Qoçaq Əsgərov
hesabat verdi
Xanəndənin ifası yüksək
qiymətləndirildi
Heydər Əliyev Fondunun dəstəyi ilə keçirilən Muğam Müsabiqəsinin
finalçılarından olan
xanəndə Qoçaq
Əsgərovun Azərbaycan
Dövlət Filarmoniyasında
"Saçın ucun
hörməzlər" adlı
konsert proqramı təqdim olunub. Eyni zamanda onun
Böyük Britaniyada
hazırlanan "Sarı
gəlin" diskinin təqdimat mərasimi keçirilib. Xatırladaq
ki, bu disk
Böyük Britaniyanın
"ARC Music" şirkətində
buraxılıb. Diskin
işıq üzü
görməsi bir qrup erməninin "Sarı gəlin" haqqında fikirlərini alt-üst edib. Belə ki, diskin
hazırlıqları zamanı
britaniyalı musiqişünaslar
Azərbaycana məxsus
olan xalq musiqisinin keçmişi ilə bağlı araşdırma aparıb və mahnının Azərbaycana məxsus olduğunu göstərən
dəlillər üzə
çıxıb. Bu və digər məsələlər barədə
BBC radiosu dinləyicilərini
ətraflı şəkildə
məlumatlandırıb. Dəlillər
eyni zamanda musiqişünasların yazılarında
əksini tapıb. Bu işin ərsəyə
gəlməsində Q.Əsgərova
YUNESKO-nun eksperti Sənubər Bağırova
yaxından kömək
olub. Disk buraxılmadan öncə
Q.Əsgərovun Böyük
Britaniyada solo-konserti təşkil edilib.
Mayın 14-də Filarmoniyada keçirilən
konserti giriş sözü ilə açan Sənubər xanım Qoçağın
ikinci imtahan qarşısında olduğunu
bildirdi. Xanəndənin
ilk ifası "Mürği-səhər"lə başladı. Daha sonra "Zabul" segahı dəsgah şəklində
ifa edən Q.Əsgərov repertuarını
"Sarı gəlin"
və digər xalq mahnıları və təsniflərlə
zənginləşdirdi. Onu
Əliağa Sədiyevin
rəhbərlik etdiyi
"Sarı gəlin"
ansamblı müşayiət
edirdi. Q.Əsgərovun
ifasını dinləməyə
gələn Xalq artisti Arif Babayev
tələbəsi haqqında
xoş sözlər danışdı: "Qoçaq
çalışqan tələbələrimdən
olub. Eyni zamanda o, vətənpərvər
insandır. Bildiyimə
görə, atəşkəsdən
əvvəl könüllü
hərbi hissəyə
gedib və Füzulidə gedən döyüşlərin birində
ağır yaralanıb.
Bir neçə il əvvəl o, Asəf Zeynallı
adına Texnikumda təhsil alıb. Daha sonra Azərbaycan
Milli Konservatoriyasında
tələbəm oldu.
Muğam Müsabiqəsində
də özünü
sınayıb və yüksək yerlərdən
birinə layiq görülüb. Onun gələcəyinə inanıram.
Qoçaq muğamlarımızın
inkişafında böyük
işlər görməyi
qarşısına məqsəd
qoyub".
Konsertin davamında vitse-spiker Bahar Muradovanın göndərdiyi təbrik məktubu oxundu. Musiqili proqramı dinləyən Xalq artisti Ağaxan Abdullayev, Əməkdar artistlər Zabit Nəbizadə, Cabir Abdullayev, Feyruz Səxavət, xanəndələr Sabir Abdullayev, Qəzənfər Abbasov, Süleyman Abdullayev, Səbuhi İbayev Q.Əsgərovun ifasını yüksək qiymətləndirdilər. Konsertin ən maraqlı məqamlarından biri Süleyman Abdullayevin öv qavalını Q.Əsgərova bağışlaması oldu.
Kaspi.-2009.-16-18 may.-S.16.