Habil Əliyevin anadan olmasının 90 illiyinə həsr olunmuş xatirə gecəsi keçirilib

 

Mayın 30-da Beynəlxalq Muğam Mərkəzində milli musiqi sənətinin görkəmli nümayəndəsi, məşhur kamança ustası, Xalq artisti Habil Əliyevin anadan olmasının 90 illiyinə həsr olunmuş xatirə gecəsi keçirilib. Tədbirdə Habil Əliyevin həyat fəaliyyətindən bəhs edən videoçarx nümayiş olunub.

Gecənin aparıcısı Əməkdar incəsənət xadimi İlham Rəhimli tədbiri açıq elan edərək Habil Əliyevin Azərbaycan musiqi sənətinin inkişafında xidmətlərindən danışıb. Bildirib ki, Habil Əliyev öz ifası ilə ömrünün 60 ilindən çoxunu xalqın musiqi zövqünün yüksəlməsinə həsr edib. Dünyanın ən ucqar məmləkətlərində Azərbaycan dilindən, məişətindən, düşüncə tərzindən xəbərsiz insanlar belə onun ifasını dinləyəndən sonra bu ölkənin muğamını, musiqisini tanıyıb seviblər.

Qeyd olunub ki, görkəmli tarzən Qurban Pirimovdan məşhur müğənni Xan Şuşinskidən muğam sənətinin sirlərini öyrənən Habil Əliyev özünəməxsus səs tembrinə malik kamançanın təsirli avazına yeni guşələr, xallar rənglər qatmaqla onun imkanlarını olduqca yüksəkliklərə qaldırıb. Daim öz üzərində işləyən sənətkar Azərbaycan mədəniyyətinə sanballı töhfələr verib. O, “Segah”, “Bayatı-Qacar”, “Bəstənigar”, “Bayatı-Şiraz”, “Rahab”, “Bayatı-Kürd”, “Çahargah”, “Rast”, “Zabulmuğamlarına yeni kamança həyatı bəxş edib.

Diqqətə çatdırılıb ki, milli mədəniyyətin inkişafı təbliği sahəsində mühüm nailiyyətlərinə görə Habil Əliyev müxtəlif təltiflər alıb, müstəqil Azərbaycan Respublikasının ali mükafatlarındanŞöhrətİstiqlalordenlərinə layiq görülüb.

Gecədə o da vurğulanıb ki, ustad sənətkar virtuoz ifaçılığı ilə yanaşı gözəl mahnıların da müəllifidir. Onun bəstələdiyi 15-dən artıq mahnı bu gün tanınmış musiqiçilər tərəfindən sevilə-sevilə ifa olunur.

Tədbir daha sonra konsert proqramı ilə davam edib.

Konsertdə Xalq artistləri Aygün Bayramova, Mənsum İbrahimov, Naxçıvan MR-in Əməkdar artisti Ehtiram Hüseynov, o cümlədən görkəmli tarzənin nəvəsi Səbuhi Qasımzadə başqaları muğam təsniflər ifa ediblər.

Müşfiqə BAYRAMLI

Yeni Azərbaycan.- 2017.- 1 iyun.- S.7.