NURLU LİDER

Ey möhtərəm Prezident!

Ali baş komandanım,

Cənab İlham Əliyev!

Siz belə söylədiniz,

Bir vaxt millətə, xalqa:

“Mən bütün ölkəmizi

Müasir üsullarla,

Ən yeni tələblərlə,

Yaradacam, quracam!

Ən əsası odur ki,

Mən hər bir vətəndaşın

Prezidenti olacam!”

***

Bu oldu niyyətiniz,

Bu oldu məqsədiniz!..

Bu müqəddəs məqsədlə,

Xoş məramlı niyyətlə

Yükləndiniz, doldunuz,

Yola rəvan oldunuz!..

***

Gözlərimiz önündə

Müqəddəs and içdiniz!

Uğurlu yol seçdiniz!

Uğurlu yolda belə,

Çətin səddən keçdiniz!

Elə yol tutdunuz ki,

Ölkəmiz çiçəkləndi!

Xalqımız fərəhləndi!

Ən parlaq məhəbbətlə,

Millətin ürəyinə

Siz nur kimi doldunuz!

Gecə-gündüz çalışıb,

Doğrudan, həqiqətən

Bütün varlığınızla,

Siz hər bir vətəndaşın

Prezidenti oldunuz!

***

Siz belə amallarla

Siyasət meydanında

Bütün bünövrələrə,

Zirvəlrə boy verən

Saf təməllər atdınız!

Təməl üçün yoğrulan

Hər xəmirin gözünə

Nurdan ziya qatdınız!

Müasir üsullarla,

Ən yeni tələblərlə

Doğma vətənimizi,

Sevimli yurdumuzu

Qurdunuz, yaratdınız!

Elə boy verdiniz ki,

Siyasi aləmdə də,

Cahan boyu yüksəlib,

Zirvələrə çatdınız!

***

Haqsızların önündə

Cəsarətlə durdunuz!

Hər qərəzli mövqeyə

Haqq ilə sədd qurdunuz!

Həm döyüş meydanında,

Həm siyasi aləmdə

Düşmənlərin ağzından

Qətiyyətlə vurdunuz!

Hər atılan böhtana

Sinənizi gərdiniz!

Hər söylənən yalanın

Cavabını verdiniz!

***

Populist böhtançının

Ağzına daş basdınız!

Qarabağ nidasını

Yaxasından asdınız!

Bir hünərvər həmlədən

Düşmənin canı yandı.

Azərbaycan bayrağı

Şuşada dalğalandı!..

***

Onu deməliyəm ki,

Bu tarix yaşadıqca,

Azərbaycan olduqca,

Qədirbilən xalqımız

Sizin şah əməlləri

Heç vaxt unudan deyil!

Bunu tək mən demirəm,

Dili vətən söyləyən,

Könlü yurdla döyünən,

Harda yaşasa belə,

Dövlətiylə öyünən,

Əsli Azərbaycanlı –

Bütün xalqımız deyir!

***

Var ol, ey nurlu Lider,

Xalqınla, millətinlə!

Haqq sözün, hikmətinlə!

Vətənin, dövlətinlə!

Sənə varlıq yaraşır,

Qürurun, qeyrətinlə!

İFTİXAR

İki sahil.- 2021.- 24 dekabr.- S.16.