Eldar Qurban Rusiyanın paytaxtlarını fəth edir

 

Martın 20-dən 29-dək Moskvada müasir Azərbaycan rəngkarlığının ən layiqli nümayəndələrindən biri Eldar Qurbanın oğlu Cavid Qurbanın sərgisi baş tutub. Rəssamın telefon vasitəsilə "Həftə içi"nin müxbirinə verdiyi məlumata görə, "Bir dünya - iki qütb" adlanan vernisaj Rəssamlar İttifaqları Konfederasiyasının təşəbbüsü ilə keçirilib. Rusiya Federasiyası Rəssamlar İttifaqının binasında keçirilən sərgidə E.Qurban moskvalı sənətsevərlərə rəngkarlıq əsərlərini, C.Qurban isə qrafika üslubunda çəkdiyi rəsmləri təqdim ediblər.

Aprelin 22-də isə Eldar Qurbanın fərdi sərgisi Rusiyanın ikinci paytaxtı mədəniyyət mərkəzi sayılan Sankt-Peterburq şəhərində açılacaq. Maraqlıdır ki, fırça ustasının əsərləri arasında "Mart" adlı maraqlı bir rəsm var budəfəki vernisaj Piterin məhz "Mart" adlı qalereyasında təqdim olunacaq. Bu sərgidə E.Qurban peterburqlulara "Vurğun gəmilər", "Qürub çağı", "Uçan ilanlar", "Qırmızı ağaclar", "Körpü", "Parkda gəzinti" digər mənzərə, natürmort, qadın portretlərini təqdim edəcək. Eldar müəllim bizə məlumat verdi ki, artıq 2 ay yarımdır ki Sankt-Peterburqda yaşayır bu təkrarsız gözəlliyə malik şəhərin panoramlarını da kətan üzərinə köçürərək peterburqlu tamaşaçıların mühakiməsinə vermək fikrindədir.

 

 

Samirə

 

Həftə içi.- 2009.- 14 aprel.- S. 7.