Son 20 il ərzində qəbul edilmiş regional inkişaf proqramlarının uğurlu icrası ölkəmizin tərəqqisində xüsusi rol oynayıb

”Prezident İlham Əliyevin ölkəyə rəhbərlik etdiyi müddətdə bir sıra mühüm əhəmiyyətli dövlət proqramları qəbul edilmiş və həmin proqramlarda qarşıya qoyulmuş vəzifələrin layiqincə yerinə yetirlməsi respublikamızın reytinqini artırmış, yeni iş yerləri yaradılmış, yoxsulluğun səviyyəsi 5 faizə endirilmiş və əhalinin rifahı xeyli yaxşılaşdırılmışdır. Regional inkişaf proqramlarının uğurla yerinə yetirilməsi regionların da simasını tamamilə dəyişmiş, əhalinin məşğulluğu artmış, sosial müdafiəsi daha da güclənmişdir. Hazırda işğaldan azad edilmiş ərazilərin əvvəlkindən də yüksək səviyyəyə çatdırılması məqsədilə qəbul edilmiş dövlət proqramları bütün istiqamətləri əhatə edir. Qarabağ və Şərqi Zəngəzurda dövlət proqramları əsasında həyata keçirilən yenidənqurma, tikinti-bərpa işləri beynəlxalq ictimiyyətin də diqqətindən yayınmayıb"”.

Bu fikirləri AZƏRTAC-a açıqlamasında Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə bildirib.

Hüquq müdafiəçisi bir nçə gün əvvəl Prezident İlham Əliyevin sədrliyi ilə keçirilən “Bakı şəhərində və Abşeron yarımadasında su təchizatı, yağış və tullantı suları sistemlərinin təkmilləşdirilməsinə dair 2026−2035-ci illər üçün Dövlət Proqramı”na həsr olunmuş müşavirədəki çıxışına münasibət bildirərkən deyib ki, ölkəmizdə bütün istiqamətlər üzrə əsas infrastruktur məsələləri öz həllini tapmışdır. O, dövlət başçısının çıxışına istinadən deyib ki, son illər ərzində respublikamızda genişmiqyaslı infrastruktur layihələri icra olunmuş, həm Bakıda, həm bütün bölgələrdə dövlət proqramları qəbul edilmişdir. Hər proqram beş ili əhatə edirdi və həmin proqramlar uğurla icra olundu. Bunun nəticəsində ölkədə əsas infrastruktur məsələləri uğurla həll edildi. İlk növbədə, elektrik enerjisi ilə təchizat bütün ölkəni əhatə etmişdir. Hətta, vəziyyət o həddə çatıb ki, Azərbaycan elektrik enerjisini ixrac edir. Dövlətimizin başçısı qeyd edib ki, Azərbaycan bir neçə ildən sonra, - necə ki, bu gün nefti, qazı dünya bazarlarına ixrac edir və bir çox ölkələrin enerji təhlükəsizliyini təmin edir, eyni səviyyədə elektrik enerjisini də dünya bazarlarına ixrac edəcək. Diqqətə çatdırılıb ki, hazırda ölkədə əhalinin 96 faizi təbii qazla təchiz edilib. Bu da son 20 il ərzində aparılan infrastruktur layihələri arasında xüsusi yer tutan məsələdir.

Komitə sədri müşvirədə dövlət proqramları əsasında həyata keçirilən avtomobil yollarının inşasının, içməli su və suvarma layihələrinin də həmişə diqqət mərkəzində olduğu barədə fikirlər səsləndirlidiyni bildirib. Son 20 il ərzində dörd böyük su anbarı inşa edilib və bu su anbarlarının potensialı 500 milyon kubmetrdən çoxdur. Bu gün əksər şəhərlərimizdə içməli su, kanalizasiya layihələri icra olunmuş və bu proses uğurla davam etdirilir. İşğaldan azad edilmiş ərazilərdə də içməli su və suvarma layihələri uğurla icra edilir. Son beş il ərzində bu ərazilərdə bir neçə önəmli layihənin icrası artıq başa çatıb.

Tanınmış hüquqşünas qeyd edib ki, müşavirədə müzakirə olunan proqramın Bakı şəhərini, onun qəsəbələrini, Sumqayıt şəhərini və Abşeron rayonunu əhatə edəcək. Bu məsələni diqqətə çatdıran dövlətimizin başçısı Bakının və Abşeron yarımadasının içməli su problemlərinin uzun illər ciddi problem kimi qarşımızda durduğunu deyib. Söz yox ki, bu istiqamətdə müəyyən işlər görülüb. Ancaq genişmiqyaslı və müfəssəl dövlət proqramının qəbul edilməsi zərurətinin yarandığının vaxtı çatıb. Bu proqramın əsas məqsədi Bakı və Abşeron yarımadasını dayanıqlı içməli su ilə təmin etməkdir. Proqram 2035-ci ilə qədər icra olunmalıdır. Proqramın icrası üçün maliyyə mənbələri də müəyyən edilib. Qeyd edilib ki, proqram iki mənbədən - həm dövlət büdcəsi, həm də xarici kreditlər hesabına maliyyələşəcək.

Hüquq müdafiəçisi dövlət proqramının qarşıya qoyduğu vəzifələrdən söhbət açaraq deyib ki, bu əhəmiyyətli sənəd çox geniş və konkretdir: “30-a yaxın yeni su anbarı tikilməli, sayğaclaşdırma 100 faizə çatdırılmalıdır. Bu gün fasiləsiz içməli su ilə təmin olunan əhali 70 faiz təşkil edir. Proqramın icrası nəticəsində bu, 95 faizə çatacaq. Bakının, Sumqayıtın, Abşeron rayonunun və 64 yaşayış məntəqəsinin su təchizatı böyük dərəcədə yaxşılaşacaq. 200 kilometrdən çox magistral kanallar və bir o qədər paylayıcı şəbəkə tikiləcək və yenidən qurulacaq.Yağış sularının idarə olunması üçün Bakının 30 küçəsində yeni kollektor şəbəkəsi qurulacaq. Bu gün kanalizasiya xidməti göstərilən əhali cəmi 50 faiz təşkil edir. Proqramın icrası nəticəsində bu, 95 faizə çatdırılmalıdır. Bununla yanaşı, dənizə buraxılan sular 100 faiz təmizlənməlidir. Abşeron yarımadasının su təchizatını yaxşılaşdırmaq üçün ilk dəfə olaraq ölkəmizdə duzsuzlaşdırma zavodu inşa ediləcək”.

Ç.Qənizadə qəbul edilən Dövlət Proqramının məqsədləri barədə məlumat verərək deyib: “Bu mühüm əhəmiyyətli proqramın əsa məqəsdi su təchizatının dayanıqlığının artırılması, alternativ su mənbələrinin yaradılması və infrastrukturun yenilənməsi, su və kanalizasiya şəbəkələrinin genişləndirilməsi, yağış suları risklərinin aradan qaldırılması, tullantı su infrastrukturunun təkmilləşdirilməsi və ekoloji vəziyyətin yaxşılaşdırılması, su sektorunda rəqəmsal idarəetmə və su itkisinin idarə edilməsinin effektiv monitorinqinin təminidir”.

Hərbi And .- 2026.- 16 yanvar (№2).- S.6.