«Azərbaycan faciələrinin təqvimi»

Kitab Klubunun sərgi salonunda Nazim Tapdıqoğlunun «Azərbaycan faciələrinin təqvimi» adlı kitabının təqdimatı keçirildi.

Təqdimatda çıxış edən Kitab Klubunun rəhbəri Elxan Rzayev kitabın əhəmiyyətindən danışaraq, belə nəşrləri xaricdə də tanıtdırmağın vacibliyini vurğuladı: «Kitabda başı tarixən min bir bəlalar çəkmiş Azərbaycanın ayrı-ayrı illərdə üzləşdiyi fəlakət və faciələrin təqvim tarixləri toplanıb”.

Daha sonra çıxış edən müəllif isə kitabda yer alan təqvimlərin tarixindən danışıb: «Kitab faciəli, eyni zamanda dəyərli tarixi keçmişimizi əks etdirən sistemli nəşrdir. Hər təqvim gününün Azərbaycan xalqı üçün faciəli xarakter daşıdığını sübut etməyə çalışmışam».

Qeyd edək ki, N.Tapdıqoğlu Zəngilan, Füzuli, Qubadlı, Xocalı, Laçın, Borçalı, Kəlbəcər, Kürdəmir, Saatlı, Şuşa, Sabirabad, Göyçay, İmişli, Cəbrayıl, Ucar, Şəmkir, Neftçala, Zərdab, Xocavənd, Ağdam, Ağcabədi rayon və şəhərlərinin toponimiyasına aid kitabların müəllifidir.

Gülər

Mədəniyyət.- 2011.- 26 yanvar.- S. 23.