Bizim teatr festivalı
Teatr Xadimləri İttifaqı
və Bakı Uşaq Teatrının birgə layihəsi başladı...
Bakı Uşaq Teatrı Bir teatr-bir festival layihəsi çərçivəsində
artıq ikinci festivalını gerçəkləşdirir. Bizim Teatr adlandırılan
festival 2014-cü il martın 27-29-u aralığında
Bakıda keçirilir.
Teatr Xadimləri İttifaqının təşkilati
dəstəyi ilə baş tutan festivalın məqsədi
hər bir aktyorun diqqət mərkəzində olmasına
şərait yaratmaq, onlara öz bacarıqlarını nümayiş
etdirmək üçün
meydan vermək, Azərbaycanda festival ənənəsinin
genişlənməsinə vasitəçi olmaqdır.
Teatr Xadimləri İttifaqı: Əsası
1897-ci ildə qoyulmuş
bu təşkilat «Artistlər İttifaqı»
adı ilə fəaliyyətə başlamış,
300-dək artist və səhnə
həvəskarını tərkibində
birləşdirmişdir. 1920-ci ildən «Türk Aktyorlar İttifaqı»,
1948-ci ildən «Azərbaycan
Teatr Cəmiyyəti» kimi fəaliyyətini davam etdirən bu qurum, 1987-ci il 27 fevral tarixli
təsis konfransının
qərarı ilə Azərbaycan Teatr Xadimləri İttifaqı
adlandırılmışdır.
Sovet hakimiyyəti dönəminə qədərki
illərdə Teatr Xadimləri İttifaqının
sələfləri olan
teatr birlikləri və cəmiyyətlərinə
Sultan Məcid Qənizadə,
Əbdürrəhim bəy
Haqverdiyev, Həbib bəy Mahmudbəyov, Üzeyir və Zülfüqar Hacıbəyov
qardaşları, Abbas
Mirzə Şərifzadə
kimi maarifpərvər
ziyalılar başçılıq
etmişlər. Sonralar
isə Teatr Cəmiyyətinə xalq artistləri Şövkət
Məmmədova, Rza Təhmasib, Mərziyə Davudova, Mustafa Mərdanov, Mehdi Məmmədov, Şəmsi Bədəlbəyli,
Lütfiyar İmanov, Həsənağa Turabov rəhbərlik etmişlər.
Hazırda Azərbaycan Teatr
Xadimləri İttifaqının
sədri xalq artisti, rejissor Azərpaşa Nemətdir.
Milli
teatr prosesində fəal iştirak edən Azərbaycan Teatr Xadimləri İttifaqı müstəqillik
illərində müxtəlif
formatlı teatr festivalları təşkil
etmişdir. Bunlardan
dörd «Monotamaşa»,
iki «Him-cim» (Pantomim), iki «Eksperimental tamaşalar», «Festivallar festivalı», «Milli klassika», Mədəniyyət və
Turizm Nazirliyi ilə birlikdə Milli Teatr Gününə
həsr olunmuş gənc rejissorların «Yeni teatr» Respublika
Festivalı, Uşaq tamaşaları Festivalı,
«Beynəlxaq Çexov
Festivalının «İpək
yolu» mərhələsi»,
«Boş məkanın
dolğunluğu», «2+1» Eksperimental
teatr festivalı kimi tədbirlər Azərbaycanın teatr həyatında xüsusi canlanma yaratmış, teatr sənətinin inkişafında böyük
rol oynamışdır.
Keçirilən festivallar Azərbaycanın
teatr aləmində yeni-yeni adlar üzə çıxarmış,
istedadlı gənclərin
yetişməsində böyük
rol oynamışdır.
İttifaq
son illərdə ölkədə
bədii qiraət sahəsinə marağı
artırmaq məqsədilə
görkəmli qiraət
ustaları Həsən
Əbluc və Müxlis Cənizadənin
xatirələrinə həsr
edilmiş bədii qiraət müsabiqələri
keçirmişdir.
Teatr
Xadimləri İttifaqı
həmçinin Mədəniyyət
və Turizm Nazirliyi ilə birlikdə teatr rəssamlarının I Biyennal
sərgisini də keçirmişdir. Özündə milli səhnəqrafiya sənətinin korifeylərindən
tutmuş, sənətə
yeni qədəm qoyan teatr rəssamlarının
yaradıcılığınadək ehtiva edən bu sərgidə tarixi və müasir tamaşaların
dekorasiya və geyim eskizləri, maketlər, orijinal səhnə geyimləri və kuklalardan ibarət zəngin ekspozisiya nümayiş olunmuşdur.
Bakı Uşaq
Teatrı: 2001-ci ildə
yaradılıb. 2002-ci ilin mayın 1-də İntiqam Soltanın direktor-bədii rəhbər
təyin olunması ilə fəaliyyətə
başlayıb. 01 aprel
2013-cü ildən Suraxanı
rayonu Qaraçuxur qəsəbəsində Q.Abbasov
adına mədəniyyət evində
yerləşir. Fəaliyyətdə olduğu müddətdə
(böyüklər üçün
35, azyaşlılar üçün
61 olmaqla) 96 tamaşa hazırlayıb. Teatrda 70 nəfərə
yaxın peşəkar
uşaq mütəxəssisi
çalışır. Bu festivalın ideya
müəllifi də Teatrın bədii rəhbəri İntiqam Soltandır.
Bir teatr-bir festival
Xatırladaq
ki, Bakı Uşaq Teatrı öz daxilində artıq bir dəfə, 2011-ci ilin oktyabr ayında mono-tamaşalar festivalı keçirib. BUT-da çalışan hər aktyor ikinci festival üçün
də öz tamaşasını hazırlayıb.
Onlardan bəziləri mono-tamaşa,
bəziləri isə,
iki və daha artıq aktyorun iştirakı ilə qurulan tamaşalardır. Festivalda iştirak
üçün janr məhdudiyyəti qoyulmayıb
və aktyorlar dünya klassiklərindən
tutmuş müasir Azərbaycan ədəbiyyatına
qədər müxtəlif
əsərlərə müraciət
ediblər. Ümumilikdə, klassik, pantomim, eksperimental və s. olmaqla 13 tamaşa hazırlanıb. Festivala yalnız
birinci mərhələdən
(daxili baxışdan)
keçən tamaşalar
buraxılıb.
Festivalın
açılışı 27 Mart - Beynəlxalq Teatr Günündə Azərbaycan
Teatr Xadimləri İttifaqının tamaşa
zalında oldu. Ümümiyyətlə Bizim Teatr festivalı çərçivəsində
bütün tamaşalar
TXİ-nin tamaşa zalının səhnə
və foyesində nümayiş etdiriləcək.
Təşkilat
Komitəsindən verilən
məlumata görə,
festivala qonaq qismində Türkiyə, İran, Gürcüstandan
da teatr kollektivləri qatılacaq.
Festivalın proqramı
isə belədir:
27 MART
Saat
17.00. Apokalipsis. Müəllif: Sien Eker, rejissor: M.Hacıbaba, musiqi tərtibatı: H.Rauf, Aktyor Niyaz Qasımov.
Saat
17.45. Gürcüstan-Xelvachaursk Teatrı
Saat
18.30. Bir yoxsul
olsaydım. Müəllif
Tuncer Cücenoğlu,
rejissor: Ə.İlhamə,
musiqi tərtibatı:
H.Rauf, aktyorlar: Şahin Kazımov, Şəbnəm Nəsirova.
Saat
19.15. İblis. Ge de Mopassanın novellarının
əsasında. Rejissor
və musiqi tərtibatı: Könül
Şahbazova, aktyor: Xəyalə Meydanova.
28 MART
Saat
17.00. Mən səni gözləyirəm
əzizim. Müəllif:
Daroi Fo,
Franka Rame. Rejissor: M.Hacıbaba, musiqi tərtibatı: Q.Niyaz, aktyor: Könül Şahbazova.
Saat
17.45 Bicirik. Eksanat
teatrı TÜRKİYƏ tamaşasını,
Saat
18.30. Ağac. Rejissor: İntiqam Soltan, Musiqi tərtibatı: H.Rauf, aktyorlar: M.Cavanşir, Q.Niyaz, Ə.Elnur.
Saat
19.00. Kibritsatan qız. Müəllif:
H.K.Andersen, Rejissor və musiqi tərtibatı: Könül
Şahbazova, aktyor: Türkan Şahmarlı.
Saat
19.30. Kalxas Müəllif:
A.P.Çexov, Rejissor:
İ.Soltan, musiqi tərtibatı: H.Rauf, aktyor: Cavanşir Məhərrəmov.
29 MART
17.00. Retro. Müəllif və rejissor Arzu Soltan, montaj
və musiqi tərtibatı: H.Rauf, aktyorlar: İlhamə Əhmədova, Arzu Soltan.
17.45. Kasıbın yuxusu
(illiuziya tamaşa). Müəllif: İ.Tofiq, rejissor: İ.Soltan, aktyorlar: Tofiq İsgəndərli, Rauf Şahsuvarov.
18.30. Təbriz-Kotal teatrı.
19.00. Qucaqla məni.
Müəllif: Arzu Soltan, rejissor İ.Soltan, aktyorlar: Vüsalə Bəşirova,
Ruslan Adıgözəlov.
Aygün
Süleymanova
teatrşünas
Kaspi.-
2014.- 28 mart.- S.12.