Norveçdə Azərbaycan sevgisi

 

Ramil Əliyev: «Norveçliləri Azərbaycanda daha çox "Yanar dağ" "Qobustan" maraqlandırır»

 

Azərbaycanlı gənclər bir çox xarici ölkələrdə müəyyən mövqe tutub ölkəmiz haqqında həqiqətləri dünyaya çatdırmaq üçün bir sıra layihələrlə çıxış edirlər. Gənclərlə bağlı olan diaspor təşkilatları da ölkəmizin milli-mənəvi dəyərlərini, tarixini, mədəniyyətini, dilini müasir həyatını əcnəbilərə çatdırmaq üçün məqsədyönlü işlər həyata keçirirlər. Qeyd etdiyimiz meyarları fəaliyyətində əsas götürən belə təşkilatlardan biri Norveç Azərbaycanlıları Gənclər Təşkilatıdır (NAGT). Qurumun fəaliyyəti ilə yaxından tanış olmaq üçün ötən il Norveçdə ilin ən fəal akademik gənci seçilmiş, NAGT-nin sədri Ramil Əliyevlə həmsöhbət olduq. O, söhbətinə rəhbəri olduğu təşkilatın tarixindən başladı:

 

- Norveç Azərbaycanlıları Gənclər Təşkilatı 2006-cı ildən yaradılıb. Təşkilatımızda həm norveçli, həm azərbaycanlı gənclər təmsil olunur. Başqa diaspor təşkilatlarından fərqimiz Azərbaycanı xaricdə akademik səviyyədə, yüksək anlamda təmsil etməyimizdir. Təşkilatımız tərəfindən bir sıra maraqlı layihələr həyata keçirilib. Belə ki, Oslo Universitetində "Azərbaycanın Cənubi Qafqazdakı geosiyasi rolu", "Qafqaz müharibədən sonra" mövzusunda seminarlar keçirmişik. Bu seminarlardan sonra bir qrup norveçli tələbə bizimlə əlaqə yaradıb, Azərbaycana gəlmək istədiklərini bildirdi. Biz bu işdə onlara yardımçı olduq. Onlar ölkəmizdən olduqca maraqlı xoş təəssüratlarla döndülər.

- "Virtual Həftə Sonu" məktəb layihəsinin dünya azərbaycanlıları üçün əhəmiyyəti nədir?

- Norveçdə yaşayan azərbaycanlıların Azərbaycan dilində akademik təhsil almaq imkanları yoxdur. Ailədə isə onlar ancaq Azərbaycan dilində ünsiyyət qururlar. Bu baxımdan xaricdə yaşayan azərbaycanlılar, əsasən cənubi azərbaycanlılar gənc nəslin nümayəndələrinin Azərbaycan dilini akademik səviyyədə bilməsi çox vacibdir. Digər tərəfdən, xaricdə yaşayan azərbaycanlıların əksəriyyəti ana dilində yazıb-oxuya bilmirlər, ancaq danışa bilirlər. Bu bizim əsas problemimizdir. Hazırda dünyada internet şəbəkəsi çox yaxşı inkişaf edib hər kəsin evində kompyuter var. Bu baxımdan «Virtual Həftə Sonu» məktəb layihəsinin yaranması çox önəmlidir.

- Təşkilatınızın saytı varmı?

- Əvvəla onu qeyd edim ki, təşkilatımız 2009-cu ildə Norveçin Gənclər Konsuluna üzv seçilib. Sözügedən qurum özündə Norveçdə aktiv olan 70-dən çox təşkilatı birləşdirir. Çox sevindirici haldır ki, biz belə bir təşkilata üzv olduq. Bura qəbul olunmağın əsas şərti təşkilatın demokratik aktiv olmasıdır. Bu göstəricilər təşkilatımızda olduğundan bizi üzv qəbul etdilər. Bundan sonra ANGT haqqında müəyyən məlumatlar virtual olaraq yayımlandı.

Bununla yanaşı, təşkilatımız haqqında daha dolğun məlumatın olması üçün internet səhifəmizi (www.nayo.no) yaratdıq.

- ANGT özündə neçə nəfər gənci birləşdirir?

- Etiraf edim ki, 2009-cu ilə qədər marağımızda deyildi ki, üzvlərimiz arasında sənədləşmə aparaq. Çünki buna ehtiyac hiss etmirdik. Seminarlar, konsertlər s. bir sıra başqa maraqlı layihələr həyata keçirmişik. Bu tədbirlərdə 340-600 nəfər arasında iştirakçı olub. Reallaşdırdığımız layihələr kiçik olsa da, insanların marağına səbəb olub. Ola bilsin ki, üzvlərimiz bütün tədbirlərə eyni maraqla yanaşmayıblar, bu da təbiidir. Bu gün təşkilatımızın 160-a yaxın üzvü var. Onu da qeyd edim ki, bunlar 26 yaşından aşağı olan gənclərdir.

- Necə hesab edirsiniz, demək olarmı ki, artıq diasporlar təşkilatlanma işini bitirib praktik fəaliyyətə başlayıblar?

- Bu məsələ ilə bağlı ancaq Norveç təcrübəsindən danışa bilərəm. Təşkilatların formatları başqadır. Tam məsuliyyətlə deyə bilərəm ki, təşkilatımız Azərbaycanın müsbət imicini akademik səviyyədə xaricdə təmsil edir. Biz birinci mərhələyə təşkilatımız yaranandan, 2006-cı ildən başlamışıq. Artıq bu mərhələ arxada qalıb. Eyni zamanda Norveçdə olan başqa təşkilatlarla əlaqə saxlayırıq əməkdaşlıq da edirik. Diaspor komitəsinin keçirdiyi layihələr çərçivəsində Azərbaycana tez-tez dəvət olunuram. Bu zaman imkan yaranır ki, başqa ölkələrdə yaşayan müvafiq təşkilatlarla ünsiyyət quraq.

- Xarici ölkələrdə Azərbaycanla bağlı kitablar çox azdır. Norveçdə bu istiqamətdə vəziyyət necədir?

- Mən sizinlə razıyam ki, bu gün Azərbaycanla bağlı xarici ölkə kitabxanalarında kitablar azlıq təşkil edir. Çox istərdim ki, ölkəmiz haqqında Avropa düşüncəsinə uyğun olan müxtəlif elm sahələrini əhatə edən kitablar yazılsın. Biz onları imkanımız daxilində çalışdığımız xarici ölkələrdə kitabxanalar insanlar arasında yayaq.

- Bəs siz Azərbaycan haqqında materialları hardan əldə edirsiniz?

- Əvvəla onu deyim ki, təşkilatımızda belə bir ənənə formalaşıb ki, keçirdiyimiz sərgilərdə, tədbirlərdə Azərbaycanla bağlı kitablar, jurnallar, broşürlar tədbirə gələn norveçlilərə əcnəbilərə hədiyyə edirik. Bizə əsasən dediyim istiqamətdə materiallar, kitablar Heydər Əliyev Fondu Diaspor Komitəsi tərəfindən verilir, eyni zamanda Norveçə gələn azərbaycanlı elm adamları da hədiyyə edirlər.

- Norveçliləri Azərbaycanla bağlı daha çox maraqlandırır?

- Yeni müstəqillik qazanmış dövlət kimi ümumilikdə Azərbaycan Norveç cəmiyyəti üçün yeni olduğu qədər maraqlıdır. Eyni zamanda Azərbaycanda Norveçin böyük iqtisadi maraqları var. Hazırda bir sıra Norveç şirkətləri Azərbaycanda çalışır. Bu səbəbdən ölkəmizdə cərəyan edən lazımi ictimai-siyasi hadisələr Norveç mətbuatında işıqlandırılır. Elə bu da norveçli tələbələrin marağına səbəb olur, onlar Azərbaycana gəlməyə böyük həvəs göstərirlər. Biz imkan yaradırıq ki, qeyri-azərbaycanlılar ölkəmizə gəlsinlər, Azərbaycan haqqında ətraflı bilgi toplasınlar. Məsələn, bizim təşkilatın təşəbbüsü ilə polşalı fotoqraf xanım bir norveçli jurnalist Azərbaycana gəlmişdi. Fotoqraf Azərbaycan haqqında maraqlı sərgi təşkil etmiş, jurnalist xanım məqalələrini Norveç mətbuatında dərc etmişdi. Bu cür layihələrin sayəsində Norveçdə Azərbaycanı tanıyır sevirlər. Norveçlilərin ölkəmizdə daha çox sevdiyi tarixi məkanlar "Yanar dağ" "Qobustan" tarixi-memarlıq qoruğudur. Bizimlə bura gələn əcnəbilər yenilikləri maraqla qarşılayırlar Azərbaycanın həqiqətən mədəni sivil bir ölkə olduğunu görürlər.

 

 

Fəxriyyə ABDULLAYEVA

 

Mədəniyyət.- 2010.- 15 yanvar.- S. 7.