Avropa Parlamenti
Rusiyanı "Nabucco"ya
dəvət etdi
Məsələ bu gün səsə qoyula bilər
Avropa Parlamenti son günlər gündəmdən düşməyən
"Nabucco" qaz kəməri layihəsi ilə bağlı gözlənilməz təkliflə
çıxış edib. Qurum hesab
edir ki, Rusiyanın sözügedən
layihəyə qoşulmasına
ehtiyac var. Məlumatı
Brüsseldəki diplomatik
mənbə verib.
Mənbənin sözlərinə görə, artıq təklif Avropa Parlamenti ekspertlərinin Avropa İttifaqının
eneryi siyasəti üzrə hazırladıqları
məruzəsinə salınıb
və sənədin Avropa Parlamentinin Strasburqda bu gün keçiriləcək
plenar sessiyasında səsə qoyulacağı
gözlənilir.
Məruzənin müəllifləri Xəzəryanı ölkələrin
"Nabucco" boru kəmərini qazla doldurmaq iqtidarında olmalarına şübhə
ilə yanaşırlar
və məhz bu səbəbdən hesab edirlər ki, Rusiya layihəyə
cəlb edilməlidir.
Müəlliflər "Nabucco"ya Rusiyanın "Cənub axını" qaz kəməri layihəsinin
rəqibi kimi baxılmasını məqsədəuyğun
saymırlar.
Qeyd edək ki, Avropa mətbuatı Avropa Komissiyasının Rusiyanın "Nabucco"
layihəsinə qoşulmasına
qarşı çıxdığını
dəfələrlə bəyan
edib. Komissiya hesab edir ki, Moskvanın layihəyə qoşulması
ilə Avropa İttifaqının Rusiyadan
enerji asılılığı
yalnız arta bilər.
"Nabucco Gas Pipeline international"
isə öz İnternet saytında yerləşdirdiyi məruzədə
bildirir ki, "Nabucco" qaz kəmərinin "mavi yanacaq"la doldurulması
üçün "Mavi
axın" qaz kəməri ilə Türkiyəyə ixrac olunan Rusiya qazından
da istifadə oluna bilər.
Xatırladaq ki, "Mavi
axın" qaz kəməri Rusiyanın təbii qazının üçüncü ölkələri
yan keçməklə
Qara dəniz akvatoriyası vasitəsilə
Türkiyəyə nəqli
üçün nəzərdə
tutulub. "Mavi axın"
Cahangir Həsənli
Həftə içi.- 2009.- 4 fevral.- S. 1.