksək
texnologiyalarla bağlı əsas istiqamət
öz əksini tapıb ki,
bu da ölkəmizdə
qarşıdakı illər ərzində yüksək
texnologiyaların inkişafına diqqət yetirilməsinə
şərait yaradacaq. Strategiyada
digər əsas məsələ informasiya
cəmiyyətinin inkişafında normal, azad rəqabət mühitinin
formalaşmasıdır. Məhz bu məsələ
informasiya cəmiyyətinin daha çevik, effektiv və beynəlxalq normalara
uyğun şəkildə
formalaşmasına yardım edəcək. Burada
xüsusi diqqət yetirilən məqamlardan
biri də informasiya təhlükəsizliyi
ilə bağlıdır. Müasir
dövrdə bu məsələ mühüm əhəmiyyət kəsb edən
faktorlardan biridir”.
Osman Gündüz bildirib ki, sənədin
icrasının yekununda cəmiyyətin bütün sahələrinin, dövlət,
özəl, biznes, səhiyyə, təhsil
sektorlarının internetə inteqrasiyasının şahidi olacağıq. Belə ki, informasiya cəmiyyətində
vətəndaşların dövlət strukturları ilə əlaqələri
fərqli, yeni texnologiyalar
vasitəsilə çevik, effektiv və daha rahat formada qurulacaq:
“Bu baxımdan da növbəti illərdə daha
“açıq”, elektron hökumətin təşkil
olunması, xidmətilərin tamamilə
elektronlaşdırılması və vətəndaşların
bu xidmətlərdən asanlıqla istifadə
etməsi üçün lazımi mühitin yaradılması gözlənilir”.
Rabitə
və Yüksək Texnologiyalar Nazirliyinin ölkə rəhbəri tərəfindən
Milli Strategiyanın koordinatoru
kimi qəbul edildiyini
xatırladan Osman Gündüz
qeyd edib ki, nazirlik dövlət
qurumları, vətəndaş cəmiyyəti və özəl
sektordan ibarət işçi
qrupu formalaşdırmalıdır: “Bu qrup
Milli Strategiyadakı müddəaların
həyata keçirilməsi üçün
dövlət proqramının hazırlanmasını həyata
keçirməlidir. Yaxın vaxtlarda qəbul
olunan sənədlə bağlı
dövlət proqramı layihəsinin tərtib olunacağı
gözlənilir. Dövlət proqramında isə
elektron hökumətin qurulması, informasiya təhlükəsizliyinin
qorunması, yüksək texnologiyaların inkişafı,
texnoparkların genişləndirilməsi və digər məsələləri
əhatə edəcək Çox güman ki, bu məsələlərlə bağlı konkret müddəalar qeyd olunacaq, onlarla
bağlı həyata keçirilməsi nəzərdə tutulan tədbirlər dəqiqləşədiriləcək”.
Sevinc
Bu yazı Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə dəstəyi əsasında hazırlanıb.
Həftə
içi.- 2014.- 8 aprel.- S.6.