Ermənilər Şuşaya divan
tutub
Nadir ağaclar
doğranaraq aparılıb
Ərazisinin 20 faizini meşələr təşkil
edən Şuşa şəhərinin ümumi
sahəsi 29.356 hektardır.
Şuşanın ətrafındakı
meşə və dərələrdə müxtəlif
müalicəvi əhəmiyyətli
mineral sular, dərman bitkiləri və çiçəklər
geniş yayılıb.
Ən iri mineral su bulaqları
Turşsu və Şırlandır.
Ekologiya və Təbii Sərvətlər
Nazirliyindən verilən
məlumata əsasən,
Şuşa rayonunda təsdiqlənmiş ehtiyatları
1143 min kubmetr olan və işğala qədər istismara cəlb edilən Şuşa üzlük daşı yatağı, ehtiyatları 397 min kubmetr olan kərpic-kirəmit istehsalına yararlı Keçəldağ gil yatağı, istismar ehtiyatları 50 min kubmetr-gün
olan Şuşa yeraltı şirin su yatağı, müalicəvi əhəmiyyətə
malik 60 min kubmetr-gün
və 25 min kubmetr-gün
olan Şırlan və Turşsu mineral və su yataqları
var: "1988-ci ildə
Şuşa və Əsgəran ərazisində
nadir təbiət komplekslərini
qorumaq üçün
təşkil edilən
Daşaltı Dövlət
Təbiət Yasaqlağı
450 ha ərazini əhatə
edirdi. 1992-ci ildən
işğal altında
qalan yasaqlıq hazırda tamamilə məhv edilib.
Şuşanın "Haça yal"
adlanan sahəsində
uzun illər əkilərək becərilmiş
1500 - 2000 ədəd palıd
ağacı ermənilər
tərəfindən doğranaraq
aparılıb. Ekologiya və
Təbii Sərvətlər
Nazirliyinin "İşğal
olunmuş Azərbaycan
ərazilərində ətraf
mühit və təbii sərvətlərə
dağıdıcı təsiri
müəyyənləşdirən operativ mərkəz"i işğaldan sonrakı dövrlərdə
rayon ərazilərində
müxtəlif vasitələrlə
aparılmış videoçəkilişlərə baxaraq təbii sərvətlərin
ermənilər tərəfindən
dağıdılmasına dair
aşağıdakı faktları
aşkarlayıb. Şuşa
şəhərində yanacaq
kimi Qarabağ meşələrinin nadir çoxillik ağaclarından
istifadə olunub.
Qurumdan verilən məlumatda o da bildirilir ki, Şuşa şəhərinin
yuxarı hissəsində
"Dörd yol" adlanan yerdən Laçın küçəsinin
solunda, Q.Əsgərov
küçəsində 200-ə yaxın müxtəlif növ iridiametrli çoxillik ağaclar kəsilib, ondan bir qədər irəlidə yolun sağında isə ağaclar bütünlüklə
qırılıb: "Zarıslı
kəndinin bütün
ağacları, o cümlədən
məktəb həyətində
olan dekorativ və meyvə ağacları tamamilə məhv edilib. Şuşanın Topxana meşəsinin qoruq zonasında, meşənin
lap hündür yerində meşə sahəsi qırılaraq geniş düzənlik açılıb və orada tikintilər inşa edilib".
Mirvari
Həftə içi.- 2009.- 9-12 may.- S. 6.