Narkomanlığa qarşı

mübarizə günün tələbidir

Azərbaycan Respublikası Prezidenti cənab İlham Əliyevin 24.07.2013-cü il tarixli Sərəncamı ilə təsdiq edilmiş “Narkotik vasitələrin, psixotrop maddələrin və onların prekusorlarının qanunsuz dövriyyəsi və narkomanlığın yayılması ilə mübarizə üzrə 2013-2018-ci illər Dövlət Proqramı”ndan irəli gələn vəzifələin yerinə yetirilməsi üçün Yevlax rayonu üzrə tədbirlər planı tərtib edilmiş, bu istiqamətdə görüləcək işlər müəyyənləşdirilmiş və rayon ərazisində narkotik vasitələrin əldə olunması və əkilməsi istifadəsinə habelə həkim təyinatı olmadan narkotik vasitələrin, psixotrop maddələrin və onların prekusorlarının qəbul edilməsinə, əldə edilərək saxalanılmasına və satmaqla yayılmasına qarşı mübarizəni gücləndirmək məqsədi ilə əvvəlki illərdə olduğu kimi 2014-cü ilin ötən dövrü ərzində müəyyən işlər görülmüşdür.

Son 10 ay ərzində narkotiklərlə mübarizə sahəsində keçirilmiş əməliyyat-axtarış tədbirləri nəticəsində 40 cinayət faktı aşkar edilmişdir ki, onlardan 11-i qanunsuz olaarq narkotik vasitələrin satışı, 26 fakt qanunsuz olaraq narkotik vasitələri saxlama və 3 fakt qanunsuz olaraq narkotik tərkibli bitkilərin əklib-becərilməsi olmuşdur. Göstərilən faktlar üzrə 53,974 qram narkotik vasitə olan heroin və 1 kloqram 503,76 qram narkotik vasitə qurudulmuş marixuana və 11,32 qram narkotik vasitə olan tiryək aşkar edilərək maddi sübut kimi götürülərək dövriyyədən çıxarılmışdır. 24 nəfər cinayət 1 nəfər isə inzibati məsuliyyətə cəlb edilmişdir. “XAŞ-XAŞ 2014” şərti adlı kompleks əməliyyat-axtarış və profilaktiki tədbirlər planının icrası ilə əlaqədar olaraq rayon ərazisində yabanı halda bitmiş ümumi çəkisi 11 ton 185 kq təşkil edən 116998 ədəd tərkibində narkotik maddələr olan çətənə (kannabis) kolları aşkar olunaraq məhv edilmişdir.

2013-cü il ərzində rayon ərazisində narkotiklərlə mübarizə sahəsində keçirilmiş əməliyyat-axtarış tədbirləri nəticəsində 35 cinayət faktı aşkar edilmişdir ki, onlardan 11-i qanunsuz olaraq narkotik vasitələrin satışı 23 fakt qanunsuz olaraq narkotik saxlama və 5 fakt isə qanunsuz olaraq narkotik tərkibli bitkilərin əkib-becərilməsi faktı olmuşdur. Göstərilən faktlar üzrə 10,333 qram narkotik maddə olan heroin və 1,394 qram narkotik vasitə qurudulmuş marixuana aşkar edilərək maddi sübut kimi götürülərək dövriyyədən çıxarılmışdır. 24 nəfər cinayət məsuliyyətinə cəlb edilmişdir.

“XAŞ-XAŞ 2013” şərti adlı kompleks əməliyyat-axtarış və profilaktiki tədbirlər planının icrası ilə əlaqədar olaraq 2013-cü il ərzində rayon ərazisində yabanı halda bitmiş ümumi çəkisi 11 ton 175 kq təşkil edən 119876 ədə tərkibində narkotik maddələr olan çətənə (kannabis) kolları aşkar olunaraq tərəfimizdən məhv edilmişdir.

Göründüyü kimi görülmüş tədbirlər və keçirilən əməliyyat-axtarış tədbirləri nəticəsində 2013-cü ilin müvafiq dövrü ilə müqayisədə 2014-cü ilin müvafiq dövrü ərzində 5 cinayət faktı artıq aşkar etmiş və dövriyyədən daha çox narkotik vasitələr çıxarılmışdır.

Rayon ərazisində narkotik vasitələrin, psixotrop dərmanların qanunsuz yayılması və həkim təyinatı olmadan narkotik maddələrin qəbulu ilə məşğul olan şəxslərlə mübarizəni gücləndirmək məqsədi ilə rayon ərazisində yerləşən təşkilatlarda, təhsil ocaqlarında görüşlər keçirilmiş, gənclər və yeniyetmələr arasında narkomaniyanın insan üçün “Ağ ölüm” olmasının mənfi fasadları barədə “Narkomaniyasız gələcək”, “Narkomaniya əsrin bəlasıdır” adlı məruzələrlə çıxışlar edilmişdir. Belə görüşlər zamanı əyaniliyi təmin etmək üçün video çarxlardan, plakatlardan istifadə olunmuşdur. Həmçinin kütləvi informasiya vasitələrində o cümlədən yerli “Kür” qəzetində narkotiklərin qanunsuz dövriyyəsinə qarşı mübarizə sahəsində əldə edilmiş uğurlar, mövcud çatışmamazlıqlar işıqlandıırlmışdır.

Narkomanlıqla bağlı hüquqpozmalara meyilli olan yetkinlik yaşına çatmayanların və gənclərin yaşayış yerləri, işlədiyi və təhsil aldığı inzibati ərazilər üzrə polis orqanlarının yerli icra Hakimiyyəti, bələdiyyə, təhsil işçiləri, əmək kollektivləri və müvafiq komissiyalarla əlaqələri gücləndirilmiş, bu istiqamətdə tədbirlər hazırlanıb həyata keçirilmiş və belə tədbirlər mütəmadi olaraq davam etdirilir.

Yevlax rayon Polis şöbəsi və şəhər poliklinikasında 372 nəfər dispanser, 176 nəfər isə profilaktiki (narkoloji kabinetdə nəzarətdə olan) qeydiyyatdadır.

Narkomaniya kimi ağır xəstəliyə düçar olanların müalicəsi və cəmiyyətə inteqrasiya olunması üçün bütün vasitələrdən istifadə etməyə çalışırıq. Hazırda 6 nəfər belə xəstə göndəriş əsasında narkoloji dispanserdə müalicə olunur ki, onlardan da 3 nəfəri könüllü müraciət edənlərdir.

Həkim təyinatı olmadan narkotik vasitələrin qəbul etdiklərinə görə dispanser və profilaktiki qeydiyyatda olan narkomanlarla əlaqədar və əvvəllər məhkum olunmuşlarla müntəzəm olaraq profilaktiki tədbirlər aparılmış və hazırda onlardan cinayət törətməyə meyilli olanlarının hərəkətləri əməliyyat yolu ilə izlənilməsi davam etdirilir. Narkomanlığa qarşı mübarizəyə vətəndaşların aktiv cəlb olunması üçün Şəhər İcra Hakimiyyətində fəaliyyət göstərən komissiyanın etimat telefonu yaradılmışdır.

Narkotiklərlə mübarizə sahəsində görülmüş işlərlə yanaşı bir sıra nöqsanlar da mövcuddur. Beləki, rayon ərazisində narkotik tərkibli dərmanların həkim təyinatı olmadan ayrı-ayrı şəxslər tərfindən satılması barədə məlumatlar daxil olmasına baxmayaraq hələlik həmin şəxslərin ifşa edilməsi mümkün olunmamışdır. Bu istiqamətdə əməliyyat mövqeləri yaradılmış və həmçinin reydlər keçirilmiş, əlaqəda olan məxfi əməkdaşlar təlimatlandırılmış və bu istiqamətdə gələcəkdə mübət nəticə əldə edilməsi üçün məqsədyönlü tədbirlər həyata keçiriləcəkdir.

Narkotik vasitələrin və onların prekusorlarının qanunsuz dövrüyyəsinə qarşı aparılan mübarizə daim diqqət mərkəzindədir və bu istiqamətdə tədbirlərimiz davam etdirilir.

Qənimət Qaraşov,

Yevlax Şəhər İcra Hakimiyyəti Başçısının birinci müavini,

Narkomanlığa, narkotik vasitələrin qanunsuz dövriyyəsinə

qarşı mübarizə üzrə Komissiyasının sədri

İki sahil.- 2014.- 22 noyabr.- S.30.