“90-cı illərdə tökülən
qanlı göz yaşımızı
oğullarımız Şuşada
xarıbülbüllə sildi!”
Düşmən qarşısında inamla dayanıb, Vətənimizi, torpaqlarımızı qoruyarkən şəhid olan igid qardaşlarımızdan biri də şəhid Əliyev Saleh Namiq oğlu dur.
Saleh Əliyev 1992-ci il
avqustun 18-də Sabunçu
rayonunun Zabrat qəsəbəsində anadan
olub. 1998-ci ildə Birinci Qarabağ müharibəsi şəhidi
Milli Qəhrəman Elxan Misirov adına
71 saylı orta
məktəbdə təhsilinə
başlayıb. 2014-ci ildə Sənaye və Texnologiya Kollecini bitirib. 2014-cü ilin yayında
hərbi xidmətini Qazax rayonun Kəmərli
kəndindəki "N" saylı hərbi hissədə keçirib.
2016-cı ildə hərbi xidməti başa vurub. 2020-ci ilin iyulunda
başlayan Tovuz döyüşləri zamanı
Milli Qəhrəmanı
general-mayor Polad Həşimov
şəhid olandan sonra Orduya könüllü
yazılıb. Sentyabrın 21-də İkinci Qarabağ müharibəsinə qoşulub.
Şəhid anası Əliyeva Solmaz Famil qızı
deyir ki, üç övladımız
vardı. Böyük övladım şəhidim
Saleh idi. Balamla bağlı o qədər xatirələr
var ki, danışmaqla
bitməz:
"Hələ uşaq
vaxtı Sabunçu rayonunda 82 saylı baxaçaya gedirdi. Həmişə müəllimləri deyirdi
ki, çox səliqəli, təmiz uşaqdır. Böyük
bir kişi
kimi qardaşının
qaydına qalır, qayğısını çəkirdi.
Uşaq vaxtı cüdo ilə məşğul olurdu. Bir dəfə gec
gəlmişdi, getmişdim
arxasınca. Mənə hirsləndi
ki, mən uşağam arxamca gəlirsən? Mən
kişiyəm, özüm
gedib-gələcəyəm!
Saleh balacalıqdan
şəhidlərimizi çox
sevirdi. Şəhid Milli Qəhrəmanlar
Salatın Əsgərova
və Çingiz Musatafayev haqqında şeirlər əzbərləmişdi.
Məktəbdə elə alınıb
ki, bundan şeiri soruşmağa vaxt qalmayıb. Müəlliməsindən çox küsmüşdü
ki, mən şəhidləri sevirəm,
niyə mənə şeir oxutmadı. Küsdüyü üçün həmin günü məktəbdən yarımçıq
gəlib. Atam həmişə
deyirdi ki, Saleh çox qeyrətli oğul olacaq. Siz görəcəksiniz o necə oğul olacaq. Balam 15 yaşından həm oxuyurdu, həm işləyir, evə həmişə kömək olurdu. Bir sirri olanda gəlib
mənimlə bölüşürdü.Yadıma
gəlir məktəbli
vaxtlarında bir gün qonşuya kömək lazım oldu. Pəncərdən gördüm ki,
Saleh qonşunun ağır yüklərini
daşıyır. Çağırdım ki, Saleh, sən
uşaqsan axı, o yükü götürə
bilmərsən. Dedi,
ana, axı onun oğlu yoxdur kim
kömək etsin? Onun bu cavabından utandım. Gedib özüm də
kömək etdim qonşuya.
Onu oxumaq üstündə çox
incidirdim ki, oxusun. Qohumlardan bir neçəsinin
adını çəkdi.
Dedi, filankəslər
oxuyubmu? Yox. Bax, mən
elə oğul olacağam ki, onlardan da üstün!
İnsana fərasət, bacarıq
lazımdır".
Şəhid atası Namiq Əliyev deyir ki, oğlum texnikanı çox sevirdi:
"Əvvəldən bir motoskleti vardı, daha sonra işləyərək
avtomobil aldı. Elə baxın,
qapıda qalıb, heç tərpətməyə
əlimiz gəlmir.
Arada qardaşı sürür.
Nəsə bir problem, çətinlik
olanda özü həll edirdi. Heç vaxt
bizi incitməzdi.
Ailənin sanki bir ağsaqqalı
kimi idi. Usta gətirirdi
evimizə ki, onu-bunu təmir edək. İşgüzar
idi, ev
quran idi bizim balamız. Çox xeyirxah uşaq idi. Dükan işlədirdik. Dükanmızdan bütün qərənfilləri
aparıb qəbirlərin
üstünə paylaşdırırdı.
Şəhidimizin anası Əliyeva
Solmaz xanım deyir ki, məhləmizdə
bir dostu avtomobil qəzasında rəhmətə getmişdi:
"Həmin uşağın
anası mənə bu yaxınlarda danışır ki, bir gün getdim
ki, Saleh oğlumun qəbrinin üstünü təmizləyir. Dedim, Saleh, sənə kim dedi
buranı təmizlə?
Mənə dedi ki, mənə bunu kimsə deməlidir ki?! Tez-tez nənə babasın ziyarət edərdi, onları çox sevirdi uşaqlıqdan.
Pandemiya vaxtı dövlət ona 190 manat məvacib
verirdi. O gətirib mənə 90 manat verdi, heç
nə soruşmurdum. Bir dəfə soruşdum bəs o 100 manatı necə etdin? Dedi ki, ehtiyacı
olan ailəyə verirəm, ana, onlar çox
acınacaqlı vəziyyətdədir.
Çox
rəhimli uşaq idi. Bir gün burada
qurunt suları məhlələri basdı,
evlərin polları çox pis vəziyyətə düşdü.
Həmin
vaxtı qonşunun pollarını təmir etdirirdi. Bu da
ordan çıxan taxtaları öz avtomobilinə yığıb
apardı Maştağaya
ehtiyacı olan dostlarına ki, qışda körpələri
əziyyət çəkməsin.
Saleh xalçayumda işləyirdi.
Bir gün gördüm 4-5 dənə xalça gətirib, yuduzdurub, asdırmışdı. Bütün köhnə
xalçaları apardı
təkrar bərpa etdirməyə. Aparıb
ehtiyacı olan dostuna verdi.
Aparıb qaz balonlarını
doldurub verirdi tanışlarına. Deyirdi, ana,
körpələri var.
Bu, bizim üçün çox böyük acıdır, ancaq qüruru, fəxri daha böyükdür. Mən fəxr edirəm ki, Saleh kimi oğulun anasıyam! Həmişə dostlarına deyirdi ki, biz generalımızın qanını alacağıq! Mənim oğlum Saleh kimi oğullar 1990-ci illərin şəhidlərinin qanını aldılar. Gənclərmizə bir tövsiyəm var, çalışsınlar bu torpaqları heç vaxt daha erməni mənfurlarına verməsinlər.
Allah cənab Prezdentimizə
cansağlığı versin. Onun dəmir yumruğunu və qalib Ordumuzun
sayəsində biz qalib
olduqə Sağ olsun müstəqil Azərbaycanımız! Sağ
olsun Ali Baş Komandanımız! Allah cəmi şəhidlərimizə
rəhmət eləsin!"
Hazırda Şəhid Əliyev Saleh Namiq oğlunun adına yaşadığı evin qarşısında ailin şəxsi vəsayiti hesabına xatirə bulaq kompleksi qurulub. Təhsil aldığı orta məktəbdə adına sinif otaqları, həmçinin 176 nömrəli orta məktəbdə sinif otağı var. Anası bildirir ki, 82 saylı baxaçaya oğlumuzun adının verilməsini istəyərdik.
Azərbaycan Ordusunun əsgəri olan Saleh Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayıl və Füzuli rayonunun azadlığı uğrunda gedən döyüşlərdə iştirak etmişdir. Saleh Əliyev oktyabrın 15-də Füzuli döyüşləri zamanı şəhid olub.
Azərbaycanın ərazi bütövlüyünün təmin edilməsi
uğrunda döyüş
əməliyyatlarına qatılan və hərbi hissə
qarşısında qoyulmuş
qapşırıqların icrası zamanı vəzifə borcunu şərəflə yerinə yetirdiyi üçün
Azərbaycan Prezidenti İlham
Əliyevin Sərəncamlarına əsasən, Saleh Əliyev ölümündən sonra "Vətən uğrunda"
və "Xocavəndin azad olunmasına
görə" medalları ilə təltif edilib.
Aydın Tağıyev
Azərbaycan Jurnalistlər Birliyinin
üzvü, müstəqil araşdırmaçı jurnalist
mr-aydin@mail.ru
Hərbi And.- 2022.- 23 dekabr.- S.16.