350 milyon dollarlıq investisiya
Yaxın illərdə müəssisələrə
yatırılacaq
Əmlak Məsələləri
Dövlət Komitəsi
(ƏMDK) və İqtisadi
Əməkdaşlıq Təşkilatının
(İƏT) Katibliyinin təşkilatçılığı
ilə dünən Bakıda İƏT üzv
dövlətlərin özəlləşdirmə
və özəl sektorun inkişafı üzrə Yüksəksəviyyəli
Ekspertlər Qrupunun
3-cü və İƏT üzv dövlətlərin
özəlləşdirmə qurumları rəhbərlərinin
4-cü iclasları keçirilib.
Tədbirin Bakıda keçirilməsi
ötən il aprel ayında Türkiyədə keçirilmiş
İƏT üzv dövlətlərin
özəlləşdirmə qurumları rəhbərlərinin
3-cü iclasında qərara
alınıb. İclasda
İqtisadi Əməkdaşlıq
Təşkilatını qurumun
direktoru Metin Genckolun başçılığı
ilə nümayəndə
heyəti təmsil edib.
Tədbirdə həmçinin
İƏT-ə üzv ölkələr
olan Türkiyə, Əfqanıstan, İran, Qazaxıstan,
ƏMDK sədri Kərəm
Həsənov bildirib ki, müzakirə edilən məsələlərin
həyata keçirilməsi
İƏT-ə üzv
ölkələrdə özəlləşdirmə
sahəsində qarşılıqlı
təcrübə mübadiləsi,
əməkdaşlıq və
dostluq əlaqələrinin
genişləndirilməsinə, möhkəmləndirilməsinə töhfə
verəcək. Onun sözlərinə görə,
son illər ərzində uğurla həyata keçirilən
strategiya nəticəsində
Azərbaycan iqtisadi inkişaf tempinə görə dünyanın
lider dövlətinə
çevrilib: "Ardıcıl sosial-iqtisadi
inkişaf proqramları
nəticəsində makroiqtisadi
sabitlik getdikcə möhkəmlənib, regionların
və özəl sektorun inkişafında ciddi nailiyyətlər əldə edilib, iqtisadiyyata investisiya qoyuluşunun həcminin artması neft sektoru ilə yanaşı qeyri-neft sektorunun da inkişafına
təkan verib. Həyata keçirilən
məqsədli tədbirlər
nəticəsində ölkəmizin
dövlət büdcəsi
on dəfə artıb". Onun sözlərinə görə,
ölkənin hazırki
inkişaf mərhələsində
həyata keçirilən
özəlləşdirmə prosesi iqtisadi yüksəlişdə bir
vasitə rolunu oynayır: "Azərbaycanda
artıq 14 ildir ki, davam edən
özəlləşdirmə prosesi nəticəsində
42 minə yaxın kiçik müəssisə
və obyekt xüsusi mülkiyyətə
verilib, 1600-ə yaxın orta və iri müəssisə
səhmdar cəmiyyətinə
çevrilib. Dövlət əmlakının özəlləşdirilməsi
prosesində 250 mindən
çox səhmdar, kiçik dövlət müəssisə və obyektlərinin özəlləşdirilməsi
yolu ilə 500 mindən çox özəl mülkiyyətçilər
təbəqəsi formalaşıb.
Özəlləşdirilmiş müəssisələrdə təqribən
500 mindən artıq vətəndaş işlə
təmin edilib. Ümumilikdə götürdükdə,
1,2 milyondan artıq vətəndaş özəlləşdirmədən
bu və ya digər formada
bəhrələnib". Bundan başqa,
investisiya müsabiqələri
vasitəsilə özəlləşdirilmiş
müəssisələrə təxminən 447 milyon
ABŞ dolları həcmində
investisiya qoyulub və yaxın illərdə götürülmüş
öhdəliklər çərçivəsində
bu müəssisələrə
daha 350 miylon ABŞ dolları həcmində investisiya qoyuluşu gözlənilir. Sədr əlavə edib ki, özəlləşdirməyə
əhalinin geniş kütləsinin cəlb edilməsi məqsədilə
bir çox ölkələrdə olduğu
kimi, Azərbaycanda da hər bir
vətəndaşa vauçe
- 4 çekdən ibarət
1 dövlət özəlləşdirmə
payı verilib. Həmin özəlləşdirmə
paylarının 75 faizdən
yuxarısı artıq
istifadə olunaraq silinib. Komitə sədri onu
da vurğulayıb ki, bu ilin
martında Tehranda
İƏT-ə üzv
dövlətlərin dövlət
başçılarının zirvə görüşündə
İƏT çərçivəsində
bütün istiqamətlərdə
əlaqələrin davam
etdirilməsi və əməkdaşlığın inkişaf etdirilməsi ön plana çəkilib.
İƏT-in direktoru M.Genckol də tədbirin vacibliyini vurğulayıb.
Onun sözlərinə
görə, Azərbaycana
dəfələrlə səfər
edib və hər gəlişində
daha çox inkişafın, yaxşı
iqtisadi göstəricilərin
şahidi olub. Genckol İqtisadi Əməkdaşlıq Təşkilatı
barədə də məlumat verib: "Təşkilatın Baş
qərargahı Tehran şəhərində yerləşir.
İƏT regional, hökumətlərarası
təşkilat olub, əsası 1985-ci ildə
İran, Pakistan və Türkiyə tərəfindən üzv
ölkələr arasında
iqtisadi, texniki və mədəni əlaqələri inkişaf
etdirmək məqsədilə
qoyulub. İƏT 1992-ci ildə
genişlənib və
Əfqanıstan, Azərbaycan,
Qazaxıstan, Qırğızıstan,
Tacikistan, Türkmənistan
və Özbəkistan
bu təşkilata üzv olublar". Onun sözlərinə görə, təşkilata
üzv ölkələr
7,9 milyon kv.km ərazini və 386 milyondan çox əhalini əhatə edir: "İƏT-ə üzv ölkələrin
yerləşdiyi region
müxtəlif təbii
ehtiyatlara malik olub, strateyi coğrafi mövqeyə malikdir. Təşkilatın
əsas məqsədləri
üzv ölkələrin
iqtisadi inkişafını
canlandırmaq, ticarətdə
maneələri aradan qaldıraraq regionlararası
ticarəti inkişaf etdirməkdir. Bundan başqa, iqtisadi
liberallaşmanı və
özəlləşdirməni stimullaşdırmaq və
regionun dünya iqtisadiyyatına tədricən
inteqrasiya etməsinə
imkan yaratmaq, İƏT
regionunda kənd təsərrüfatı və
sənaye potensialından
səmərəli istifadəsi
üçün səyləri
artırmaq da əsas vəzifələrdəndir".
M.Genckol ümidvar olduğunu bildirib ki, iclasda müzakirə
edilən məsələlər
və qəbul edilən qərarlar özəlləşdirmə sahəsində
beynəlxalq əməkdaşlığın
möhkəmləndirilməsində irəliyə doğru addım olacaq.
Daha sonra təşkilata üzv dövlətlərin nümayəndə
heyətlərinin başçıları
ölkələrində həyata
keçirilən özəlləşdirmə
prosesi barədə geniş məlumat veriblər. İclas çərçivəsində özəlləşdirmə və
özəl sektorun inkişafı üzrə
may ayının 20-i keçirilmiş Yüksəksəviyyəli Ekspertlər
Qrupunun 3-cü iclasının
Hesabatına baxılıb
və qiymət verilib. Həmçinin iclasda İƏT özəlləşdirmə
saytının təqdimatı
keçirilib. Saytda
İƏT üzv ölkələrinin
özəlləşdirmə qurumları barədə geniş məlumat yerləşdirilib. Saytda yerləşdirilən İƏT və onun fəaliyyəti
haqqında məlumatda
hər bir ölkəyə aid özəlləşdirmə qanunvericiliyi,
özəlləşdirmənin üsulları, özəlləşdirmə
prosesini həyata keçirilən qurumlar haqqında dolğun informasiyalar var. Bildirilib ki, saytın yaradılması hazırkı
qlobal iqtisadi və maliyyə böhranı dövründə
ölkələrimiz arasında
regional əməkdaşlığın
inkişafına, özəlləşdirmə
sahəsində qarşılıqlı
məlumat mübadiləsinin
aparılımasına, investorların
ölkələrimizdə aparılan
özəlləşdirməyə cəlb edilməsinə,
investisiya yatırımlarının
artırılmasına öz
töhfəsini verəcək.
Daha sonra İƏT katibliyi tərəfindən özəlləşdirmə
üzrə Fəaliyyət
Planının yerinə
yetirilməsi ilə bağlı məlumat verilib. İclasın sonunda İƏT-ə üzv dövlətlərin
özəlləşdirmə qurumlarının rəhbərlərinin
4-cü iclasının Bakı
Bəyannaməsi qəbul
edilib.
HƏQİQƏT
Kaspi.-2009.-22 may.-S.9.