Seminarda kitabxana işinin aktual problemləri müzakirə edilib

Avqustun 25-də Nəsimi Rayon Mərkəzləşdirilmiş Kitabxana Sistemində (MKS) növbəti seminar keçirilib. Seminarı MKS-nin müdiri Nəsibə Mehdiyeva açaraq ay ərzində şair və yazıçıların yubileylərinə həsr olunan tədbirlər haqqında məlumat verib.

Seminarda “Milli-mədəni irsimizin qorunması və təbliğində kitabxanaların rolu”, “Beynəlxalq gənclər günü”, “Kitabxana fondlarının məzmunca köhnəlmiş ədəbiyyatdan təmizlənməsi və mühafizəsi”, “1 nömrəli filial kitabxanada oxuculara xidmət işinin vəziyyəti” mövzularında məruzələr dinlənilib. Sonda metodiki şöbənin müdiri Elmira Səfərova seminar iştirakçılarına müvafiq tövsiyələrini verib.

Mədəniyyət.- 2011.- 26 avqust.- S. 2.