Uşaq qatilləri

Son 5 ayda iki uşaq erməni terrorunun qurbanı oldu

Bu faciələr göstərir ki, ermənilər tam olaraq insanlıq halından çıxaraq zooloji varlığa çevriliblər.

Artıq dığalar üçün qan axıtmaq, öldürmək, dağıtmaq həyat prinsipinə çevrilib

Ötən gün daha bir azərbaycanlı uşaq erməni terrorunun qurbanı olmuşdur. Azərbaycanın Tovuz rayonunun Ermənistanla həmsərhəd Əlibəyli kəndində partlayıcı qurğunun işə düşməsi nəticəsində 1998-ci il təvəllüdlü Şahmalıyeva Aygün Zirəddin qızı həlak olmuş, onun anası 1979-cu il təvəllüdlü Şahmalıyeva Elnarə Məmmədtağı qızı isə ağır yaralanmışdır.

Məlumata görə, partlayıcı qurğu quraşdırılmış “itəbənzər” uşaq oyuncağı Ermənistan tərəfindən Əlibəyli kəndinə daxil olan Tovuz çayına buraxılmışdır.

Həmin ərazidə oynayan Cəfərov Elsevər Həsən oğlu və terror qurbanı Aygün oyuncağı taparaq evə gətiriblər. Evdə isə oyuncaq partlamışdır. O da bildirilir ki, Şahmalıyevlər ailəsi Rusiyanın Sank-Peterburq şəhərində yaşayır. Ailə üzvləri Əlibəyli kəndinə qonaq gəliblərmiş.

Xatırladaq ki, 1994-cü ildə də həmin ərazidə analoji hadisə baş vermişdi. Belə ki, Ermənistan tərəfindən çaya buraxılan oyuncağı götürərkən partlayış baş vermiş və iki azyaşlı uşaq həlak olmuş, biri isə yaralanmışdır.

Faktlardan da göründüyü kimi bu bir terrordur, insanlığa sığmayan əsl erməni xisləti və vəhşiliyidir.

Artıq 2011-ci ildə uşaq ölümü ilə nəticələnən ikinci erməni terroru baş vermişdir. Ağdamın Ayaq Qərvənd kəndində erməni snayperi ilə qətlə yetrilmiş Fariz Bədəlovun ardınca ikinci bir terrorun gerçəkləşməsi bir daha sübüt edir ki, ermənilər insanlıq halından tam olaraq çıxaraq zooloji varlığa çevriliblər. Onlar üçün qan axıtmaq, öldürmək, dağıtmaq həyat prinsipinə çevrilib.

Əslində, bu gün biz Ermənistanla müharibə şəraitindəyik və onlardan səngərlərdəki atışmaları bəlkə də real qəbul etmək olar. Ancaq terror, uşaq oyuncaqlarına partladıcı maddələr qoymaq, silahsız uşağı güllələmək Qafqaz mentalitetinə, kişiliyə, ərliyə yaraşmır.

Bu, ermənilərin qorxaqlığından, millət kimi şərəfsizliyindən, dövlət kimi acizliyindən irləli gəlir. İndi Azərbaycan Ordusu elə bir döyüş qüdrətinə malikdir ki, ermənilər onunla açıq cəbhədə üz-üzə gələ bilmirlər. Xatırlayırsınızsa, Azərbaycanın Milli Qəhrəmanı, igid oğlumuz Mübariz İbrahimov bu ordunun bütöv bir hərbi hissəsini təkbaşına darmadağın etmişdir.

Əslində, ermənilərin terrorçuluq fəaliyyəti dövlət səviyyəsində dəstəklənir. Bütün dünyanın terrorçu təşkilat kimi tanıdığı “Asala”, “Qnçaq” və digər terrorçu qruplaşmalar Ermənistan dövləti tərəfindən maliyyələşdirilir və təşkilatlanır.

Məhz həmin terrorçu təşkilatların həyata keçirdikləri terror hadisələri zamanı, müxtəlif illərdə və müxtəlif ölkələrdə qardaş Türkiyənin 40-dan çox dövlət və siyasi xadimi qətlə yetirilib.

Eyni zamanda, Ermənistanın son 20-25 il ərzində ölkəmizə qarşı həyata keçirdiyi terror hadisələrində yüzlərlə insan həlak olub. 1989-cu ildə Gəncə-Ağdam avtobusunun partladılması, 1991-ci ildə Qarabağda Qarakənd üzərində Azərbaycanın dövlət xadimləri olan vertolyotun vurularaq onların məhv edilməsi, 1992-ci ildə Ağdamdan Şuşaya uçan vertalyotun vurularaq içərisindəki 40 nəfər azərbaycanlının həlak olması, 90-cı illərdə Bakı metrosunda törədilən partlayışlar və bunlar hamısı Ermənistanın xüsusi xidmət orqanlarının təşkilatçılığı ilə həyata keçirilmişdi.

Əslində, Ermənistan terrorizmin ona görə yuvasına çevrilir ki, beynəlxalq güclər hələ də erməni terroruna qarşı sərt mövqe sərgiləmirlər. Digər tərəfdən terrorizmin inkişafı və peşəkarlaşması üçün həm Ermənistanda, həm də onun işğal etdiyi Azərbaycan torpağı Qarabağda nəzarətsiz zonalar mövcuddur.

Burada xüsusi terror düşərgələri fəaliyyət göstərir və narkoplantasiyalar mövcuddur. Ermənistan indi narkomafiyanın tam oturuşduğu bir feodal dövlətdir.

Digər tərəfdən, Ermənistanda aparılan anti-Azərbaycan və anti-Türkiyə təbliğatı dövlət siyasətinə çevrilib. Burada orta məktəblərdə elmdən və dünya sivilizasiyasına dair informasiyalardan çox Azərbaycana qarşı nifrət və “Böyük Ermənistan” xülyası ortaya qoyulur.

Ermənistanın terrorçuluq hərəkətlərinin genişlənməsinin digər səbəbi isə odur ki, bu gün dünyada ikili standartlar mövcuddur və hətta Ermənistan dövlətinin başında duran Serj Sarkisyan Qarabağın işğalında birbaşa iştirak edən və Xocalı soyqırımını törədən qaniçənlərdən biridir. Həmçinin bu ölkənin müdafiə naziri Seyran Ohanyanın da əli azərbaycanlıların qanına batıb.

Ermənistanın “xalq şairi” adlandırdığı Zori Balayan isə tam vəhşiləşmiş simadır. O, xatirələrində bir türk oğlunu, yəni azərbaycanlını necə divara mismarladığını və bundan ləzzət aldığını yazır. Bu səhnə mənə insanların baxmağa qorxduqları “dəhşət” filmlərindəki manyakları, vampirləri xatırladır.

Belə bir gerçək vandalizmi, barbarlığı qəbul edən Avropadan daha ədalətli mövqe və onların Haaqa Tribunalına verilməsini gözləmək bizim təbii haqqımızdır.

Hər halda bir gün gələcək Azərbaycan əsgəri Qarabağı işğaldan azad edəndə serj sarkisyanları, onun terrorçu rejimini öz divanına çəkəcəkdir. Bu gün uzaqda deyil və onda Fariz Bədəlovun, dünən həlak olmuş Aygün Şahmalıyevanın və yüzlərcə terror qurbanlarının ruhu şad olacaqdır.

Elçin Zaman

İki sahil.- 2011.- 15 iyul.- S. 11.