Mədəniyyət ocaqları terror qurbanlarını andılar
Repertuarlar 30 aprel hadisəsinə həsr edildi
Aprelin 29-da Azərbaycan
Dövlət Neft Akademiyasında baş verən terror aksiyası nəticəsində
həlak olanların xatirəsi mədəniyyət
ocaqlarında yad ediləcək. Bakı Bələdiyyə Teatrı
həlak olan insanların torpağa tapşırıldığı bölgələrdə "Damokl
qılıncı" tamaşasını
oynayacaq. Teatrın direktoru Amaliya Pənahovanın bildirdiyinə
görə, baş verən hadisə kollektivin üzvlərinə
çox pis təsir edib. A.Pənahova: "Gələn
həftədən etibarən
biz Nazim Hikmətin əsəri əsasında hazırladığımız
"Damokl qılıncı"
tamaşasını həlak
olanların xatirəsinə
həsr edəcəyik.
Biz onların ailələrinə dərin
hüznlə başsağlığı
verir, Allahdan səbir diləyirik, yaralıların tezliklə
tam sağalmalarını
arzu edirik".
S.Vurğun adına Rus Dram Teatrının kollektivi isə bu günə
nəzərdə tutulmuş
komediya janrında olan "Torqovıda görüşərik" tamaşasını
başqa vaxta keçirib. Teatrın mətbuat xidmətindən
aldığımız məlumatda
deyilir: "Baş verənlərdən sonra komediya tamaşası ilə səhnəyə çıxmaq çox yersiz görünərdi".
M.Maqomayev adına
filarmoniyanın direktoru
Murad Adıgözəlzadə
də mətbuata açıqlamasında bildirib
ki, aprelin 30-da Neft Akademiyasında baş vermiş faciə ilə bağlı filarmoniyanın
repertuarında mayın
1-nə nəzərdə tutulmuş
Ü.Hacıbəyli adına
Dövlət Simfonik Orkestrinin konserti həlak olanların xatirəsinə həsr edilib. Konsertdə S.Barberin "Adajio", G.Malerin "Səyahət
edən usta şagirdinin mahnıları"
və X.Mirzəzadənin
"Triptix" simfoniyası
ifa olunub. Dirijor Vladimir Runçakdır.
Samirə
Həftə içi.- 2009.- 2-4 may.- S. 7.