"Azərbaycanlılar
bizim canımızdır"
Ufuk Taneri: "Doğu Akdeniz Universiteti Quzey Kıprısın ilk ali təhsil
ocağıdır"
Son zamanlar Quzey Kıprıs Türk Cümhuriyyəti ilə Azərbaycan arasında təhsil sahəsində əlaqələr
getdikcə genişlənməkdədir.
Ali təhsil sahəsində əməkdaşlığın
daha da gücləndirilməsi
üçün müxtəlif
səviyyələrdə müzakirələr
aparılmaqdadır.
Bu dəfə
ölkəmizin qonağı
Doğu Akdeniz Universitetinin rektoru Ufuk Taneridir. Onunla rəhbərlik etdiyi universitet Azərbaycana səfərinin
məqsədi barədə
söhbətləşdik:
- Doğu
Akdeniz Universiteti Quzey Kıprısın ilk
ali təhsil ocağı, eyni zamanda, bütünlüklə
adanın ilk universitetidir.
Bizdə tədris ingilis dilindədir. Bu il universitetin yaradılmasının 30-cu ili
tamamlandı. Hazırda
məktəbimizdə 15 min tələbə təhsil
alır, indiyədək
28 min məzunumuz olub.
Məzunlarımızın çoxu dünyada tanınmış şirkətlərdə
və vəzifələrdə
çalışır. Müəllim
heyətinin zəngin beynəlxalq kadr tərkibi var. Universitetimizdə
36 ölkədən 1000 nəfərlik
müəllim heyəti
çalışır. Tələbələrimiz
isə 68 ölkədən
gələnlərdir. Universitetimiz
bir çox beynəlxalq təhsil qurumlarının da üzvüdür. Bütün
bunlar bir daha sübut edir ki, Doğu
Akdeniz Universiteti beynəlxalq ali təhsil müəssisəsidir.
- Bakıya
budəfəki səfərinizin
məqsədi nədir?
- Azərbaycanlı
qardaşlarımız bizim
canımızdır. Bizdə
azərbaycanlı tələbələr
də oxuyur. Universitetlərlə işbirliyi
qurmaq üçün
gəlmişik. Özümüzü
daha yaxşı tanıtmaq istəyirik. Quzey Kıprısa yeni tələbələr
cəlb edilməsinə
çalışırıq.
- Hansı
universitetlərlə danışıqlar
aparılıb, əlaqələr
qurulub?
- İqtisad
Universiteti ilə işbirliyimiz var. Turizm İnstitutu, Oksford Kolleci ilə anlaşma imzalamışıq.
Dövlət Dillər
Universiteti və memarlıq fakültəsinə
də araşdırmalar
aparmaları üçün
protokollar təqdim etmişik. Bakı Dövlət Universiteti və Qafqaz Universiteti ilə də danışıqlar
aparmağı planlaşdırırıq.
Danışıqlarda əsasən
tələbə mübadiləsi,
elmi işlərdə
ortaqlıq, ikili diplomun verilməsi məsələləri ətrafında
müzakirələr aparılıb.
Universitetlərin ehtiyaclarına
görə bu dəyişə bilir. Məsələn, Turizm İnstitutu xüsusi təcrübələrin keçirilməsi
və ingilis dili kursları üçün də tələbələrini bizə
göndərmək istəyir.
Görünür, bu kurslara bütün universitetlərin marağı
var. Bunlar bizim qısamüddətli kurslarımızdır.
Hər cür işbirliyinə açığıq.
- Təhsil
Nazirliyi ilə də görüşləriniz
oldu. Təşəbbüsünüz
necə qarşılandı?
- Onlar da bizə belə
suallar verdilər. Tələbələrinin bizdə
çox etibarlı şəkildə ingilis dilində təhsil almalarından razı qaldıqlarını vurğuladılar.
Universitetimizə gələcək
tələbə sayının
artacağı ehtimalını
onlardan da eşitdik.
- Quzey Kıprıs Türkiyə
istisna olmaqla dünyada müstəqil dövlət kimi tanınmır. Bu baxımdan
diplomlarınızın beynəlxalq
səviyyədə qəbul
edilməsində hansısa
problemlər yaşanmayacaq?
- Diplomlarımız
Türkiyə tərəfindən
tanınır. Keçən
həftə İngiltərədəydim.
İngiltərə bizim
diplomlarımıza "UK NARİC" təminatı verir. Tələbələrimiz universiteti
bitirdikdən sonra bu təminatı da əldə edəcəklər. Bundan əlavə, beynəlxalq qeydiyyatımız var. Bu isə
diplomlarımızın beynəlxalq
səviyyədə tanınması
deməkdir. Avropadakı
16 universitet və institutla işbirliyimiz var.
Bu səbəbdən də
diplomların tanınması
baxımından heç
bir narahatlığımız
yoxdur. Qeydiyyatlara xüsusi diqqət yetirməyimiz ən güclü nöqtəmizdir.
- Azərbaycanlı
tələbələr daha
çox hansı fakültələrə maraq
göstərir?
- Riyaziyyat
fakültəsinin 5 müəllimi
Azərbaycandandır. Hər
bir peşə ilə bağlı ixtisaslar var. Bu səbəbdən
də maraq hər bir mövzuda
ola bilər. Hazırda bizdə Azərbaycandan 38 tələbə,
10 nəfərsə müəllim
var.
- Tələbələrin
cəlbi üçün
hansısa güzəştlər
nəzərdə tutulur?
- Güzəştlər
əsasən tələbələrin
bacarığından asılıdır.
Tələbə gərək
1 il oxuyub özünün nəyə
qadir olduğunu göstərsin. Bu məsələni
nazirlə də müzakirə etdik. Məktəb birincilərinə
güzəşt olunursa,
onların sonradan bizdən də bu güzəştləri
əldə etməsi mümkündür. 1 il gözləmək isə tələbəni tanımaq
üçün lazımdır.
Müxtəlif assistanlıqlarımız
da var. Tələbələrimiz
orada çalışaraq
cib xərclərini çıxara bilirlər.
Maraqlansalar, internet səhifəmizdə
daha geniş məlumatlar əldə edə bilərlər.
- 1 il ərzində tələbəyə
ümumilikdə universitetinizdə
təhsil almaq üçün nə qədər vəsait lazımdır?
- Təxminən
14 min dollar. Bura həm
təhsil, həm də yataqxanaların haqqı daxildir.
- Kıprısda
tələbələr tərəfindən
Azərbaycanın tanıdılması
ilə bağlı hansısa işlər görülür?
- Orada azərbaycanlıları çox
sevirlər. Çünki
türk toplumudur. Quzey Kıprısla Azərbaycan arasında çox gözəl dostluq əlaqələri
var.
- Azərbaycana
belə maraq göstərməyiniz nə
ilə bağlıdır?
- Biz bütün
türk dövlətlərinə
böyük maraq göstəririk. İstəyirik
Azərbaycan da daxil olmaqla bu
dövlətlərdən universitetimizdə
təhsil alanların sayı artsın. Çünki dil və mədəniyyətimiz
birdir. Buradakı tələbələr üçün
orada təhsil almaq çox rahatdır.
- Sizin tanıdılmağınızla bağlı Quzey Kıprısın Bakı
təmsilçiliyi tərəfindən
hansısa konkret layihələrin reallaşdırılması
nəzərdə tutulub?
- Onlar bizə bu işdə
çox köməklik
göstərirlər. Lakin
universitetimizi fərdi
qaydada özümüz
tanıdırıq. Mən
özüm qısa müddətə gəlsəm
də, yardımçılarımız
Bakıda qalaraq tanıdılma ilə bağlı bir sıra görüşlər
keçirməyi planlaşdırırlar.
Həmçinin özüm
də Azərbaycanda olduğum 3 gün ərzində bir çox liseylərə və universitetlərə
baş çəkmişəm.
Müxtəlif görüşlər
keçirmişəm. Valideynlər
öz uşaqlarından
tam arxayın olsunlar və istədikləri zaman onları görməyə də gələ bilərlər.
- Qeyd etdiniz ki, bir
sıra universitetlərə
tanış olmaq üçün protokollar
vermisiniz. Onlara nə vaxt cavab
alacaqsınız?
- Çox
yaxın vaxtlarda cavab almağı planlaşdırırıq. Mən
1 ay sonra Bakıya yenidən gələcəyəm.
Azad Əliyev
Həftə içi.- 2009.- 9 aprel.- S. 3.