Hyuston Beynəlxalq Festivalında görüşlər

Xəbər verdiyimiz kimi, Azərbaycan nümayəndə heyəti mayın 7-8-də Hyuston Beynəlxalq Festivalında iştirak etmək üçün ABŞ-a səfərə gedib.

Mədəniyyət və Turizm Nazirliyi Aparatının rəhbəri Firudin Qurbanovun başçılıq etdiyi heyətə nazirliyin əməkdaşları, Azərbaycan Dövlət Rəqs Ansamblı və muğam dördlüyü daxildir. Səfər çərçivəsində Mədəniyyət və Turizm Nazirliyinin Aparat rəhbəri Firudin Qurbanov Hyuston şəhər meriyasında görüşlər keçirib. Hyuston şəhərinin meri xanım Annis Parker, meriyanın Beynəlxalq əlaqələr və protokol idarəsinin rəisi xanım Dina LeFlor (Deanea LeFlore) və Hyuston şəhər meriyası şurasının üzvü Carvis Conson (Jarviss Johnson) ilə gorüşlər zamanı Hyustonla Bakı şəhərinin qardaşlaşdığı 35 il ərzində həyata keçirilmiş tədbirlərdən söz açılıb, Hyuston-Bakı Qardaşlaşmış Şəhərlər Assosiasiyasının fəaliyyəti yüksək qiymətləndirilib. Azərbaycanla ABŞ arasında mədəni sahədə qarşılıqlı əməkdaşlıq münasibətlərinin gələcək inkişafı və perspektivləri haqqında fikir mübadiləsi aparılıb. Hyustonun şəhər meri ölkəmizin Hyuston Beynəlxalq Festivalında iştirakına görə Azərbaycan hökumətinə öz minnətdarlığını bildirib.

Mədəniyyət.- 2011.- 11 may.- S. 4.