Nadir İSMAYILOV
dosent,
“Biblioqrafiyaşünaslıq” kafedrasının müdiri
Fidan NAZİM QIZI
“Biblioqrafiyaşünaslıq”
kafedrasının magistrantı
AMEA-NIN
İNFORMASİYA TEXNOLOGİYALARI İNSTİTUTUNUN ƏSAS
FƏALİYYƏT İSTİQAMƏTLƏRİ VƏ
İNFORMASİYA TƏMİNATI
Açar
sözlər:əsas fəaliyyət istiqamətləri,
informasiya təminatı,
elmi-texniki informasiya,informasiya xidməti, informasiya
kommunikasiya texnolologiyaları
Ключевыеслова:основные направления деятельности, информационное обеспечение,научно-технической информация,информационная
служба, информация коммуникация
технологии
Keywords:the main activities,information provision, scientific and
technical information, information service,information
communication technology
AMEA-nın
İnformasiya Texnologiyalari İnstitutunun əsasını Azərbaycan
SSR Nazirlər Sovetinin 1971-ci il 4 iyun tarixli 121 saylı sərəncamı,
Azərbaycan EA-nın Rəyasət Heyətinin 1971-ci il 18 iyun
tarixli 26 saylı qərarı ilə xalq təsərrüfatında
avtomatlaşdırılmış idarəetmə sistemlərinin
yaradılması və tətbiqi məqsədilə Azərbaycan
SSR EA-nın Kibernetika İnstitutunun nəzdində
yaradılmış 1971-ci iyulun 16-dan ( layihə-konstruktor təşkilatı
hüququnda) təsərrüfat hesabı eksperimental istehsalat
ilə “Avtomatlaşdırılmış İdarətmə
Sistemləri” (AİS) şöbəsi təşkil
etmişdir. Şöbəyə 1971-1981-ci illərdə
Ç.A.Ağalarov və Z.Ə. İsgəndərzadə rəhbərlik
etmişlər.(1,s.82)
Xalq
təsərrüfatı işlərinin sürətləndirilməsi
və inkişafı üzrə tədbirlər haqqında Azərbaycan
SSR Nazirlər Sovetinin 1982-ci il 18 mart tarixli 152 saylı qərarı
ilə AİS şöbəsi respublikada AİS-lərin
yaradılması və onların əlaqələndirilməsi
üzrə EA-nın və Dövlət Plan Komitəsinin
tabeliyində müstəqil baş təşkilata
çevrilmişdir. Təşkilati işlərdə akad.
İsmayıl İbrahimovun böyük əməyi
olmuşdur.Həmin illərdə şöbəyə Yunis
Mahmudov (1982-1988) və Rafiq Qasımov (1988-1991) rəhbərlik
etmişlər. 1991-ci ildən şöbənin direktoru
Əli Abbasov olmuşdur.
AİS
şöbəsi yarandığı gündən etibarən
respublikada texnoloji prosesləri idarə edən xüsüsi
hesablama qurğularının yaradılması və tətbiqi
ilə məşğul olmuşdur. Son zamanlar AİS
şöbəsinin fəaliyyətinin əsas istiqamətləri
müxtəlif təyinatlı informasiya-hesablama şəbəkələrinin,
ekspert sistemlərinin, verilənlər bankının və paylanmış informasiya emalı
sistemlərinin işlənməsi və tətbiqi üzrə
elmi-tədqiqat, təcrübi-konstruktor və lahiyə işlərinin
həyata keçirilməsindən ibarət olmuşdur.
AİS
şöbəsində 200-ə yaxın əməkdaş
çalışmış, onlardan 4-ü elmlər doktoru, 14
nəfəri isə elmlər namizədi olmuşdur.
1991-1994-cü
illərdə AİS şöbəsinin ən böyük
nailiyyətlərindən biri də respublikada ilk dəfə
olaraq (1991-ci ildə) elektron
poçt xidmətinin və İnternet Beynəlxalq
kompüter şəbəkəsinin Azərbaycanda
qovşaqların yaradılması və istifadəyə verilməsi
olmuşdur.
Ümumilikdə
bu illər ərzində AİS şöbəsində:
1) Respublikada ilk dəfə WAN – qlobal
şəbəkədə texnologiyaları (X.25, SNA, DECNET, TCP/IP və s.) tədqiq
olunmuş və real praktik nəticələr əldə
olunmuşdur. İlk dəfə respublikada CM-4 tipli EHM-lər əsasında
3 qovşaqdan ibarət hesablama maşınları şəbəkəsi,
Moskva-Bakı Tbilisi şəhərlər arasında X.25 şəbəkəsi
yaradılmışdır və s ;
2) Respublikada ilk dəfə LAN-lokal
şəbəkə texnologiyaları tədqiq olunmuş və
müxtəlif qurumlarda tətbiq olunmuşdur;
3)
Respublikada ilk dəfə veb-texnologiyası mənimsənilmiş
və 1995-ci ildə AMEA-nın www.ab.az saytı
yaradılmışdır.
AİS
şöbəsinin o illərdə
informasiya texnologiyaları və telekommunikasiya sahəsində
apardığı tədqiqatların perspektivliyini nəzərə
alaraq şöbə statusu saxlanılmaqla Azərbaycan
EA-nın Reyasət Heyətinin 17 yanvar 1997-ci il tarixli 22/1
saylı qərarına uyğun olaraq Azərbaycan EA
İnformasiya-Telekommunikasiya Elmi Mərkəzi (İTEM)
adlandırıldı. Belə ki, informasiya texnologiyalarının
müxtəlif sahələri olan kompüter şəbəkələrinin,
ekspert sistemlərinin, informasiya təhlükəsizliyinin təmin
olunması kimi elmi-texniki tutumlu məsələlərin həlli
istiqamətlərində İTEM-in əməkdaşları
mühüm nəticələr əldə etmiş və
onların böyük əksəriyyəti praktikada tətbiq
olunmuşdur. İTEM düyanın bir sıra qabaqcıl
aparıcı elmi təşkilatları ilə əlaqələr
yaratmış və onun əməkdaşlarının
müasir informasiya texnologiyaları sahəsində bir çox
elmi işləri nəşr olunmuşdur.
1991-2001-ci
illərdə görülən işlər direktor Ə.M.Abbasovun rəhbərliyi ilə həyata
keçirilmişdir. Bu işlərin həyata keçirilməsində
həmçinin AİS şöbəsinin Baş mühəndisi
R.M.Əliquliyev, laboratoriya müdirləri M.Məmmədova,
Ə.Əliyev, R.Ələkbərov və Q.Orucov, F.Fərmanov
və başqaları aktiv iştirak etmişlər (1,s.84).
Azərbaycan
Respublikasının Prezidenti Heyder Əliyevin 15 may 2001-ci il
tarixli fərmanının yerinə yetirilməsi istiqamətində
Azərbaycan Milli Elmlər Akademiyasında struktur dəyişiklikləri
haqqında Azərbaycan Respublikası Nazirlər Kabinetinin 21
may 2002-ci il tarixli 81 saylı Qərarına əsasən
AMEA-nın İnformasiya Telekomminikasiya Elmi Mərkəzin
bazasında İnformasiya Texnologiyaları İnstitutu
yaradıldı.
İnformasiya
Texnologiyaları İnstitutunun əsas fəaliyyət istiqamətləri
fundamental araşdırmalar aparmağa geniş imkanlar
açmışdır. İnstituta akademik R.M.Əliquliyev rəhbərlik
edir. Onun rəhbərliyi
ilə institut qisa müddət ərzində İKT-nın ən
müasir problemləri sahəsində tədqiqatlar aparmağa malik olan bir
kollektivə çevrildi.
İnstitutun
əsas fəaliyyət istiqamətləri
aşağıdakılardır:
1. Elmi-Tədqiqat fəaliyyəti;
2. Elmi-İnnovasiya fəaliyyəti;
3. Tədris-İnnovasiya fəaliyyəti;
4. Veb-xidmətləri;
5. Multimedia xidmətləri;
6. Kompüter xidmətləri;
İnstitutun
əsas fəaliyyət istiqamətlərindən biri olan Elmi-tədqiqat
fəaliyyətində mətnlərin avtomatik
referatlaşdırılması problem olaraq
götürülmüşdür. Bu problem Bul dəyişənli
xətti və qeyri-xətti proqramlaşdırma məsələləri
kimi formalizə olunmuş və
onların həlli üçün evolyusiya və
“sürü” intellektinə əsaslanan alqoritmlər işlənilmişdir.
İnformasiya
təhlükəsizliyi üçün milli informasiya fəzasının
təhlükəsizliyi sisteminin konseptual arxitekturu işlənilmişdir.
Bu barədə informasiya Journal of İnformation jurnalında
verilmişdir.
Biometrik
texnologiyaların və kriptoqrafik sistemlərin praktiki
üstünlükləribirləşdirməklə barmaq izlərinin tekstur
deskriptorları əsasında fərdi kriptoqrafik
açarların generasiyası üsulu işlənilmişdir.
Alınmış nəticələr Expert Systems with
Applications, Automatic Control Computer Sciences jurnallarında çap
olunmuşdur (2,s.8).
Elmi-İnnovasiya
fəaliyyətində İnstitutun iştirak etdiyi Dövlət Proqramları olduqca əhəmiyyətlidir.
İnstitutun iştirak etdiyi Dövlət proqramları
aşağıdakılardır:
1. “Azərbaycan Respublikasında 2009-2015-ci
illərdə elmin inkişafı üzrəMilli
Strategiya” və “Azərbaycan Respublikasında 2009-2015-ci illərdə
elmin inkişafı üzrə Milli Strategiyanın həyata
keçirilməsi üzrə Dövlət proqramı;
2. “Azərbaycan Respublikasında
biometrik eyniləşdirmə sisteminin yaradılması üzrə
2007-2012-ci illər üçün Dövlət Proqramı”;
3.
“Azərbaycan Respublikasında rabitə və informasiya
texnologiyalarının inkişafı üzrə 2010-2012-ci illər
üçün Dövlət Proqramı”;
4. “2008-2012”-ci illərdə Azərbaycan
Respublikasında təhsil sisteminin
informasiyalaşdırılması üzrə Dövlət
Proqramı;
İnstitutun
nəznində respublika üzrə
doktorant və dissertantların
“İnformatika” fənninin tədrisi, namizədlik
minimumlarının qəbulunu həyata keçirən,
iqtisadiyyat, hümanitar, və s sahələrdə
kompüter-informasiya texnologiyalarının tətbiqi
ixtisasları üzrə müasir tələblərə cavab
verən Tədris-İnnovasiya Mərkəzi fəaliyyət
göstərir.
Tədris-İnnovasiya Mərkəzi Azərbaycan
Respublikasının Prezidenti yanında Ali Attestasiya
Komisiyası kollegiyasının 25 oktyabr 2002-ci il tarixli 6
saylı, 16 dekabr, 2002-ci il tarixli 17 saylı, həmçinin
AMEA Rəyasət Heyətinin 15 yanvar 2003-cü il tarixli 2/5
saylı qərarlarına əsasən
yaradılmışdır.
Tədris-İnnovasiya
Mərkəzinin fəaliyyətinə doktorant və dissertantlara informatika
fənninin tədrisi və imtahanların qəbulu, distant təhsil, e-dövlət
üçün kadr hazırlığı, ali təhsil
müəssisələri ilə əməkdaşlıq,
olimpiya mərkəzi, Gənc Proqramçılar Məktəbi,
təhsilin informasiyalaşdırılması prosesində
iştirakı daxildir.
İnformasiya
texnologiyaları sahısində elmi kadrların
hazırlanması məqsədilə İTEM-də
aspiranturanın fəaliyyətə başlaması
üçün AMEA RH-nin 16 yanvar 2002-ci il tarixli 1/1 №-li qərarı
olmuşdur.
Bu
qərara əsasən AMEA İTİ 2002-ci ildən başlayaraq hər il
aşağıdakı ixtisaslar üzrə aspiranturaya tələbə
qəbulu aparır:
1.
Sistemli analiz, idarəetmə və informasiyanın işlənməsi;
2.
Sosial və iqtisadi sistemlərdə idarəetmə;
3.
Telekommunikasiya sistemləri və kompüter şəbəkələri;
4.
İnformasiyanın mühafizə üsulları və sistemləri.
2003-2012-ci
illər ərzində 11000-dən
artıq doktorant və dissertant informatika fənni üzrə
kurslarda iştirak edib imtahan vermişdir.
Azərbaycanın
rayonlarında fəaliyyət göstərən Kompüter Tədrisi
Mərkəzlərinə metodik dəstək göndərilmiş,
bu kurslarda təhsil alan 581 nəfərin biliklərinin
yoxlanılması və sertifikatlaşdırılması
işləri həyata keçirilmişdir.
Ümümtəhsil
məktəblərinin müəllimləri ilə birgə
informatika fənninin tədrisi problemlərinin müzakirəsinə
həsr olunmuş müxtəlif görüşlər,
seminarlar keçirilmişdir. İKT sahəsinə aid müxtəlif
dərsliklər hazırlanmış, eyni zamanda kənar təşkilatlar
və müəlliflər tərəfindən
hazırlanmış dərs vəsaitlərinin ekspertizası və onlara rəylərin
verilməsi işləri görülmüşdür. Hemin
dersliklere Beynelxalq İnformatika Olimpiadaları, Yeni Media, Excel,
Adobe Photoshop, Müəllimlər üçün Sosial Servislər
aiddir.
AZScienceNet
kompüter şəbəkəsinə qoşulmuş
institutlarda kabelləşdirmə işləri
aparılmış və 200-ə yaxın kompüter
İnternet şəbəkəsinə qoşulmuşdur. AMEA M.Füzuli
adına Əlyazmalar, İqtisadiyyat, Fəlsəfə,
Sosiologiya, və Hüquq, Geologiya İnstitutlarının, Mərkəzi
Elmi Kitabxananın lokal kompüter şəbəkələri
intellectual kommutatorlar əsasında yenidən qurularaq
İnternet şəbəkəsinə çıxışla
təmin edilmişdir. AZScienceNet kompüter şəbəkəsini
nəticəsində www.azsciencenet.az veb saytı
yaradılmışdır (6,s.1). AMEA Rəyasət Heyətinin
26 sentyabr 2001-ci il tarixli qərarı ilə www.science.az portalının yaradılması
İnformasiya Texnologiyaları İnstitutuna həvalə
edilmiş və 2003-cü ilin sentyabr ayından istifadəyə
verilmişdir.www.science.az portalı bir-birinin güzgü əksi
olan Azərbaycan, rus, ingilis dillərində fəaliyyət
göstərir. Portal AMEA Reyasət Heyətinin, bölmə və
şöbələrinin, elmi müəssisə və digər
təşkilatlarının, həqiqi və müxbir üzvlərin,
elmlər doktorlarının fəaliyyətini əks etdirən
böyük informasiya bazasına və güclü
axtarış imkanlarına malik olan bir informasiya sistemidir.
Portalda məlumat mübadiləsi zamanı müəyyən
normalara əməl olunur. Portal AMEA və bütövlükdə
respublika elmi ictimai mühitində baş verən yeniliklərin-
müxtəlif seminarların, elmi və elmi-texniki konfranslar,
simpoziumlar, yubileylər, nəşrlər, görüşlər
haqqında informasiyaların operativ əldə edilərək
istifadəçilərə, AMEA-nın institut və təşkilatlarında
əməkdaşlarının bir-birilərinin informasiya
ehtiyatlarından kütləvi istifadə etməsinə, digər
tərəfdən isə onların hər birinin dünya
informasiya fəzasında tanınmasına geniş imkan
yaradır. Məlumat mübadiləsi zamanı müəyyən
normalara əməl olunur (4,s.22).
2012-ci
ildən etibarən Multimedia Mərkəzi
tərəfindən dizayn işləri, müxtəlif
formatlı kitabların çapı, cildləmə işləri,
avtoreferatların çapı, kitab və jurnalların tərtibatı həyata
keçirilir.
İnstitut
dünyanın 20 ölkəsi ilə əməkdaşlıq
edir. Keçirilən görüşlərdə 19 xarici
qurumun 100-dən çox alim və
mütəxəssisdən ibarət nümayəndə
heyəti iştirak edir. İnstitutun
9 əməkdaşı 14 xarici quruma səfər
etmişdir. İnstitutun 4 əməkdaşı bir il müddətinə xarici elmi tədqiqat qurumlarına
ezam edilmişdir. İnstitut bir beynəlxalq konfransda təşkilatçı
olmuşdur. İnstitutun əməkdaşlıq etdiyi beynəlxalq
təşkilatlar aşağıdakılardır:
1.
Terena
2.
Thomson Reuters
3.
İEEE
4.
Springer
5.
Microsoft
6.
ACM
7.
UNCTAD
ELSEVİER-in
Türkiyə və Mərkəzi
Asiya ölkələri üzrə meneceri Ayhan Saracoğlu və
Almaniyanın “Springer” beynəlxalq elmi bazasının
Türkiyə, Qafqaz, və Mərkəzi Asiya ölkələri
üzrə meneceri Sıtkı Aktaş ilə
görüşlər keçirilmişdir.
İnformasiya, İnformasiyalaşdırma və
İnformasiyanın mühafizəsi haqqında Azərbaycan Respublikasinin qanununda qeyd edilirki
Dövlət hakimiyyəti və yerli ozunuidarə orqanları,
təşkilati‐huquqi və
mülkiyyət formasından asılı olmayaraq bütün
müəssisə, idarə və təşkilatlar, vətəndaşların
informasiya sistemləri, texnologiyaları və onların təminat
vasitələrinin yaradılması və istehsalında bərabər hüquqları vardır.Dövlət
informasiya sistemlərinin, texnologiyalarının və
onların təminat vasitələrinin yaradılması və
istehsalı sahəsində elmi və təcrubi‐layihə işlərinin
aparılmasına şərait yaradır (3.s,6).
AMEA-nin
İnformasiya Texnologiyalari İnstitutunun əməkdaşlarının
informasiya təminatında “İnformasiya xidməti”nin əsas
rolu vardır. “İnformasiya xidməti”nin
tərkibinə adi kitabxana, elektron kitabxana, İnternetə sərbəst
daxil olub lazımi informasiyaları əldə etmək, CDN
texnologiyası əsasında dinamiki formalaşan intellektual
informasiya fondlarının yaradılması və s. kimi
imkanlar daxildir. İnstitutun əməkdaşları demək
olar ki, keçmiş SSRI ərazisində nəşr olunan
bütün elmi, elmi-praktiki, texnoloji, populyar və s. kimi kitab
və jurnallarla müntəzəm olaraq təmin olunurlar.
İnstitutun əməkdaşları ingilis dilli mənbələr
olan IEEE, ACM kimi nüfuzlu elektron kitabxanalara abunə olublar və
Springer, Blackwell kimi nəşriyyatların e-jurnallarına
giriş imkanları var. İnstitutun əməkdaşları
vaxtlı-vaxtında İT sahəsində dünyanın istənilən
yerində keçirilməsi planlaşdırılan beynəlxalq
konfranslar, toplantılar haqqında məlumatlar
alırlar.İnstitutun əməkdaşlarını
elmi-texniki informasiya ilə təmin etmək üçün
müasir tələblərə cavab verən
"İnformasiya xidməti" yaradılmışdır.
"İnformasiya xidməti"nin tərkibinə adi kitabxana,
elektron kitabxana, İnternetə sərbəst daxil olub
lazımi informasiyaları əldə etmək, CDN
texnologiyası əsasında dinamiki formalaşan intellektual informasiya
fondu və s. daxildir (5,s.1).
İnstitutun
tərkibində fəaliyyət göstərən
“İnformasiya xidməti”nin işi mühüm əhəmiyyət
kəsb edir. Bu xidmət hər şeydən əvvəl
insitutun bütün əməkdaşlarına İnternet xidmətlərindən
sərbəst istifadə etmək imkanı yaradır.
İnstitut
elmi-texniki informasiya sahəsində elmi-tədqiqat və ali təhsil
müəssisələrinin kitabxanalarına, həmçinin
respublika səviyyəli digər kitabxanalara metodiki köməyi
həyata keçirir.
İnstitutun
elmi-texniki informasiya təminatına beynəlxalq elmi-texniki cəmiyyətlər
və elektron kitabxanalarla əməkdaşlıq daxildir.
İnstitut SpringerLink, IEEE
computer society, Cambridge, ACM Digital Library, IOP Science,
Oxford Engilish Dictionary, EBSCO
kimi elmi-texniki cəmiyyətlər
və elektron kitabxanalarla əməkdaşlıq edir.
İnstitutun elmi-texniki informasiya təminatında 12
saylı şöbənin mühüm əhəmiyyəti
vardır. 12 saylı şöbənin rəhbəri Mədinə
Səidovadır. 12 saylı şöbənin əsas elmi
istiqamətləri aşağıdakılardır:
1.
Elektron kitabxana şəbəkələrinin yaradılması
problemləri;
2.
E-kitabxana mühitində sosial şəbəkələrin
aşkarlanması problemləri;
3.Bibliometrik
üsulların e-kitabxana mühitində tətbiqi
imkanlarının araşdırılması;
4.Qeyri-səlis
məntiq vasitəsilə kitabxana xidmətlərinin təkmilləşdirilməsi
problemləri.
12 saylı şöbənin əldə
etdiyi əsas elmi nəticələr
aşağıdakılardır;
1.
İntellektual elektron kitabxana şəbəkələri modeli
işlənmişdir;
2.İntellektual
elektron kitabxanalarda toplanmış qeydiyyat məlumatlarının
intellektual emalı və analizi məsələləri araşdırılmışdır;
3.
Qeyri-səlis çoxluqlar nəzəriyyəsinin tətbiqi ilə
çap əlyazma simvolları üçün tanıma
sistemi hazırlanmışdır;
4.
Mətnlərin təsnifləşdirilməsi
üçün alqoritm təklif olunmuşdur.
İnstitutun
əməkdaşlarının məqalələrinin çap
olunduğu indeksli jurnallardan Knowledge-Based System jurnalında 1
meqalə çap olunmuşdur.Jurnalda bu məqaləyə
2,422 isnad olmuşdur. Expert Systems with Applications jurnalında 4 məqalə
çap olunmuşdur və 2,203 isnad olmuşdur. Journal of
Automation and İnformation Sciences jurnalında 1 məqalə
çap olunmuşdur və 0,04 isnad olmuşdur. Bu jurnallar əsas impakt faktorlu jurnallardır. Jurnalın impakt
faktoru bu jurnalda çap olunmuş hər məqaləyə 2
il ərzində düşən isnadların orta
sayıdır. Evvəlcə məqalə
jurnala göndərilir əgər tələblərə
uyğun gəlirsə qəbul olunur.
Hal-hazırda
institutda 250 əməkdaş fəaliyyət göstərir.
İnstitutda, demək olar ki, İT sahəsinin bütün
seqmentləri üzrə yüksək ixtisaslı mütəxəssislər
vardır. İnstitutda 3 akademik, 7 elmlər doktoru, 15 fəlsəfə
doktoru, 18 doktorant, 24 dissertant və digər əməkdaşlar
elmi-tədqiqat işləri ilə məşğul olurlar.
ƏDƏBİYYAT
1.
Azərbaycanda informatikanın təşəkkülü.-Bakı:”Letterpress”
nəşriyyat evi, 2010.-172 s.
2.
İnformasiya Texnologiyaları İnstitutunun 2012-ci il
üçün hesabatı. Bakı: “İnformasiya
Texnologiyaları” nəşriyyatı, 2013.- 52 s.
3.
“İnformasiya, informasiyalaşdırma və informasiyanın
mühafizəsi haqqında”Azərbaycan Respublikasının
Qanunu.-Bakı, 1998.-10 s.
4.
Osman Gündüz. Azərbaycan İnternet
Resursları.-Bakı, 2006. -250 s.
5.
www.ict.az
6.
www.science.gov.az
Н.И.Исмаилов
Ф.Назим гызы
ОСНОВНЫЕ НАПРАВЛЕНИЯ ДЕЯТЕЛЬНОСТИ И ИНФОРМАЦИОННОЕ
ОБЕСПЕЧЕНИЕ ИНСТИТУТА ИНФОРМАЦИОННЫХ ТЕХНОЛОГИЙ НАНА
Р Е З Ю М Е
В
работе широко описываются проблемы основные направления деятельности и
информационное обеспечениеИнститута информационных технологий Национальной
академии наук Азербайджана. Для информационного обеспечения сотрудников
института необходимо разработать современную информационную службу.
Информационная служба включает в себя традиционную библиотеку, электронную
библиотеку и бесплатный доступ к Интернету для получения необходимой
информации, а также интеллектуальный информационный фонд, динамично
формирующийся на основе CDN технологий. Сотрудники института
подписаны на англоязычные источники, такие как IEEE, ACM, а также
имеют доступ к электронным журналам авторитетных
издательств Springer,Blackwell. Сотрудники института регулярно получают
информацию о международных конференциях и мероприятиях проведенных в любое
время и в любом месте в области ИТ.
N.I.Ismaılov
F.Nazim
gizi
THE MAIN ACTIVITIES AND INFORMATION PROVISION OF
THE INSTITUTE OF INFORMATION TECHNOLOGY OF ANAS
S U M M A R Y
The paper extensively covers the main
activities and information provision of the Institute of Information Technology
of the AzerbaijanNationalAcademy. To ensure the employees of the institute with
scientific and technical information, modern information service should be
developed. İnformation service includes traditional library, electronic
library, and free internet access to obtain the necessary information,
CDN-based dynamic and intelligent information foundation. The Institute
employees are subscribed to English-language sources, such as IEEE, ACM, and
e-journals of authoritative publishers such as Springer, Blackwell are
available for them. The Institute employees are aware of regularly scheduled
international conferences and events in the field of IT anytime and anywhere.
Kitabxanaşünaslıq və
biblioqrafiya: Elmi-nəzəri, metodik və təcrübi
jurnal.- 2014.- № 2.- S. 42-49.