A+   Yenilə  A-

BSU əməkdaşları Quba Soyqırımı Memorial Kompleksinə yürüşdə iştirak ediblər

 

Bakı Slavyan Universitetinin rektoru, professor  N.M.Əliyevanın təşəbbüsü ilə BSU-nun bir qrup əməkdaşı martın 31-də 1918-ci il Azərbaycanlıların soyqırımının 100 illiyi ilə əlaqədar olaraq Quba Soyqırımı Memorial Kompleksini ziyarət edib. Qeyd edək ki, tədbir dövlət başçısının “1918-ci il azərbaycanlıların soyqırımının 100 illiyi haqqında” 2018-ci il 18 yanvar tarixli Sərəncamına əsasən təşkil olunub. BSU Beynəlxalq münasibətlər regionşünaslıq fakültəsi Elmi Şurasının Azərbaycanlıların soyqırımının 100-cü ildönümünə həsr olunmuş növbəti iclası da Quba Soyqırım Memorial Kompleksində keçirilib. Konfransda çıxış edən Beynəlxalq münasibətlər regionşünaslıq fakültəsinin dekanı, dosent Şirinbəy Əliyev qeyd edib ki, “1918-ci il azərbaycanlıların soyqırımının 100 illiyi haqqındaPrezident Sərəncamında məsələyə kompleks münasibət ifadə olunub. Sənəddə XX əsrdə baş vermiş hadisələrin soyqırımı, deportasiya etnik təmizləmə xarakteri daşıdığı çox obyektiv şəkildə öz əksini tapıb. Ş.Əliyev  azərbaycanlıların kütləvi qırğınını, repressiyalara məruz qalmasını, doğma yurdlarından sürgün edilməsini didərgin salınmasını XX əsr tarixinin ən faciəli dəhşətli faciələrindən adlandırıb. O, 1918-ci ilin mart-aprel aylarında daşnak-bolşevik birləşmələrinin Azərbaycanın müxtəlif bölgələrində törətdikləri amansız qətliamlarının əsas məqsədinin azərbaycanlıları bir milli etnos kimi yer üzündən silmək, onların tarixi torpaqlarına yiyələnmək olduğunu bildirib.

 

Beynəlxalq münasibətlər kafedrasının müdiri, professor Habil Məmmədov çıxışında ermənilərin azərbaycanlılara qarşı soyqırımı siyasətinin zaman-zaman mərhələlərlə davam etdiyini vurğulayıb. O, 1937-ci il repressiyalarında da ermənilərin fəal iştirak etdiyini, Azərbaycan ziyalılarına qarşı düşünülmüş plan əsasında hərəkət etdiklərini bildirib. 1946-1948-ci illərdəki deportasiya hadisələrini soyqırımların başqa forması adlandıran H.Məmmədov həmin hadisələrdə də xeyli insanın həlak olduğunu qeyd edib.  O, bu faciələrin baş verməsindən indiyədək 100 minlərlə azərbaycanlının qətlə yetirildiyini, məscidlərin, qəbiristanlıqların dağıdıldığını, kəndlər, qəsəbələrin  viran edildiyini bildirib.

 

BSU-nun əməkdaşları yığıncaqdan sonra Qubada Azərbaycan Dövlət Pedaqoji Universitetinin Quba filialının qarşısından Memorial Kompleksə qədər davam edən yürüşə qatılmışlar. Onlar Quba Soyqırımı Memorial Kompleksinin qurbanlarının xatirə abidəsinin önünə əklil gül dəstələri qoymuşlar.

 

Daha sonra Quba Soyqırımı Memorial Kompleksinin rəhbərliyi BSU əməkdaşlarını komplekslə, kompleksdə quraşdırılmış müasir texnologiyadan istifadə olunmaqla müxtəlif bölgələr üzrə soyqırım faktlarını özündə əks etdirən güşələrlə tanış etmişlər. Bununla yanaşı, ziyarətçilər kompleksdə sərgilənən “1918-ci ilin mart soyqırımı Belarus fotoqrafı Lev Daşkeviçin gözü iləadlı fotosərgiyə AMEA Tarix institutunun azərbaycanlıların soyqırımına həsr edilmiş kitab sərgisinə baxmışlar. BSU əməkdaşları Quba Soyqırımı Memorial Kompleksinin zalında 1918-ci il azərbaycanlıların soyqırımının 100-cü ildönümünə həsr edilmiş respublika elmi konfransına qatılmışlar.

Zamin Məmmədov

İki sahil.- 2018.- 3 aprel.- S.27.