Frankfurtda “Azərbaycan
- sərmayə ölkəsi”
adlı konfrans keçirilib
Bugünlərdə Frankfurt şəhərinin
“Messe Congress” mərkəzində
“Qlobal İşgüzar
Həftə” (GBW) çərçivəsində
Azərbaycan Dövlət
Neft Şirkətinin sponsorluğu ilə “Azərbaycan - sərmayə
ölkəsi” mövzusunda
konfrans keçirilib. Tədbirdə ölkəmizin
müvafiq qurumlarının
təmsilçiləri ilə
yanaşı, Mədəniyyət
və Turizm Nazirliyinin Turizm şöbəsinin əməkdaşı
Günay Fərədova,
AZTA-nın sədri Nahid Bağırov, musiqiçilər heyəti
iştirak edib.
Bu barədə
məlumat verən G.Fərədovanın sözlərinə
görə, konfransda çıxış edən
Frankfurtdakı Ticarət-İqtisadiyyat
Palatasının sədri
Urgen Ratsinger Azərbaycan və Almaniya arasında çoxtərəfli əməkdaşlıq,
ölkəmizin sürətli
iqtisadi inkişafı
haqqında danışıraq
bildirib ki, Azərbaycan sərmayə
yerləşdirilməsi üçün
çox əlverişli
ölkədir. Azərbaycanın sənaye və energetika nazirinin müavini Natiq Abbasov energetika sahəsində iki ölkə arasında aparılan əməkdaşlıqla
bağlı toplantı
iştirakçılarını məlumatlandırıb.
Öz növbəsində
Mədəniyyət və
Turizm Nazirliyinin nümayəndəsi tərəfindən
turizm sahəsində statistik göstəricilər,
ölkəmizin iştirak
etdiyi beynəlxalq layihələr, Azərbaycanda
investisiya mühiti, sərmayəçilərin cəlb
edilməsi, Azərbaycan
Respublikasında 2010-2014-cü illərdə turizmin inkişafına dair Dövlət Proqramının
məqsədləri, turizm
sahəsində iri layihələr barədə
ətraflı məlumat
verilib.
Sonda çıxış
edən Azərbaycan-Alman
İqtisadiyyat Forumunun
(DAWL) sədri Marko Qraff
rəhbərlik etdiyi qurumun fəaliyyəti və məqsədləri,
həmçinin Azərbaycanda
işgüzar fəaliyyətin
müsbət və mənfi cəhətlərindən
danışıb.
Həmsöhbətimiz maraqlı
bir məlumatı diqqətimizə çatdırdı
ki, tədbirdən sonra Azərbaycan mədəniyyəti gecəsi
təşkil olunub: «Muğam-caz ifaçıları
və Dövlət Rəqs Ansamblının rəqqasları böyük
konsert proqramı ilə çıxış
etdilər. Bundan əlavə, qonaqlara
respublikamızın turizm
potensialını təbliğ
edən reklam çarxları nümayiş
etdirildi».
G.Fərədova onu da bildirdi ki,
mayın 17-dən 20-dək ARDNŞ-in lövhəsində Mədəniyyət
və Turizm Nazirliyinin banerı və respublikamızın
turizm potensialını
əks edən reklam çarxları nümayiş etdirilib. Gələn iştirakçılara və
ziyarətçilərə reklam-çap məhsulları
paylanılıb, ölkəmizin
turizm imkanları haqqında məlumatlar verilib.
Fəxriyyə Abdullayeva
Mədəniyyət.- 2010.- 28 may.- S. 9.