“SOCAR Yay məktəbi-2014”ün rəsmi açılış mərasimi
keçirildi
İştirakçılar
üçün Şirkətin idarə və müəssisələrinə
ekskursiyalar təşkil ediləcək ki, bu da onların
istehsalat prosesi ilə yaxından tanış olmasına imkan
yaradacaq
2010-cu
ildən hər il olduğu kimi “SOCAR Yay məktəbi”ni təşkil
edir. “Yay məktəbi” Azərbaycan Respublikası Dövlət
Neft Şirkətinin fəalliyət göstərdiyi enerji
sektorunun bütün sahələrini-neft-qaz yataqlarının
geologiya-geofizikası, quyuların qazılması, neft-qaz
hasilatı, nəqli və saxlanması, neft-qaz emalı və
neft kimyası, ekoloji normalar və alternativ enerji mənbələri,
neft-qaz hasilatı və emalı sənayesinin iqtisadiyyatı,
neft və neft məhsullarının satışını əhatə
edir.
Bu
layihə qısa dövrü əhatə etsə də tələbələr
müəyyən bilikləri əldə edir. “Yay Məktəbin”də
iştirakçılar interaktiv formada şirkətin rəhbər
işçilərinin, ARDNŞ-in Təqaüd Proqramı əsasında
dünyanın qabaqcıl ali məktəblərində təhsillərini
başa vurub geri qayıtmış gənclərin mühazirələrini
dinləcəyir, praktik məşğələlər
keçir, Şirkətin idarə və müəssisələrinə
ekskursiyalar ediblər. Bu layihə ilə bağlı da müəyyən
yeniliklər nəzərdə tutulurdu. Yeniliklərdən biri
2012-ci ildən tətbiq olunan “Yay məktəbi”nin
iştirakçıları arasında ARDNŞ-in idarə və
müəssisələrində çalışan gənc
kadrlardan seçilən nümayəndələrin
olmasıdır. Bir sözlə, ARDNŞ-in gənc nəslin təhsilinin
inkişafı ilə bağlı planları genişdir.
Onların uğurlu icrası öz müsbət nəticəsini
verəcək.
“SOCAR
Yay Məktəbi 2014” layihəsinə start verildi. Avqustun 3-də
layihənin iştirakçıları və təşkilatçıları
ARDNŞ-in İnsan Resurları Departamentinin
qarşısından məktəbin keçiriləcəyi
Şıx çımərliyində yerləşən
“Ramada-Baku” otelinə yola düşdülər. Oteldə yerləşdirildikdən
sonra əvvəlcədən iştirakçı seçilən
gənclərə verilən ev tapşırığına
müvafiq olaraq təmsil etdikləri ali təhsil məktəbləri,
ARDNŞ-in idarə və müəssisələrində
çalışan iştirakçılar işlədikləri
müəssisə barədə “ prezentasiyalarla
çıxış edərək iştirakçılara məlumatlar
təqdim etdilər. Günün sonunda isə
iştirakçılar hər komandada 7 üzv olaraq komandalara
bölündülər.
Avqustun
4-də “Ramada-Baku” otelində ‘’SOCAR Yay Məktəbi-2014’’
layihəsinin rəsmi açılış mərasimi
keçirildi. Mərasimdə çıxış edən
ARDNŞ-in Kadr, rejim və informasiya texnologiyaları üzrə
vitse-prezidenti Xalik Məmmədov ‘’Yay Məktəbi’’
iştirakçılarını salamlayaraq onları
müsabiqənin qalibi olmaları münasibətilə təbrik
etdi. Əsası ümummilli lideri Heydər Əliyev tərəfindən
qoyulan və hazırda ölkə Prezidenti İlham Əliyevin
rəhbərliyi altında uğurla davam etdirilən yeni neft strategiyası
çərçivəsində qazanılmış nailiyyətlərdən
danışan Xalik Məmmədov Azərbaycanın qədim
neft ölkəsi olduğunu, neft tarixində ölkəmizdə
qazanılan nailiyyətlərdən də ətraflı bəhs
etdi.
ARDNŞ-in
kadr, rejim və informasiya texnologiyaları üzrə vitse-prezidenti
bildirdi ki, Dövlət Neft Şirkəti artıq 4 ildir ki, bu
proqramı həyata keçirir. “Ölkə
başçısı İlham Əliyevin
tapşırığı ilə ARDNŞ öz işini beynəlxalq
standartlara uyğun olaraq qurub. 2005-ci ildən başlayaraq
ARDNŞ-in prezidenti Rövnəq Abdullayevin tapşırığı
əsasında Dövlət Neft Şirkətində
kadrların hazırlanması üzrə strategiya müəyyənləşdirilib
və bu istiqamətdə işlər xeyli gücləndirilib.
Hazırda Prezident İlham Əliyevin göstərişi ilə
ARDNŞ tələbələrin xaricdə təhsil alması
ilə bağlı proqram həyata keçirir. Dövlət
Neft Şirkətində son illər ərzində neftçi
ixtisası, peşəsi artıq Azərbaycanda gənclərin
seçimində xüsusi rol oynayır.”
Xalik
Məmmədov qeyd etdi ki, “SOCAR Yay Məktəbi 2014” layihəsi
ARDNŞ-in ölkə təhsilinə, gəncliyə
mühüm bir töhvəsidir. “Bu müddət ərzində
iştirakçılar şirkətin müəssisələrində
olacaq, rəhbər şəxslərlə görüşəcəklər.
İnanıram ki, “SOCAR Yay Məktəbi 2014” layihəsi tələbələrin
dünya görüşlərinin genişlənməsinə,
təcrübi biliklərinin artmasına müsbət təsir
göstərəcək.” X.Məmmədov ARDNŞ-in həyata
keçirdiyi təhsil proqramları haqqında məlumat verdi.
‘’SOCAR Yay məktəbi’’ proqramının ənənə
halını aldığını vurğulayan X.Məmmədov
proqramın məqsədlərindən danışaraq bildirdi
ki, Dövlət Neft Şirkəti 2005-ci ildən təhsildə
seçilən istedadlı gəncləri daxili təqaüd
proqramlarına cəlb etməyə başlayıb. Yüzdən
artıq gənc isə hazırda Şirkətin Təqaüd
Proqramı çərçivəsində dünyanın
nüfuzlu universitetlərində təhsillərini davam etdirir.
Qeyd olundu ki, Yay məktəbində mühazirəçilərin
də çoxu ARDNŞ-in Təqaüd Proqramı çərçivəsində
təhsillərini xaricdə başa vurub Şirkətin idarə
və müəssisələrində çalışan gənclərdir.
Xalik Məmmədov xüsusi vurğuladı ki, 2012-cü ildən
etibarən “Yay məktəbi” layihəsinə tələbələrlə
yanaşı ARDNŞ əməkdaşları da cəlb
olunurlar. Eyni zamanda, 2013-cü ildən etibarən ARDNŞ-in
prezidenti Rövnəq Abdullayevin təşəbbüsü ilə
“Yay Məktəbi” layihəsində fərqlənən
iştirakçıların şirkətin xarici ölkələrdəki
müəssisələrinə ekskursiyası təşkil
olunur. “Yay məktəbi” layihəsində fərqlənən
iştirakçıların ARDNŞ-in Türkiyənin
İzmir şəhərindəki “Petkim” neft-kimya kompleksinin
zavodlarına ekskursiyası təşkil edilir. Bu ilki layihənin
ən fəal iştirakçılarından olan komandalar
İsveçrə, Türkiyə və Gürcüstanda
ARDNŞ tərəfindən idarə olunan müəssisələrdə
bir həftəlik təcrübə keçmələri nəzərdə
tutulur.
“SOCAR
Yay Məktəbi-2014” layihəsində iştirakçı
sayının 36 nəfərdən 50 nəfərə
çatdırıldığı qeyd olunan
açılış mərasimində bildirildi ki, indiyə
kimi Şirkətin “Yay Məktəbi” layihələrinə
ümumilikdə 1230 nəfər müraciət etmiş
(2010-cu ildə 80 nəfər, 2011-ci ildə 222 nəfər,
2012-ci ildə 272 nəfər, 2013-cü ildə 276 nəfər,
2014-cü ildə 380 nəfər), onlardan 192 nəfəri
iştirakçı olmaq hüququ qazanıb.
Sonra
ARDNŞ-in Kadr, rejim və informasiya texnologiyaları üzrə
vitse-prezidenti Xalik Məmmədov tədbir
iştirakçılarının suallarını
cavablandırdı.
Tədbirdə
çıxış edən ARDNŞ-in İnsan Resursları
Departamentinin rəisi Asif Bəkirli bildirdi ki, gənclərin
seçilməsi, onların tanıdılması çox
şərəfli bir işdir ki, bunu da Dövlət Neft Şirkəti
uğurla həyata keçirir. O, layihə barədə məlmat
verdi. 2014-cü ildə layihədə 41 yerli və xarici
universitetlərdən 35 tələbə və ARDNŞ-in idarə
və müəssisəsindən 15 işçi olmaqla 50 nəfər
iştirak edir. A.Bəkirli qeyd etdi ki, burada elə bir şərait
yaradılıb ki, siz Dövlət Neft Şirkətinin
bütün vitse-prezidentləri ilə ünsiyyət qurmaq,
istədiyiniz suallara cavab ala bilərsiniz.
Qeyd edək ki, “SOCAR Yay Məktəbi-2014” iştirakçıları üçün maraqlı proqram hazırlanıb. Avqustun 13-dək davam edəcək Yay məktəbində enerji sektorunun bütün sahələrini - neft-qaz yataqlarının geologiya-geofizikası, qazma texnologiyası, neft-qaz hasilatı, nəqli və saxlanması, ekoloji normalar və alternativ enerji mənbələri, neft və neft məhsullarının satışı, neftin qiymətinin formalaşmasını və s. mövzularda çıxışlar olacaq, diskusiyalar keçiriləcək, iştirakçılar Şirkətin məsul şəxslərinin mühazirələrini dinləyəcək, praktiki məşğələlər keçəcəklər. Yay məktəbi dövründə gənclər üçün Şirkətin idarə və müəssisələrinə ekskursiyalar da təşkil ediləcək ki, bu da onların istehsalat prosesi ilə yaxından tanış olmasına imkan yaradacaq.
Sonda Xalik Məmmədov jurnalistləri maraqlandıran sualları cavablandırdı. X.Məmmədov bildirdi ki, “Yay Məktəbi” layihəsi artıq ənənə halını almış proqramlardandır. “Burada iştiakçılar günün bir hissəsində nəzəri biliklər əldə edirlər, günün ikinci yarısında Dövlət Neft Şirkətinin müəssisələrində olaraq istehsalat prosesləri izləyəcək, texniki biliklər qazanacaqlar. Bu ilki layihənin ən fəal iştirakçılarından olan komandalardan ilk üç yeri tutanlar İsveçrə, Türkiyə və Gürcüstanda ARDNŞ tərəfindən idarə olunan müəssisələrdə bir həftəlik təcrübə keçmələri nəzərdə tutulur. Bu da gənclər üçün bir stimuldur.”
Jurnalistlərin suallarını cavablandıran X.Məmmədov vurğuladı ki, Bakıda bağlanmış “Çag ögretim İşletmeleri” müəssisələrinin binaları dövlətin mülkiyyətidir və dövlətin balansına qaytarılacaq. X.Məmmədovun sözlərinə görə, Bakı Özəl Türk Liseyinin binası istisna olmaqla, həmin binaların xeyli hissəsi icarəyə götürülüb. “Bakı Özəl Türk Liseyinin binasına gəldikdə, onun Qafqaz Universitetinə verilməsi haqqında təklif var. Bu barədə konkret qərar qəbul ediləcək.” X.Məmmədovun dediyi kimi, bağlanmış “Çag ögretim İşletmeleri” təşkilatının tədris müəssisələrinin binalarında olan əmlak Beynəlxalq Tədris Mərkəzinin mülkiyyətidir. “Biz ondan gələcəkdə istifadə olunmasına dair qərar qəbul edəcəyik.” Bakı Özəl Türk Liseyinin aqibətinə gəlincə, ARDNŞ-in vitse-prezidenti bildirdi ki, liseyin Qafqaz universitetinin tərkibinə verilməsi nəzərdə tutulub. “Lakin bununla bağlı konkret qərar verilməyib. İdarə heyəti toplanaraq bu barədə qərar verəcək.”
“SOCAR Yay Məktəbi 2014” layihəsinin rəsmi açılış mərasimindən sonra məktəb iştirakçıları ilk təqdimatları dinlədilər. “Enerji sektoruna giriş” adlanan gün çərçivəsində dinləyicilər qarşısında ARDNŞ-in Xarici Təqaüd Proqramının məzunları “Azneft” İstehsalat Birliyi Geologiya və geofizika şöbəsinin geoloqu Fuad Abbasov və Baş Ofisin İşlər İdarəsinin əməkdaşı Təbriz Əmmayev “Enerji sektoru haqda ümumi məlumat və Azərbaycanın neft-qaz sənayesi” mövzusunda, Baş Ofisin İqtisadiyyat və Uçot departamenti Risklərin idarə olunması şöbəsinin mühəndisi Ləman Qayıdova və “Azneft” İstehsalat Birliyi İqtisadiyyat və Uçot departamenti Maliyyə hesabatlarının konsolidasiyasının iqtisadçısı Ülviyyə Quluzadə “Layihələrin və Reputasiyanın idarə olunması” mövzusunda və Əmək Şəraiti Normalarının İşlənməsi İdarəsinin İqtisadi göstəricilər və maliyyə modelləşdirilməsi şöbəsinin iqtisadçısı Tərlan İskəndərov “Risk və qeyri-müəyyənlik zamanı qərar vermə” mövzusunda geniş təqdimatlarla çıxış etdilər. Çıxış edənlər “Yay Məktəbi”nin iştirakçılarını maraqlandıran sualları cavablandırdılar.
Şam yeməyi fasiləsindən sonra “Yay Məktəbi”nin iştirakçıları onlar üçün təşkil olunan komanda yarışlarında iştirak etdilər.
Orxan Vahidoğlu,
“İki sahil”
İki sahil.-2014.-5 avqust.-S.12-13.