Qarabağ xanəndəlik
məktəbinin görkəmli
nümayəndəsi – Arif Babayev
Arif İmran oğlu Babayev
fevral ayının 20-si 1938-ci ildə Ağdam şəhəri
yaxınlığındakı Sarıhacılı kəndində
anadan olub. Xanəndə, xalq artisti
(1988), professor (1996), “Şöhrət” (1998) və
“İstiqlal” (2008) ordenlərinə layiq
görülmüşdür. Arif Babayev XX əsrin
ikinci yarısında Qarabağ xanəndəlik məktəbinin
görkəmli nümayəndələrindən biridir.
(Əvvəli ötən
sayımızda)
Muğam xalq musiqi təfəkkürünün dərin
mənalı, aydın və səlist ifadəli
yaradıcılıq məhsuludur. Müəyyən
sistemə əsaslanan muğam – dolğun məzmunu, zəngin
forması olan musiqi əsəridir. Odur ki,
onun ifası bədii cəhətdən bitkin, ifadə
baxımından isə rəvan olmalıdır. Azərbaycan muğam musiqisinin inkişafında
ağdamlı musiqi yaradıcılarının, eyni zamanda xanəndələrin
böyük xidmətləri olmuşdur. Bu
xanəndələr xalqın mənəvi aləmininin, zəkasıının,
arzu-istəyinin ifadəsi olan muğamlarımızı
yaşatmış, onun qorunubsaxlanılmasında müstəsna
xidmətlər göstərmişlər.
Muğamların yeni variantlarının yaradılması
da xanəndələrin yaradıcılıq – ifaçılıq
keyfiyyətləri ilə bağlı olub, hər bir xanəndənin
ifaçılıq tərzindən meydana gələn
xüsusiyyətdir. Hər bir xanəndə oxuduğu
muğama öz nəfəsini, öz oxuma tərzini,
özünəməxsus ifaçılıq ənənəsini
gətirir. Belə xanəndələrdən –
Hacıbaba Hüseynov, Yaqub Məmmədov, İslam Rzayev,
Əlibaba Məmmədov, Arif Babayev, Alim Qasımov və
başqalarını misal göstərə bilərik. Əsl sənətkar olmaq, xalqın rəğbətini
qazanıb ürəklərə həmişəlik yol tapmaq, ən
başlıcası, milli sərvətimiz sayılan
muğamlarımızın saflığını qoruyub, onu özünəməxsus
çalarlarla bəzəyib zənginləşdirmək hər
sənətkara nəsib olmur. Bu gün
milli muğam ifaçılığının görkəmli
nümayəndəsi, məlahətli səsi, böyük
istedadı ilə ustad xanəndə kimi tanınan Arif Babayev ən
qüdrətli sənətkarlardan biri kimi qəbul olunur.
Arif Babayev sənəti çoxşaxəlidir.
Onun sənəti musiqi tariximizdə, xüsusən
muğam sənətində ayrıca, bənzərsiz,
özünəməxsus bir məktəbdir. O, XX əsrdə
Azərbaycan milli musiqisinin ən yüksək zirvəsi
sayılan xanəndəlik sənətini inkişaf etdirərək
daha da irəli aparmışdır.
Qeyd etmək lazımdır ki, xanəndə həm də
dövrünün məşhur sənətkarları ilə
sıx təmasda olaraq onu əhatə edən mədəni
mühitdə formalaşır, yetkinləşir, ustad sənətkarların
yaradıcılığından bəhrələnir və
onların ənənəsinə arxalanırdı. Bütün bunları əsas
götürərək görünür ki, onun yüksək
ifaçılıq mədəniy- 28 yətinə malik
olmasında məhz ustad xanəndə Seyid Şuşinskinin,
Xan Şuşinskinin, Zülfü Adıgözəlovun və
b. xanəndə və ifaçıların böyük rolu
olmuşdur. Məhz onların ənənəsini
yaşadan, yeni nəfəslərlə muğamlarımızı
zənginləşdirən ustad xanəndə zirvəsinə
çatmışdır. Geniş səs
imkanlarına malik olan xanəndə demək olar ki, tarın
bütün pərdələrində asanlıqla gəzişə
bilir.
Arif Babayev muğamın bütün tərkib hissələrini
və bədii tamlığını yüksək şəkildə
təqdim etmiş və dolğun ifadəsini
tapmışdır. Görkəmli xanəndə muğam
şöbələrinin məzmun və xarakterinin
düzgün verilməsi üçün hər şöbəni
daha dəqiq səciyyələndirən intonasiya və kadans
dönməsini mümkün qədər konkret səsləndirməyə
çalışmışdır. Məhz
bu xüsusiyyətinə görə də hər bir
şöbə onun ifasında özünün
obrazlılığı, yetkinliyi və orijinal ifadəliliyi
ilə fərqlənmişdir.
Arif Babayev böyük muğam ustadıdır. Sənətkarın
həzin, məlahətli səsi onun yaradıcılıq
istedadı ilə həmahəngdir. Tarın
bütün pərdələrinə düşən bu səsin
zili də, bəmi də bir-birindən gözəldir. Səlist, aydın diksiyası, boğaz
xırdalıqları, zəngulələri yüksək
istedadın təzahürüdür. Bu
keyfiyyətlərin məcmusu sənətkarın ifa etdiyi
muğam dəstgahlarına, xalq mahnılarına, təsniflərə
yeni ruh, təravət, nəfəs gətirir.
Arif Babayev milli muğam ifaçılığı sahəsində
öz ifaçılıq məharəti ilə uzun illərdən
bəri özünəməxsus yer tutur. Allah vergisi
olan müqəddəs səsini qoruyub saxlamaq, əcnəbi
xallardan mühafizə etmək ustadın təqdirəlayiq sənətkarlıq
məziyyətlərindəndir. Hər bir sənətdə
olduğu kimi, oxumağın da öz texnikası var: nəfəsalma,
tələffüz, temp və ritm təmizliyi, səsin sözlə
əlaqəsi, fikrə uyğun dəyişməsi və s.
Musiqisevər xalqımız oxumağın bir çox texniki
incəliklərini çox yaxşı duyur, hiss edir. Ona görə də onların zövqünü
oxşamaq hər xanəndənin işi deyil. Arif Babayevin dolğun, təmkinli, sərbəst ifa tərzi,
aydın tələffüzü onun mükəmməl bir xanəndə
olmasını aydın şəkildə göstərir.
Lüzümsuz səsçıxarmalar kimi formal
zahiri əlamətlər onun sənətinə tamamilə
yaddır.
Qeyd etmək lazımdır ki, xanəndə ifa etdiyi
muğamın məzmun və xarakterinin düzgün verilməsi
üçün hər şöbəni səciyyələndirən
29 intonasiya və kadans formullarını dəqiq səsləndirməyə
çalışmışdir. Məhz bu baxımdan
ustad xanəndənin oxuduğu muğamlar özünün
obrazlığı, məzmunca yetkinliyi, orijinal tembr ifadəliyi
ilə fərqlənir. İfaçılıq tarixindən
məlumdur ki, muğam oxuyanların səs tembrləri müxtəlifdir:
zil, orta, bəm, sinə səsi, boğaz səsi və s. Arif
müəllimin geniş diapazonlu səsindən danışarkən
onun səsinin həm bəm, həm orta və zil registrlərdə
aydın, şəffaf, güclü və şirin səsini
xüsusilə qeyd etməliyik. O, oxuyanda asanlıqla müəyyən
etmək olur ki, bu Azərbaycan xalqına mənsub xanəndənin
avazıdır. Onun səsinin çox ecazkar məqamları
var. Təkcə səs azdır. Onu təkmilləşdirmək
üçün, tələffüzə, seçilən qəzəllərə,
başqa muğamların sirlərinə bələd olmaq
üçün gərgin zəhmət və axtarış
lazımdır.
Arif Babayevin səs işlətmək bacarığı,
səslə gəzişmək bacarığı,
xırdalıqlar və qaynatmalar öz ölçü
vahidində heç bir artıqlıq-əksiklik olmadan məharətlə
idarə olunmaqdadır. Bu da xanəndənin ümumi
ifaçılıq qabiliyyətinin ən yüksək
amplitudasını təşkil edir, onun
ustalığını tamaşaçı və dinləyiciyə
aşılayır. Arif Babayevin həzin, məlahətli,
ipək kimi yumşaq səsi onun yaradıcılıq
istedadı ilə üst-üstə düşür və
tarın bütün pərdələrinə düşən
bu səsin zili də, bəmi də bir-birindən gözəldir.
Səlis, aydın diksiyası, boğaz
xırdalıqları, zəngulələri yüksək
istedadın təzahürüdür. Bu
keyfiyyətlərin məcmusu sənətkarın ifa etdiyi
muğam dəstgahına, xalq mahnılarına, təsniflərə
yeni ruh, yeni nəfəs gətirir. Arif
Babayevin şəxsiyyəti, davranışı, auditoriya
qarşısında özünü idarə etməsi onun
daxili zənginliyinin göstəricisidir. Arif
Babayevin səsi ən qəmli, ən müdrük
çalarında belə adamı nikbin ruha kökləyə
bilir. Bu səsin emosional təsiri insanda məhəbbət
hissini oyadır. İnsanı bir anlıq
da olsa tərki-dünya edir. Arif Babayev səsində,
eləcə də daxili aləmində olan gözəllik sanki
vəhdət təşkil edir. Bütün
bunlar onun xasiyyətində və əməlində təcəssüm
olunur.
Gözəl
muğam ifaçısı Arif Babayevin ifasında “Segah-Zabul”,
“Rast”, “Mirzə-Hüseyn segahı”, “Şur”, “Çahargah”,
“Bayatı-Şiraz” muğamları öz yüksək sənətkarlıq
keyfiyyətlərinə görə başqa- 30 larından fərqlənir.
O, hər muğamın öz musiqi dramaturgiyasına, səs-məqam
düzülüşü, guşə keçidlərini
yüksək xırdalıqla əlaqələndirir. Muğamın xarakterinə xas, mənaca musiqi
obrazını tamamlayan, onların ruhuna,
ölçü-biçiminə uyğun qəzəllər
seçir. Həmin qəzəllərdə
sait səslər çox olmalıdır ki,
axıcılıq pozulmasın, rahat oxunsun. Qəzəllər yaxşı seçiləndə
muğamların hissələrini də əlaqələndirmək
rahat olur.
Qeyd edək
ki, Arif Babayev repertuarında öz əksini tapan muğamlarda və
təsniflərdə Azərbaycanın klassik şairlərinin,
o cümlədən Məhəmməd Füzuli, Seyid Əzim
Şirvani, Heyran xanım Qarabağlı, Əbülqasım Nəbati,
Əliağa Vahid və b. qəzəllərinə əsaslanır.
Xüsusi olaraq deməliyik ki, Arif Babayev “Mirzə-Hüseyn
segahı”nın, “Zabul-segah”ın, “Xaric segah”ın gözəl
ifaçısı kimi həm musiqi ictimaiyyətinin, həm də
geniş dinləyici kütləsinin hüsn-rəğbətini
qazanmışdır.
Məşhur tarzənimiz Əhmədxan Bakıxanov
“Şur” dəstgahını hazırlayarkən Arifə
müraciət etmiş və o da əsas bölmələrin
ifası, xüsusilə “Səmayi-şəms”i Arif sənətinin
zirvəsi kimi təqdim etmişdir. “Rast”
muğamını xüsusi ustalıqla ifa edən Arif Babayev
“Rak Xorasani” guşəsini ifa edərkən sanki “Rast”ın
şahlıq dünyasında sehirli bir aləmə varır.
Bəli, “Rast” musiqi məkanımızdır,
kökümüz, bünövrəmizdir. Arif
müəllim “Rast”ı oxuyanda sanki nəcibləşirsən,
kamillik zirvəsinə ucalırsan. Arif Babayevin
ifaçılıq tarixində bir “Segah” ustası kimi
ayrıca yeri vardır. Böyük sənətkarın
“Segah”ı bir ayrı aləm, bir ayrı möcüzədir.
Dinlədikcə dinləmək, sevmək, sevilmək
istəyirsən. Onun oxunuşunda “Segah”
muğamı mənəvi saflıq, ruhi qidadır. Azərbaycan
xalqının ən dəyərli muğam avazlarından biri,
ana laylasından süzülüb canlara hopan “Segah”
muğamı Arif Babayevin məlahətli səsində sanki
yenidən canlanaraq, insanlara mənəvi təsir
bağışlayır, onların ruhuna, canına sanki yeni bir
həyat eşqi bəxş edir. “Segah”
muğamında bizim xalqımızın ən xoş
arzuları, nikbinliyi, qəhrəmanlığı ifadə
olunur. Bu baxımdan Arif Babayevin dinləyicilərini
məftun edən bənzərsiz gözəl səsi elə
bil ki, “Segah” 31 muğamının boyuna
ölçülüb-biçilmişdir.
Təsadüfi deyil ki, Arif Babayev haqqında
danışarkən “O, “Segah”a heykəl qoyub” – deyirlər. Yanıqlı
ahənglə ifa etdiyi “Xaric segah” ölməz sənət
nümunəsinə çevrilmişdir. Musiqiçilər
arasında belə bir deyim var ki, əgər bütün
muğamlar bir gül çələnginə bənzəyirsə,
“Segah” bu çələngin tacıdır. Arif Babayev isə “Segah”ın ən mahir
ifaçısıdır. Arif “Segah”
muğamından modulyasiya edib hər hansı bir muğama
asanlıqla keçə bilir. Məlumdur
ki, Azərbaycan musiqisində əsas muğamlardan biri olan
“Segah” muğamının kökü aşıq musiqi
yaradıcılığında da əsas yer tutur. Aşıq mahnılarının çoxu məhz bu
muğam üzərindədir. Bu muğam
bizim xalqımızın ana laylasından gələn bir musiqi
parçasıdır. Nədən
muğamlardan daha çox “Segah”a bu qədər
bağlısınız?” – sualına
sənətkar belə cavab verir:
“Ona görə ki, ölməz muğamlarımızın
özü həyat fəlsəfəsindən
yoğrulmuşdur. “Segah” isə elə uşaqlıqdan mənim
ürəyimə yol tapıb. Bu muğamın nəsə ayrı
bir cazibəsi var, bir sözlə, onunla ürəyimi
boşalda bilirəm: insana, zamana, dünyaya! “Segah”
muğamlar içərisində xalqa ən yaxın
olanıdır”.
Dahi bəstəkar Üzeyir Hacıbəyli “Azərbaycan
xalq musiqisinin əsasları” kitabında “Segah”ın dörd
növdən olduğunu bildirir. Adətən “Segah” muğam dəstgahı
göstərilən şöbələrindən ibarətdir:
1.Mayeyi-Segah 2.Şikəsteyi-fars 3.Mübərriqə
4.Əraq.
Bütün segah muğamları arasında “Mirzə
Hüseyn Segahı” xanəndələr tərəfindən ən
çox sevilən və ifa olunan muğamdır. Bu muğam ilk
dəfə Mirzə Hüseyn adlı Azərbaycan xanəndəsi
(XVIII əsr) tərəfindən ifa olunduğundan onun adı
ilə adlandırılmışdır. Azərbaycanın
bir çox qocaman ustad xanəndələrinin ifasında təkmilləşmiş
və möhtəşəm şəkildə tarixə
düşmüşdür. Bunlardan Cabbar
Qaryağdıoğlu, Seyid Şuşinski, Xan Şuşinski və
b. bənzərsiz ifaları sonrakı nəsil xanəndələr
üçün bir örnək olmuşdur.
Sonralar XX əsrin ikinci yarısında Azərbaycan xanəndəlik sənətində “Mirzə Hüseyn Segahı” muğam dəstgahını Yaqub Məmmədov, Eynulla Cəbrayılov, Arif Babayev, Səxavət Məmmədov, Süleyman Abdullayev, Alim Qasımov və başqaları ustalıqla oxumuşdur. “Mirzə Hüseyn Segahı” ustad sənətkar Arif Babayevin ifasında özünəməxsus tərzdə səslənmişdir. Xanəndə bu muğamın ifasında şöbə və rəng arasında təzadlığı artırmış və muğamın dramaturji prinsiplərini daha da zənginləşdirmişdir.
Təqdim etdi: Məmməd
MİRƏZLİYEV,
Tarix üzrə
Fəlsəfə doktoru
Hürriyyət.- 2019.- 15-16 oktyabr.-
S.14.