Türkiyə səfiri Sosial Müdafiə Fondunda olub
Hulusi Kılıç
pensiya sistemindəki islahatlarla maraqlanıb
Türkiyənin Azərbaycandakı səfirliyinin
nümayəndələri Dövlət
Sosial Müdafiə Fondunda (DSMF) olub. Səfir
Hulusi Kılıç,
səfirliyin sosial müdafiə məsələləri
üzrə müşaviri
Mustafa Gür və ticarət müşaviri Qazi Bilginin daxil
olduğu nümayəndə
heyəti fondun fəaliyyəti və iş şəraiti ilə
Qonaqlar DSMF sədri
Səlim Müslümovla
görüşüblər. Fondun ictimaiyyətlə əlaqələr sektorundan
aldığımız məlumata
görə, S.Müslümov
diplomatları qurumun mərkəzləşdirilmiş idarəetmə, fərdi uotun avtomatlaşdırılması
sistemləri, tədris
otağı, sosial-sığorta
şəhadətnamələrinin çapı mərkəzi
ilə yaxından
DSMF sədri qonaqlara
izahatında bildirib ki, müasir standartlara uyğun qurulmuş sığorta-pensiya
sisteminin idarə olunmasını avtomatlaşdırmaq
üçün 6 il ərzində fondun maddi-texniki bazası tamamilə yenidən qurulub. Həmçinin
60-dan çox yerli şöbənin yeni inzibati binası istifadəyə verilib və hər bir şöbə üçün lokal şəbəkə qurulub,
avtomatlaşdırılmış iş yerləri yaradılıb. Fond rəhbəri
onu da əlavə
edib ki, burada hər bir işçi kompüterlə təmin olunub. Onun sözlərinə
görə, bu sahədə aparılan islahatlar nəticəsində
Azərbaycanda aztəminatlı
əhalinin sosial müdafiəsi yeni sistemdə formalaşıb.
2003 - 2005-ci illərdə əhalinin sosial müdafiəsi sahəsində
görülmüş işlərdən
danışan S.Müslümov
bildirib ki, artıq pilot və hazırlıq tədbirləri
başa çatıb:
"2006-cı ildən isə
sığorta-pensiya sistemi
ilə dövlət sosial yardım sistemləri bir-birindən
ayrılıb və bu sistem beynəlxalq
standartlar əsasında
fəaliyyət göstərir.
Köhnə pensiya sistemi ilə əhatələnmiş şəxslərin
pensiya təminatı yeni normalara uyğunlaşdırılmış və onların yeni sistemin iştirakçısına
çevrilməsi təmin
olunmuş, əvvəlki
pensiya işləri mərkəzləşdirilmiş qaydada arxivləşdirilərək
elektron uçot qurulub. Həmçinin
2004-cü ildən pensiya
və müavinətlərin
ödənişinin avtomatlaşdırılması
işinə başlanılıb".
Fond sədri onu da qeyd edib
ki, hazırda ödənişdə olan
pensiyaların 93 faizi,
yəni 1 milyon 30 min nəfərin pensiyasının
ödənişi plastik
kartlarla həyata keçirilir. O, yaxın vaxtlarda pensiya təyinatının və
ödənişlərin avtomatlaşdırılmasının
başa çatdırılacağını
da qonaqların diqqətinə çatdırıb:
"Qeydiyyatda olan bütün pensiyaçı
və sığortaolunanların
özlərinə aid istənilən
məlumatın dərhal
əldə olunması
üçün 3 milyon
şəxsi əhatə
edəcək ümumi
məlumat bazası yaradılacaq. "2009 - 2015-ci illərdə
Azərbaycan Respublikasında
sığorta-pensiya sisteminin
inkişafına dair dövlət proqramı"
isə pensiya təminatında sığorta
prinsiplərinin gücləndirilməsini
və tədricən yığım komponentinin
tətbiqinə keçidi
nəzərdə tutur".
Türkiyənin ölkəmizdəki
səfiri H.Kılıç
isə Azərbaycanın
sığorta-pensiya sistemindəki
islahatları yüksək
qiymətləndirib. Səfir
bu islahatların bir çox inkişaf etmiş ölkələr üçün
örnək ola biləcəyini vurğulayıb.
Xatırladaq ki, Azərbaycan və Türkiyə hökumətləri
arasında sosial müdafiə sahəsində
əməkdaşlığı nəzərdə tutan saziş mövcuddur.
Naibə
Həftə içi.- 2009.- 30 yanvar.- S. 5.