Qələbənin 65 illiyinə
həsr olunmuş tədbir
“Külək qarı
səpələr” və
“Öncə yer vardı” kitabları təqdim olundu
Mayın 4-də Mədəniyyət
və Turizm Nazirliyinin və Abşeron Rayon İcra Hakimiyyətinin təşkilatçılığı
ilə Xırdalan Mədəniyyət Evində
faşizm üzərində
Qələbənin 65 illiyinə
həsr olunmuş tədbir keçirildi.
Tədbirdə Mədəniyyət
və Turizm Nazirliyinin Nəşriyyat şöbəsinin müdiri
Vaqif Bəhmənli, Abşeron Rayon İcra Hakimiyyəti başçısının
təhsil, səhiyyə
və mədəniyyət
üzrə müavini
İradə Gülməmmədova,
rayon Mədəniyyət və
turizm şöbəsinin
müdiri İlham Manafov, şairlər İlyas Tapdıq, Oktay Rza, Musa
Yaqub, Məlahət Yusifqızı, Maarif Soltan, Ağacəfər Həsənli, yazıçı-dramaturq
Aqşin Babayev, Abşeron rayonunun veteranları, mədəniyyət,
təhsil işçiləri
iştirak edirdilər.
Öncə çıxış
edən rayon İcra Hakimiyyəti başçısının
müavini İradə
Gülməmmədova bildirdi
ki, Böyük Vətən müharibəsində
(1941-1945) Qələbənin 65 illiyi münasibətilə
respublikamızın bütün
regionlarında olduğu
kimi, Abşeron rayonunda dövlət səviyyəsində tədbirlər
qeyd edilir: “Bu müharibədə böyük
şücaət göstərərək
Sovet İttifaqı Qəhrəmanı adına
layiq görülənlər
arasında Abşeronda
doğulub böyümüş
həmyerlilərimiz Mehdi
Hüseynzadə və
Mikayıl Ələkbərov
da var”.
Sonra tədbirdə Azərbaycan
yazarlarının Böyük
Vətən müharibəsindən
bəhs edən əsərlərindən ibarət
“Külək qarı səpələr” kitabının
tərtibatçısı Maarif Soltan çıxış
etdi. O, Qələbənin 65 illiyi münasibətilə
hazırlanmış iki
kitab haqqında məlumat verdi: “Yazarlarımızın əsərlərindən
ibarət “Külək
qarı səpələr”
toplusunun və Lidiya Obuxovanın Azərbaycan dilinə tərcümə olunmuş
“Öncə yer vardı” kitabının Abşeron rayonunda təqdim olunması bizi sevindirir. Tədbirin təşkilinə
görə, Mədəniyyət
və Turizm Nazirliyinə və Abşeron Rayon İcra Hakimiyyətinə
təşəkkürümüzü bildiririk”.
Mədəniyyət və Turizm Nazirliyinin şöbə müdiri Vaqif Bəhmənli tədbir iştirakçılarını
və veteranları salamladıqdan sonra qeyd etdi ki,
burada iştirak edən ağsaqqal veteranların faşizm üzərində Qələbənin
əldə olunmasında
böyük zəhmətləri
olub: “Biz onlara bugünkü həyatımıza
görə borcluyuq. Bu böyük Qələbədir. Bu qələbədə Azərbaycan
övladlarının şərəfli
payı var. Veteranlarımıza dövlət
qayğısı ilbəil
artır, 9 may - Qələbə Günü
dövlət səviyyəsində
qeyd olunur. Bu gün sizlərə
təqdim olan kitablar da Böyük
Qələbəyə verilən
yüksək dəyərin
nümunəsidir”.
Daha sonra tədbirdə “Külək qarı səpələr” kitabında
dərc olunan şeirlərdən parçalar
oxundu.
İntiqam Hacılı
Mədəniyyət.- 2010.- 5 may.- S. 3.