Azərbaycanda kənd təsərrüfatı
elektronlaşır
Ekspertlərin fikrincə ki,
bu sahədə vahid sistemin yaradılması
qeyri-şəffaflığın
aradan qaldırılmasına təkan verəcək
Yaxın gələcəkdə ölkəmizdə kənd təsərrüfatı tamamilə elektronlaşacaq. Bu məsələ ölkə prezidentinin «Aqrar sahədə idarəetmənin təkmilləşdirilməsi və institusional islahatların sürətləndirilməsi ilə bağlı tədbirlər haqqında” imzaladığı fərmanda öz əksini tapıb. Sənəddə həmçinin Kənd Təsərrüfatı Nazirliyi ilə İqtisadiyyat və Sənaye Nazirliklərinə tapşırılıb ki, aqroparkların yaradılması barədə təkliflərini hazırlayıb prezidentinə təqdim etməlidirlər. Bundan başqa, hər iki nazirliyə aqrar sektorun dövlət tərəfindən dəstəklənməsində şəffaflığı və hesabatlılığı təmin etmək üçün «Elektron kənd təsərrüfatı» informasiya sisteminin yaradılması tapşırılıb.
Bir müddət əvvəl prezident İlham Əliyev Nazirlər Kabinetinin
2013-cü ilin birinci rübünün sosial-iqtisadi
inkişafının yekunlarına və qarşıda duran vəzifələrə həsr olunmuş iclasında
çıxışı zamanı bu məsələyə
toxunaraq bildirib ki, ölkədə “Elektron
kənd təsərrüfatı layihəsi” mütləq həyata
keçirilməli və fermerlərin elektron
qeydiyyat sistemi
yaradılmalıdır: «Əgər biz buna nail ola
bilsək, əlbəttə, digər başqa
tədbirlərlə yanaşı, biz aqrar sektorun dayanaqlı
inkişafını daha da
sürətləndirə bilərik”.
Bəs, görəsən,
Kənd Təsərrüfatı Nazirliyində bu
sektorun elektronlaşması istiqamətində
indiyədək hansı işlər görülüb?
Kənd Təsərrüfatı
Nazirliyinin mətbuat xidmətinin rəhbəri
Murtuzəli Hacıyev “Həftə içi”nə bildirib ki, hazırda
ölkədə prioritet istiqamətlərdən
biri elektron kənd təsərrüfatının
tətbiqidir. Nazirlik rəsmisi deyib ki, bununla
bağlı Azərbaycan fermerlərinin qeydiyyatı və
torpaqların uçotu elektron
sistemi tətbiq ediləcək.
Müvafiq təhlillər aparılıb
Murtuzəli
Hacıyevin sözlərinə görə, hazırda bu istiqamətdə işlər sürətlə
davam etdirilir. Məsələn,
bir müddət əvvəl Avropa İttifaqının Azərbaycandakı
Nümayəndəliyinin iştirakı ilə “Azərbaycanda elektron kənd təsərrüfatına dəstək”
layihəsinin təqdimatı keçirilib.
Həmin tədbirdə vurğulanıb ki,
Azərbaycanda elektron kənd təsərrüfatı
sisteminin yaradılması vacib
məsələlərdən biridir: “Avropa İttifaqının dəstəyi ilə
ölkəmizdə bu istiqamətdə bir sıra işlər görülüb.
Bu ilin yanvar
ayından ilkin hazırlıq işləri
həyata keçirilib, müvafiq
təhlillər aparılıb. Məqsəd subsidiyaların həyata
keçirilmə mexanizmini, heyvanların
identifikasiyası və torpaqların qeydiyyatı sistemlərini
birləşdirərək bu istiqamətdə
görüləcək bütün
işləri elektronlaşdırmaq və vahid
bir mərkəzdən idarə etməkdir.
Bu da ölkə əhalisinin
kənd təsərrüfatı məhsullarına olan tələbatını yerli
istehsal hesabına tam
ödənilməsinə imkan verəcək.
Yaxın vaxtlarda bu
layihənin həyata keçirilməsinə başlanacaq”.
Yeri gəlmişkən bu ilin mart ayında Koreya Beynəlxalq Əməkdaşlıq Agentliyi (KOICA) Azərbaycan Kənd Təsərrüfatı Nazirliyi tərəfindən təklif olunmuş “Elektron kənd təsərrüfatı” layihəsi üzrə texniki-iqtisadi əsaslandırmanı həyata keçirmək üçün ölkəmizə mütəxəssislər ezam ediblər. Azərbaycanda kənd təsərrüfatının inkişafı, Koreyanın kənd təsərrüfatı və e-hökumət sahəsindəki təcrübəsi və layihənin texniki-iqtisadi əsaslandırması ilə bağlı fikir mübadiləsi aparmaq məqsədi daşıyan görüşdə sözügedən layihənin xüsusi əhəmiyyət daşıdığı bildirilib. Bundan başqa, ölkəmizdə kənd təsərrüfatının elektronlaşması çərçivəsində gələcəkdə müxtəlif yerli və beynəlxalq tərəfdaşların iştirakı ilə Azərbaycanda icra olunan layihələrə cəlb oluna biləcək kənd təsərrüfatı mütəxəssislərinin elektron məlumat bazasının yaradılması qərarlaşdırılıb. Bu məqsədlə Kənd Təsərrüfatı Nazirliyi müvafiq tələblərə cavab verən kənd təsərrüfatının müxtəlif sahələri üzrə mütəxəssislərin tərcümeyi-halını (CV formatında) hr@agro.gov.az elektron poçt ünvanında qəbul edir. Ümumilikdə isə gələcəkdə “Elekron nazirliyin” işə salınmasından sonra qeydiyyatın sadələşməsindən başqa, bütün dövlət orqanlarında və digər aidiyyəti qurumlarda kənd təsərrüfatı üzrə bütün lazımi məlumatı almaq imkan yaranacaq. Tutaq ki, fermer barədə, onun torpaqları, mal-qaranın sayı, subsidiyalar barədə məlumatları elektron şəkildə əldə etmək mümkün olacaq.
Şəffaflıq artacaq
Mövzu ilə bağlı fikirlərini “Həftə
içi”nə bölüşən İqtisadi
və Sosial İnkişaf
Mərkəzinin rəhbəri Vüqar Bayramov deyib ki, Azərbaycanda belə bir
sistemin tam formalaşması
torpaqlardan istifadənin səmərəliliyini
artıracaq, innovasiya və müasir texnologiyaların tətbiqini
genişləndirəcək.
Onun sözlərinə görə, bu addım həm də məhsuldarlığı
və emal sənayesinin səviyyəsini
yüksəldəcək, ixrac
potensialını artıracaq: " Elektron
kənd təsərrüfatının işi
bu sahəni institusional
və struktur cəhətdən dəyişəcək.
Bu sistemin üç il müddətində
mərhələlərlə yaradılmasının təmin
edilməsi müvafiq icra
qurumlarına tapşırılıb. Sistemdə
aqrar sektor üzrə
məlumatların əks etdirilməsi ilə yanaşı eyni zamanda subsidiyaların
verilməsi mexanizmlərinin və proseduraların əks
etdirilməsinə ehtiyac var.
Çünki Maliyyə Nazirliyinin
apardığı yoxlamalar da subsidiyaların verilməsində
nöqsanların olduğunu aşkar etdiyini nəzərə
aldıqda ölkə prezidentinin imzaladı
fərmanın tələblərinə uyğun
olaraq bu prosesdə
şəffaflığın artırılmasının ciddi əhəmiyyəti vardır. Düzdür, subsidiyaların verilmə mexanizminin dəyişdirilməsi bir günün işi deyil. Bunun üçün
müəyyən vaxt lazımdır. Amma bu istiqamətdə
işlər mütləq aparılmalıdır».
Ekspert vurğulayıb ki, ilk
növbədə subsidiyaların verilməsində boşluqlar, mənimsəmə və qeyri şəffaflıq proseslərinin haradan qaynaqlanması müəyyənləşdirilməlidirOnun
sözlərinə görə, bu məsələdə
dəfələrlə müəyyən fərqlər meydana çıxıb. Belə ki, torpaq sahələrinin artıq göstərilməsi,
lazım olmayan yerlərə daha doğrusu qanunun icazə vermədiyi yerlərə subsidiya yazılması kimi
hallar baş verir: “Təbii ki, “Elektron qeydiyyat sisteminin” yaradılması baş
verərsə kənd təsərrüfatı sahəsində
şəffaflıq tam təmin olunacaq. Burada söhbət,
ilk növbədə fermerlərin və
onların torpaqlarının elektron
qeydiyyatından gedir. Bundan başqa,
bütün dövlət orqanlarında və
digər aidiyyəti qurumlarda kənd təsərrüfatı
üzrə bütün lazımi məlumatı,
məsələn, fermer barədə, onun torpaqları, mal-qaranın sayı, subsidiyalar barədə məlumatları elektron şəkildə almaq
imkan yaranacaq. Digər
tərəfdən məmur-fermer təmasları minimum səviyyəsinə enəcək ki, bu da
mövcud neqativ
halların aradan qaldırılmasına təkan
verəcək".
Azərbaycanda
aqroparkların yaradılması istiqamətində də konkret tədbirlərin görülməsinin vacibliyini önə çəkən Vüqar Bayramov deyib ki, ölkə prezidentinin imzaladığı müvafiq
fərman aqroparklar aqrar
və emaledici biznes və
təhsil müəssisələrinin birgə klaster
formasında fəaliyyətini nəzərdə tutur: «Aqroparklar üçün
ən əlverişli bölgələr Gəncə və Gəncəətrafı
bölgələr, Lənkəran və Xızı və Xaçmaz rayonları hesab
edilir. Lakin ölkənin
digər bölgələrində də aqroparkların
yaradılması üçün əlverişli
şərait var. Kadr
çatışmazlığı ilə yanaşı sərmayələr
məsələsinin də həll edilməsinə ehtiyac var. Eyni
zamanda, müvafiq icra qurumları hansı bölgələrdə
qarışıq, hansı rayonlarda
ixtisaslaşmış aqroparkların yaradılmasını
müəyyənləşdirməlidir. Əgər bu yöndə ixtisaslaşma
olmasa, həyata keçirilən islahatlar ciddi effekt verməyəcək».
Sevinc
Bu yazı Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə dəstəyi əsasında hazırlanıb.
Həftə içi.- 2014.- 6 may.-
S.6.