6 yaşınız mübarək, “Oyuq”çular...

Uşaqlar bizim gələcəyimizdir. Uşaqların asudə vaxtının səmərəli təşkilində, onların teatra, səhnəyə, ümumilikdə incəsənətə sevgi ruhunda formalaşmasında incəsənət məktəbləri, gimnaziyalar bu kimi təhsil müəssisələri ilə yanaşı, teatr dərnəklərinin, studiyalarının da müstəsna rolu var. A.Şaiq adına Azərbaycan Dövlət Kukla Teatrının nəzdində fəaliyyət göstərən "Oyuqteatr-studiyası da yaradıcı gənc yeniyetmələrlə bağlı saysız-hesabsız uğurlara imza atıb. Studiyanın yaradıcı heyəti istedadların üzə çıxarılması, onların professional səhnəyə hazırlanması, potensial ifaçı aktrisalar kimi özlərini təsdiq etmələri üçün növbəti layihəsini reallaşdırıb. Bu il 6 yaşını qeyd edən "Oyuqteatr-studiyası fevralın 9-da R.Behbudov adına Dövlət Mahnı Teatrında "Sən bir nəğməsənadlı konsert proqramı ilə çıxış edib. Konsert proqramından danışmazdan öncə bu balacaların gördüyü böyük işlərdən, altı il ərzində ölkəmizi, vətənizimi tanıtdıqları xarici səfərlərdən, qazandıqları uğurlardan danışmağı özümə borc bilirəm. 

Hesabat, yaxud əsas haşiyə

"Oyuqteatr-studiyası altı il öncə 2013-cü ilin fevral ayında A.Şaiq adına Azərbaycan Dövlət Kukla Teatrının nəzdində yaradılıb həmin ilin may ayının 10-da "KaspiTədris Mərkəzi ilə birgə hazırlanmış "Hər birimiz bir çiçəkadlı ilk tamaşasını təqdim edib. Layihədə "KaspiTədris Mərkəzində təhsil alan uşaqlar iştirak edib. 600 nəfər uşağın içərisindən 40 nəfərə qədər uşaq seçilib. O gündən etibarən hər il bir neçə tamaşa oynanılır, müxtəlif tədbirlər xeyriyyə aksiyaları keçirilir. "Oyuqteatr-studiyası yarandığı gündən bu günə qədər bir çox ilklərə imza atıb. 2014-cü ildə "Oyuq”çular talassemiyalı uşaqlarla "Göyçək Fatmanın sərgüzəştləriadlı tamaşa hazırlayıblar. Balacaların xarici səfərləri az olmayıb. Bu illər ərzində kollektiv Türkiyədə, Bolqarıstanda, Makedoniyada Rusiyada tamaşalarla musiqi nömrələri ilə çıxışlar edib. 2016-cı il Rusiyada keçirilən "Cazz Karuselfestivalında "Cırtdan dostlarıadlı tamaşa oynanılıb tamaşadan sonra studiya üzvlərinin musiqi nömrələri ilə çıxışı olub. Getdikləri yerdən mükafatsız qayıtmayan "Oyuq”çular bu festivalda da tamaşaya görə "Qran-Pri”, ifa olunan mahnıya görə isə birincilik qazanıblar. 2017-ci ildə aprel ayında ilk dəfə olaraq autizm sindromlu uşaqlarla "Oyuqteatr-studiyasının fəalları birlikdə "Əlimdən tut” tamaşası hazırlayıblar.

2017-ci ildə musiqisi Vüqar Camalzadəyə, sözləri Cəmilə Allahverdiyavaya aid olan "Əlimdən tut” mahnısına çəkilən klipdə əlilliyi olan uşaqlar aktyor kimi çıxış edib.

Bununla yanaşı, "Oyuqteatr-studiyası tez-tez onkoloji xəstəlikləri olan uşaqlarla birgə layihələr hazırlayır konsert proqramı ilə çıxışlar edir.

Studiya hərbi-vətənpərvərlik mövzusuna da müraciət edib. Belə ki, uşaqların ifasında aprel şəhidlərinin xatirəsinə həsr olunmuş "Ordumuzun igidləriadlı klip çəkilib. Klipin təqdimatı Dövlət Kukla Teatrında baş tutub.

"Oyuq”çular 2017-ci ildə isə Bolqarıstanın Varna şəhəridə keçirilən festivalda "Sarı gəlinmahnısını ifa edib yenə birinciliklə vətənə dönüblər.

Xeyirxah "OyuqӍular

Studiya ölkənin sosial həyatına aktiv qoşularaq, mütəmadi şəkildə Bayraq günü, Müstəqillik günü digər əlamətdar hadisələrlə bağlı tədbirlər hazırlayır, konsertlər verir. Bu il isə ard-arda iki xeyriyyə tədbiri hazırlayan "Oyuqteatr-studiyasının tədbiri yenə böyük sevinc marağa səbəb olub. Belə ki, dekabr ayında, yeni il ərəfəsində "Şaxta babaya məktubkonsert proqramı hazırlanıb. Uşaq internat evlərindən 70, daun autizm sindromlu uşaqlardan 12 nəfərin  məktubları Şaxta babaya çatdırılıb. Aarzuladıqları hədiyyələri Şaxta babadan almaları uşaqlara hədsiz sevinc hissi yaşadıb. Tədbir çərçivəsində "Qırmızı papaqın nağılıtamaşası oynanılıb. "Oyuqteatr-studiyası növbəti dəfə bu layihəni daha möhtəşəm fərqli tərzdə keçirməyi düşünür. "Oyuqteatr-studiyasının fəalları təkcə studiya çərçivəsində deyil, bir çox layihələrdə çıxışlar edirlər, rol alırlar. Yeni il bayramı münasibəti ilə Bakı Konqres Mərkəzində Heydər Əliyev Fondu tərəfindən keçirilən "Cırtdan nağıllar aləmindəadlı meqa-şouda da "Oyuqteatr-studiyasının fəallarından biri İbrahim Süleymanlı baş roluCırtdanı oynayıb studiyanın fəallar üzvlərindən Vüsalə Bəkirzadə, Aysu Cəbrayılova, Selcan Xatun da həmin meqa-şouda rol alıblar. Bundan başqa, Vüsalə Bəkirzadə hazırda "Zima” musiqi festivalında çıxış edir. Hazırda sözügedən studiyada 40 nəfər uşaq var, hər ildə iki dəfə teatra istedadlı uşaqların qəbulu baş tutur. Aprel ayında İrana səfər gözlənilir, həmçinin studiya Türkiyədə düzənlənəcək "23 nisan” (aprel) uşaq bayramına da dəvət alıb.

Musiqili aksiya

Qayıdaq fevralın 9-da keçirilən musiqili aksiyaya. Tədbiri Səidə Haqverdiyeva-Əhmədzadə açaraq studiyanın fəaliyyəti barədə qısa məlumat verdi, qonaqları salamlayaraq, balaca sənətçilərin ifasında nümayiş olunacaq maraqlı proqramı izləməyə dəvət etdi. Musiqili aksiyada studiyanın istedadlı vokalçıları ilə yanaşı, Azərbaycan estradasının məşhur müğənnilərindən Elnarə, Sevda Yəhyayeva digərləri çıxış etdilər. Artıq səhnədə öz sözünü demiş bu ifaçılar balaca davamçıları ilə eyni səhnəni bölüşərək studiyanın əsas ideyasınagələcək uşaqların çiyinlərindədir ideyasına dəstkələrini nümayiş etdirdilər. Zəngin proqrama malik konsertdə 19 yaşlı istedadlı soydaşımız Dinara Mahmudova da çıxış etdi. Vətənində ilk dəfə səhnəyə çıxan bu istedadlı gəncimiz Rusiya bir sıra Avropa ölkələrində keçirilən vokal müsabiqələrinin laureatı, Praqa Konservatoriyasının klassik vokal sinfinin tələbəsidir. Musiqi gecəsində çıxış edən studiya yetirmələri Azərbaycan estrada musiqisinin inciləri ilə yanaşı, dünyaca məşhur hitlərə müraciət etdilər.

 

Onu da qeyd edək ki, xeyriyyə  konsertində  şəhid ailələrinin uşaqları, qaçqın və məcburi köçkünlər, əlilliyi olanlar, daun, autizm, talassemiya, böyrək çatışmazlığı, diabet xəstəliklərindən əziyyət çəkən uşaqlar da dəvət edilmişdi.

Nigar Pirimova

Teatrşünas

Kaspi 2019.- 14 fevral.- S.12.