Dodaq yeri
Dağılıb
saçın üstünə,
Əl
elə,qaçım üstünə.
Çılpaq
ağacın üstünə,-
Sən
də budaq-budaq yeri.
Ahımla
verdim eşqə can,
Aramıza
düşmədi qan.
Hər tərəfi
alıb duman,
Nə düz
qalıb,nə dağ yeri.
Gözüm
zəvvar,yaxan da pir,
Düymələri
açdım bir-bir.
Bir öpüşün
heykəlidir,
Üzümdəki
dodaq yeri...
Gözlərimi dilə tut
Sənə
açım qəlbimi,
Ürəyində
sirr elə.
Gözlərimi
dilə tut,
Yaxanda əsir
elə.
Ətirli
gül-çiçəksən,
Rəsmimi
şehə çək sən.
Mənə nə
edəcəksən,
Ürəyimə
gir,elə.
Başla məni
saymağa,
Dilin
batsın qaymağa.
Bir eşq nəzir
qoymağa,
Ürəyini
pir elə...
Həsrət
Bir
ayrılıq nişanıyam bu adda,
Bu ad məni
tanıdıbdır həyatda.
Ucaldığım
hər pillədə,hər qatda,
Varlığıma
yetən yerimdir həsrət.
Sipər olmaz
dağ görməyən sinə ki,
Hər
ahımda bir qərib isinə ki.
Bu eşq məni
gətirincə dinə ki,-
Gördüm
ruham,bədən yerimdir həsrət.
Saçlarıma
ələdikcə qış qarın,
Çətir
tutdum qanadını quşların.
Nə göz
süzdür,nə çəkilsin
qaşların,
Ümid yerim,gedən yerimdir həsrət.
O dağlarda
qar da qoyub gəlmişəm,
Gözü
yolda yar da qoyub gəlmişəm.
Yurd-yuvamı
darda qoyub gəlmişəm,
Bu
qürbətdə Vətən yerimdir həsrət.
Yollar da ayrılıq
çəkir içində
Səhər
yaxasını açır gecənin,
Ulduzlar
boynunu bükür içində.
Şükür
eləyirik göyə üz tutub,
Göylər
gözəlləşir şükür içibdə.
Uduzdum
ortaya nərdi çəkməklə.
Yalandan
sınağa mərdi çəkməklə.
Özümə
öyrətdim dərdi çəkməklə.
İlişib
qalmışam fikir içində.
Sevən
oyunçudur.məhəbbət oyun,
Məni
məğlubların yerinə qoyun.
Hər
ayaq iziylə olub qol*boyun.
Yollar da
ayrılıq çəkir içində.
Əsgər atasıyam
(Oğlum Ülvinin şərəfinə)
Durmusan vətənin
keşiyində sən,
Çöhrəni
bəzəyib əsgər qüruru.
İndi sən
olmusan,ay əsgər oğlum,-
Ruhumun qibləsi,gözümün nuru.
Başında
papağın ulduzlu-aylı,
Əsgər
geyimində əzəmətə bax!
Sən silaha
sarıl,mən də qələmə,
Vətən
göylərində şimşək kimi çax!
“Dirilik
suyu”dur ana vətənin,-
Hər
igid əsgərin alnının təri.
Sevdiyim ən
gözəl sinfoniyadır,
Bizim əsgərlərin
ayaq səsləri.
Sən əsgər
gedəndə ilk dəfə idi,-
Belə
ata-oğul öpüşməyimiz.
Həsrət
karvanıdır sevən qızların,-
Arxanca boylanan
hər cığır,hər iz.
...Əsgər
atasıyam mən də bu gündən,
Səadət
payımdır bu eşq,bu hünər.
Oğul
böyüdəndə vətənə layiq,
Əsgər
ataları belə sevinər!
Zalım gözəl şairi də qınayar
İstəmirəm
qarşılaşaq yalandan,
İstəmirəm
yolun məndən yan düşə.
Ömür
boyu üzü gülməz bu eşqin,-
Yar
könlünə şöhrət düşə,şan düşə.
Saz sinəmdə
pərdə-pərdə oynadı,
Gözüm
tutan bəxtəvər də oynadı.
Qol
götürüb hamı dərdə oynadı,
Az qaldı ki aralığa qan düşə.
Kirpik
çaldın könlüm batdı qana yar,
Ayna tutsam,baxışların qanayar.
Zalım
gözəl şairi də qınayar,
Vay halına
belə vaxtda can düşə.
Ana dilim
Bir başqa
sevgiylə tutub gözümü,
Hər
yerdə bu dildə öydüm özümü.
Ana kəlməsini,vətən sözünü,
Səninlə
söylədik,ey ana dilim!
Xəyalım
yığışmır eldən,oymaqdan,
Doymadım
yollarda mən iz qoymaqdan.
Tutub
mayasını baldan,qaymaqdan,
Ruh verən məlhəmsən
hər cana,dilim!
Sevən
ürəklərdən içib su elə,
Bu dildə
oxuyur hələ Qu elə.
Layladı,muğamdı,sirrdi bu elə,
Düşübdür
şöhrətin hər yana,dilim!
Könlüm
Baxışı
siləndə pəncərəmizi,
O qızı
gözündən tutmuşdu könlüm.
Beləcə
aldanıb ilk məhəbbətə.-
Sevgi
oyununda udmuşdu könlüm.
Ocaq
yandırmağa məndən ah istə,
İsinsin
oduma yaxşı da,pis də.
Köklənib
bu qürbət havası üstə,
Qəfəsdə
çırpınan bir quşdu könlüm.
Xatirə
işığı telimə düşüb,
Yollar kəmənd
olub belimə düşüb.
Zalım
gözəllərin əlinə düşüb.-
Xərclənən
qəpikdi-quruşdu könlüm!
Fəhlə əlləri
Soyuqdan,istidən elə bərkiyib,
Əyilməz
poladdır fəhlə əlləri.
Ən gözəl
şeirə,ən xoş nəğməyə,-
Yaraşan
bir addır fəhlə əlləri.
Zəhmət
çiçəyidir əlində qabar,
Əllər
bu qabarda səadət tapar.
Zirvədə
uçmağın ayrı dadı var,
Yorulmaz
qanaddır fəhlə əlləri.
Sevgidə vəfalı,dostluqda mətin,
Kim olmaz
heyranı bu məhəbbətin?!
Qurub-yaratmaqdan
doymağı çətin,
İşıqlı
həyatdır fəhlə əlləri.
Şuşanin dağlari hələ qardi ki....
Dumanı
çəkilmir,çəni çəkilmir,
Şuşanın
dağları hələ qardı ki.
Gözləri
yol çəkən xarıbülbülə,-
Təsəlli
verməyə kimi vardı ki?!
Neçə
ayrılığa gəldim tuş belə,
Yuva
bağlamaz ki qərib quş belə.
Zirvəyə
qalxsaydı hər yoxuş belə,-
Təpələr
böyüyüb dağ olardı ki.
Şuşasız
günləri ahımla sayım,
Bir
gün çiçəkləyər bu qismət payım.
Yaxamı
açmağa hardan başlayım,-
Bu
ömür əynimə elə dardı ki...
Qürub saatı
Eşqə
dayanacaq yeridir könlüm,
Gözlərim diksinir hər gələn səsdən.
Qərib uşaqlığım
girib qoluma,
Çıxarmaq istəyir məni qəfəsdən.
Sərhəd dirəkləri tac qoyub
ahdan,
Yanır ürəyimdə qürbət ocağı.
Ümiddən asılı yaşadım deyə,-
Unutdum dərdimi qarşılamağı.
Qürub saatının zümzüməsinə,-
Divanə yolçu tək baş əyir Günəş.
Torpağın çat vermiş dodaqlarına.-
Solğun şəfəqini çiləyir Günəş...
Ayrılıq yeri...
Göz yaşı ürəyin fırtınasıdır,
Rəsmini çəkmışəm
sənin bu suda.
Dünyanı fəth edib son şərqisiylə,-
Bizdən divanəlik öyrənir Qu da.
Bilirəm yanında daha yerim yox,
Məni
unutmaqdır ehtiyacın da.
Tumurcuq fəslisən
bu ayrılığın,
Ahım
çiçəkləyib dar ağacında.
Ayrılıq
yeridir bu dünya elə,
Biz vida
gözləyən bir köç qatarı.
Gəl
ocaq qalayıb ötən günlərdən.-
Bir ümid
işığı yandıraq barı.
Əlirza HƏSRƏT
Kaspi.- 2012.-
22-24 sentyabr.- S.18.