Göy rəngə bürünmüş Sahil bağı

Bu gün baş tutacaq Avroliqanın möhtəşəm Bakı finalı ilə bağlı paytaxtda oyunu stadiondan izləyə bilməyən "Çelsi" klubunun əcnəbi azarkeşləri üçün Sahil bağında hər cür şərait yaradılıb.Hafta.az-ın əməkdaşının verdiyi məlumata görə, Sahil bağında azarkeşlər oyunu canlı olaraq ekrandan izləyə biləcəklər. Bu məqsədlə bağda böyük monitorq quraşdırılıb.

Oyunun saat 23.00-da başlayacağı nəzərə alınaraq buraya gələn azarkeşlərin vaxtlarını səmərəli keçirtməsi üçün bəzi məqamlar da nəzərə alınıb.

İlk olaraq onunla başlayaq ki, ərazidə təhlükəsizlik tədbirlərin yüksək səviyyədədir. Hər kəs rahat və təhlükəsiz mühitdə yaradılan şəraitdən zövq alaraq istirahət etmək imkanı əldə edib.

Bundan əlavə, Sahil bağında uşaqlar və böyüklər üçün müxtəlif oyunlar da təşkil olunur. Həmçinin turistlərin gecə saatlarına qədər qidalanması üçün Azərbaycan mətbəxinin təamlarından da münasib qiymətə paytaxt qonaqlarına təqdim edilir. Turistlər həm yaradılan şəraitdən, həm də Azərbaycan təamlarının dadından razı görünürlər.

Turistlərə yaxınlaşırıq. Müxtəlif ölkələrdən gələnlər də var. Hətta adlarının açıqlanmasını istəməyən, ancaq fotolarını çəkməyə sıcaq baxan iki turist İrandan gəldiklərini, Çelsiyə azarkeşlik etdiklərini deyirlər. Qazaxıstan, Rusiya, İngiltərə və Avropanın bir çox ölkələrindən "Çelsi"yə azarkeşlik etməyə gələnləri düzgün yönləndirmək üçün könüllülərin fəaliyyəti də xüsusi qeyd olunmalıdır.

Ruzbeh Məmməd

Həftə içi.- 2019.- 30 may.- S.7.