Berlində Beynəlxalq Ana Dili
günü qeyd olunub
Beynəlxalq Ana Dili günü münasibətilə Almaniyadakı
Azərbaycanlıların Əlaqələndirmə
Mərkəzi tədbirlər
düzənləyib. Məlumata görə,
Berlində baş tutan toplantıda Almaniyada fəaliyyət göstərən bir sıra Azərbaycan qurumlarının nümayəndələri
xaricdə yaşayan soydaşlarımızın ana
dili və ümumiyyətlə türkdilli
xalqların dil haqlarının qorunmasına
dair müzakirələr
aparıblar. Bu məzmunda YUNESKO-ya təqdim edilmək üçün sənəd
imzalanıb. Daha bir tədbir isə Azərbaycan Mədəniyyət
Ocağında baş
tutub. Burada Azərbaycan dili
məktəblərinin tarixi
və inkişafı ilə bağlı mühazirə oxunub, xalq şairi Bəxtiyar Vahabzadənin xatirəsi yad edilib. Hər iki tədbirdə
Azərbaycan diasporunun
fəal üzvlərinin
çıxışları dinlənilib, dil problemləri ətrafında
müzakirələr və
dilin hazırkı inkişafı haqqında söhbətlər aparılıb.
Əli
Həftə içi.- 2009.- 24 fevral.- S.3.