QİSAS ALAN ŞƏHİDİM

Sənin həsrətinlə ağlayır gözlər,

Ardınca düzülüb indi xoş sözlər.

Qəfil gedişinə inanmaq olmur,

Toğrul, sevənlərin yolunu gözlər.

Yoxluğun qəlblərin imtahanıdır,

Sənin axan qanın şərəf qanıdır.

Xalqım, dur ayağa, sarıl silaha –

Şəhid qanlarının qisas anıdır.

Söz verdin dəfnində əziz dostuna,

Sözünü tez tutdun getdin yanına.

Sən dostun qisasın aldığın kimi,

Sənin qisasın da təki alına.

Bu hava, bu torpaq indi qan qoxur,

Bu qoxu qəlblərə intiqam toxur.

Şəhidin ağısın anası deyil,

Hər gecə gizlincə mələklər oxur.

Torpağı almaqdır şərəf borcumuz,

Gərəksə tutacaq silah ovcumuz.

Düşmən tapdağında qalan torpağı,

Düşməndən qurtarar güclü ordumuz.

MANYA SƏXAVƏTQIZI

Hərbi And.- 2020.- 10 iyul.- S.10.