Bakı Estrada Teatrı:
ilk addımların sevinci
Son dövrlər
dövlətin, mədəniyyətin
bütün sahələri
kimi, teatrın da inkişafına göstərdiyi diqqət və qayğı bu sahədə canlanma yaradıb. Səhnə sənətimizdəki yeniləşmə,
yaradıcılıq axtarışları
yeni teatr kollektivlərinin yaranmasına
da təkan verib. Onlardan biri də Bakı Estrada Teatrıdır.
İki il
əvvəl yaranan kollektivin fəaliyyəti,
yeni mövsümə
necə hazırlaşması
barədə teatrın
rəhbəri Vüqar
Əbdülovla H.Sarabski
adına mədəniyyət
evində görüşüb
söhbət etdik.
- Estrada teatrı
ideyası necə yarandı? İndiyədək hansı tamaşaları
hazırlamısınız?
- Estrada teatrı
teatrla estrada
janrının sintezidir.
Belə bir teatrın nümunəsi vaxtilə Xalq artistimiz Hacıbaba Bağırovun
yaratdığı Tənqid-Təbliğ
Teatrı olmuşdur.
Biz də bu
səpgidə teatr yaratmaq istədik. Bu günün tamaşaçısı
üçün nəzərdə
tutulan, müasir həyatda baş verən hadisələri özündə əks etdirən bir teatr. Bu gün
əsl sənət səhnə ilə şou arasında qalıb. Tanınmış sənətkarlarımız bu gün toylarda
çıxış etməyə
məcburdurlar. Və toyda
dinlədiyimiz həmin
sənətkarlar, sözsüz
ki, səhnədə izlədiyimiz kimi çıxış etmirlər.
Bir sənətkar məcburdur
ki, iki ampluada
çıxış etsin.
Kollektiv ilk tamaşasını keçən
il təhvil
verdi. Tamaşa belə adlanırdı:
“Toy Nazınındır”. Konsert-tamaşa üslubunda hazırlanmış
ilk işimizdə indiki
toyların vəziyyətini
göstərməyə çalışmışdıq.
Hazırda “Of Fon əməliyyatı”
adlı yeni tamaşa hazırlayırıq.
Onu da deyim
ki, H.Sarabski adına mədəniyyət
evində bizdən savayı bir neçə kollektiv də fəaliyyət göstərir. Düzdür, elə bir əlverişli şəraitimiz
olmasa da, çalışırıq ki,
bütün gücümüzlə
işləyək. Məqsədimiz yeni tamaşalar üzərində işləyib,
Bakı Estrada Teatrını
gözəl teatrlardan
birinə çevirmək
və tanıtmaqdır.
- Necə düşünürsünüz, bu gün bizdə
belə bir teatra, hazırladığınız
tamaşalara tələbat
varmı?
- Bakı
Estrada Teatrının tamaşalarına
tələbat nə qədər çox olarsa, bizim tamaşaların
sayı da bu baxımdan ilbəil artar. Biz “Parni iz Baku”, “Bu şəhərdə”nin konsertlərinə
nəzər salsaq görərik ki, onlara xalqın tələbatı nə qədər çoxdursa, bir o qədər də konsertlərə ehtiyac var. Biz də mütəmadi işləsək,
yəqin ki, teatrın gələcəyi
də bir o qədər yaxşı olar. Çünki estradanın içərisində
parodiya da var, musiqi, ifa,
plastika, rəqs və s. hamını özündə cəmləşdirə
bilir. Teatrımız ayda bir dəfə yığcam konsert vermək qabiliyyətinə malik kollektivdir.
- Kollektiviniz əsasən gənclərdən
ibarətdir. Onların aktyorluq imkanları
necədir?
- Kollektivimiz 25 nəfərdən ibarətdir. 18 aktyor ştatımız var. Gənc olsalar da, hər biri aktyorluq ixtisası üzrə ali təhsil alıb, hər biri bacarıqlı və istedadlıdır. Bundan əlavə, çox gözəl rəqs qrupumuz var. Biz hər hansı bir milli rəqsimizin həm səhnə variantını, həm də məişətdə, yəni el şənliklərində rəqqaslar tərəfindən deyil, adi vətəndaşlar tərəfindən rəqs variantını göstəririk. Ümumilikdə kollektivin imkanları böyükdür. Bizim teatrın rəqs qrupuna dəstək olsa, bu uşaqlar heç də “Anadolu Atəşi”ndən pis rəqs etmirlər. Bu gün uşaqlar bir çox televiziya kanallarına, yeni çəkilən seriallara, eləcə də el şənliklərinə dəvət alırlar. Onu da deyim ki, hazırladığımız rəqslər maraqla qarşılanır. Düzdür, bu rəqslər tam səhnə rəqsləri olmasa da, kütlənin (xalqın) içindən çıxıb və biz bu rəqsləri göstərməyə çalışmışıq.
- Bəs qınaq obyektinə çevrilməkdən çəkinmirsiniz?
- Hər dövrün öz tələbi var. Əgər əsrin əvvəllərində dahi aktyorlarımız xarakterik komik rollar oynayıb insanları düşündürürdülərsə, bu gün insanları bu janr az maraqlandırır. Müasir dövrdə hadisələrin psixoloji tərəfi deyil, situasiyası daha maraqlıdır. Heç kimin iki saat oturub tamaşaya baxmağa hövsələsi qalmayıb. Bu gün tamaşaçı qısa zaman kəsiyində nəticə görmək istəyir. Biz də öz repertuarımızda bu tip səhnələrə üstünlük verməyə çalışırıq. Düşünürük ki, canlı musiqi ilə təmasda olan tamaşalar hazırlayaq. Bu səpgili ardıcıl proqramlar təşkil etmək istəyirik. Hazırladığımız yeni tamaşa da müasir mövzudadır. Bu günümüzlə tam səslənən, zamanın nəbzini tutan mövzudur. Tam açıqlamaq istəməzdik, amma inanırıq ki, böyük tamaşaçı marağına səbəb olacaq.
Lalə
Mədəniyyət.-
2012.- 8 avqust.- S. 7.