Bakıda beynəlxalq
konfrans keçirilib
"Biz qələbənin varisləriyik"
devizi altında keçirilən beynəlxalq
aksiya çərçivəsində
Azərbaycan Gənclər
və İdman Nazirliyi ilə birgə "Gənclər
sülhün tərəfdarıdır"
mövzusunda təşkil
olunan beynəlxalq konfrans keçirilib. Konfransda Rusiya, Moldova, Qazaxıstan, Belarus və Ukraynanı təmsil edən gənclər iştirak ediblər. Mayın 7-də konfrans iştirakçıları Tərxis
Olunmuş Hərbçilərin
Gəncləri Maarifləndirmə
İctimai Birliyinin ofisində Böyük Vətən müharibəsi
veteranları ilə görüşüblər. Tədbirdə gənclər və idman nazirinin müavini İntiqam Babayev, Tərxis Olunmuş Hərbçilərin
Gəncləri Maarifləndirmə
İctimai Birliyinin sədri Emin Həsənli, "Əsgər
anaları" Şurasının
sədri Leyla Gərayzadə çıxış
edərək konfrans iştirakçılarını salamlayıblar. Böyük
Vətən müharibəsi
veteranları öz xatirələrindən danışaraq
gənclərə hərbi-vətənpərvərlik hisslərindən,
döyüş xatirələrindən
danışıblar. Konfransda
iştirak edən gənclər veteranlara suallar veriblər. Müasir dövrümüzdə
beynəlxalq aləm üçün sülhün
vacibliyi barədə söhbət açan gənclər konfransın
devizinin təsadüfi
seçilmədiyini də
vurğuladılar. Sonda
xatirə şəkilləri
çəkildi. Qonaqlara
hədiyyələr - "Azərbaycan
muğamı", "Azərbaycan
xalçaları", "Azərbaycan mədəniyyətinə
baxış" kitabları,
"Erməni terroru"
və "Azərbaycana
xoş gəlmisiniz"
adlı disklər təqdim olunub.
Əli
Həftə içi.- 2009.- 8 may.- S. 2.