Sənə
bir namə yazmışam...
Ramiz
Kərəm
Divar
Binaların arasından,
Bircə parça göy görünür.
O da hərdən qaşqabaqlı,
Buludlu, köntöy görünür.
Dörd tərəfdə divarlar var,
Divarlar daş-daş hörülür,
O da altı qurumamış,
Üstündən yaş-yaş hörülür.
Vallah belə hörülməklə,
Bu gün-sabah çat verəcək,
İş yiyəsi xam ustanın,
Haqqını beşqat verəcək.
Göyə aşiq göyərçinlər,
Başını əyir qayıdır.
Dualar da, qarğışlar da,
Divara dəyir qayıdır.
Bircə parça göy görünür,
O da yaddan çıxır hərdən.
Əl hər yerdən üzüləndə,
Adam yenə baxır hərdən.
Sənə bir namə yazmışam
Sənə bir namə yazmışam,
Görən kimlə göndərim.
Sevgilərə dil öyrədən,
Sarı simlə göndərim.
Sənə bir ismarışım var,
Küləklərə deyimmi?..
Gedən quşlara yalvarıb,
Lələklərə deyimmi?..
Kim aparsa, gözündə qəm,
Könlündə qan aparsın.
Belə qasid tapammasam,
Verim şeytan aparsın.
Hər sevginin axırında,
Sənə bəlli, bir
ah var.
Hər sevgidə
bir az
savab,
Bir
azca da günah
var.
Qoy sevinsin bu günaha,
Qoy
şeytan dingildəsin.
Adını tez-tez
çəkirəm,
Qulağın cingildəsin.
Kəndin astarı
Bulandı gözlərim
gördüklərimdən,
Bir
yaz yarpağı ver, gözümü örtüm.
Üz desəm üzündə tutara yoxdu,
Gətir astarınla üzümü
örtüm.
Üzü üzlər
görən, üzü
sürtülən,
Həyası tökülən biçarə kəndim.
Getdikcə düşürsən
ardan-abırdan,
Bu gedişat hara, sən hara, kəndim.
Sən guya dünyanın təmiz yerisən,
Bu qalan inam
da qırılsa, heç nə.
Astarın üzündən
təzədi bir az,
Astar da sürtülüb
cırılsa, heç
nə.
Əhval
Bu da getdi tapılmaza,
İndi axtar tap görüm.
Bu da getdi çatılmaza,
Di dalınca çat görüm.
Əlin unutdu əlləri,
Əl verməyə əl
axtar.
Get quruyan ağacların,
Budağında gül axtar.
İllər səndən
yaralıdı,
Yarasını qanatma.
Boşa verdiyin illərin,
Torbasına əl atma.
Nə qoymuşdun,
nə tapasan,
Boş-boşuna yellənir.
Ömür itirib
ünvanı,
Yollarda veyillənir.
Hamı adamtək
dindi, sən
Qurdun-qusun dilində.
Beş-üç kəlmə
yazdığın da,
Tutuquşu dilində.
Uduzdun, hər ötən ayı,
Gedən günü gəz
indi.
Nahaq girdin bu oyuna,
Çıxmağın da çətindi.
Eynilik
Qocalar bütün
evlərdə
Əyləşir eyni
yerdə,
Baxırlar eyni səmtə.
Yaddaşlar açılır-açılır
Eyni yerdə bir
düyünə ilişir.
Səhərlər açılır
eyni cür,
Axşamlar eyni cür düşür.
Uşaqlar hamısı
Eyni cür sevinir təzəliklərə,
Çiçəklərə, kəpənəklərə,
Baharın nəfəsinə.
Hamısı eyni
cür
Diksinir güllə səsinə.
Baxmır boy ölçüsünə,
Görkəminə, yaşına,
Hamını eyni
cür çəkir,
Özünə köhnə
yurd,
Dünyanın o başından
Dünyanın bu başına.
Adamlar hamısı
Eyni cür qorxur -
Unudulmaqdan.
Tənhalıqdan, qürbətdən,
Vaxtsız yağan
qardan
Və ayrılıqlardan.
Bu yurdun
eşqinə
Gəl, bu gözəl
İçək bu yurdun eşqinə.
Bir az
sevgi əkək, bir az
Çiçək bu yurdun eşqinə.
Oxu, bir qədim ovsunu,
Qovaq bu div yuxusunu,
Min illərdi yol
uzunu,
Yortan o qurdun eşqinə.
Dünya dolu qan qoxusu,
Bu yurdu Allah qorusun,
Bir ozan çağır oxusun,
Bu doğma dərdin eşqinə.
Səni
də belə yıxdılar
Səni də belə yıxdılar,
Meşələrin şahı palıd.
Bu adamların işidi,
Qınama Allahı,
palıd.
Bitirməyi bacarmırıq,
Əlimizdən yıxmaq gəlir.
Yıxmayanın da
əlindən,
Gendə durub baxmaq gəlir.
Alabaxta bağışla
ta,
Korladılar ovqatını.
Ağac-ağac azaltdılar,
Builki qış sovqatını.
O buz bulağın
da suyu
Əvvəlkindən az olacaq.
Quzulayıb çat
verəcək,
Torpaq da nasaz olacaq.
Kəsiləcək, doğranacaq,
Axırına yetənəcən.
Hara düşəcək ildırım,
Bir də palıd bitənəcən?..
Yenə
bu axşam
Yenə gözlərimə
buludlar gəlir,
Qoy
örtüm qapını
kimsə bilməsin.
Ağlayıb yatacam
yenə bu axşam,
İşdi yatanacan qəfil
ölməsəm.
İşdi yatanacan
qəfil ölməsəm,
Fikrimdən kim bilir nələr keçəcək.
Yenə həmin
üzlər, həmin
şəkillər,
Könlü ağlar, gözü
gülər keçəcək.
İlahi, yuxuma haram qat bir
az,
Başımı qarışdır
bir az
gec yatım.
Yaddan çıxardığın
yalan qalıbsa,
Elə indi göndər
başımı qatım.
Səni aldatmıram,
İlahi, vallah,
Mənim qardaşım var,
mənim bacım var.
Özün bilirsən
ki, şükürdaram
mən,
Bircə aldanmağa ehtiyacım
var.
Bircə aldanmağa
ehtiyacım var,
Bircə aldananda rahat
yatıram.
Mən bilən aldanmaq günah sayılmır,
Günah sayılırsa, nahaq
yatıram.
Ağlayıb yatacam
yenə bu axşam,
İlahi günahsa, keç
günahımdan.
Ömür mənimdisə,
baş açammıram,
Nə keçən günümdən,
nə sabahımdan.
Mədəniyyət.- 2010.-
24 fevral.- S. 13.