Qəbələ
Tarix-Diyarşünaslıq Muzeyində görkəmli alimə
həsr olunmuş guşə
Muxtar Rzaqulu oğlu Abduyev Azərbaycan elmində özünəməxsus yolu olan alimlərdəndir. O, 1951-ci ildə ADU-nun geoloji-coğrafiya fakültəsini coğrafiya ixtisası üzrə bitirdikdən sonra Azərbaycan SSR Elmlər Akademiyasının aspiranturasına daxil olub. 1956-cı ildə “Şirvan düzünün şərq hissəsi torpaqlarında şorluluğun dinamikası” mövzusunda dissertasiya müdafiə edərək kənd təsərrüfatı elmləri namizədi adını alıb. Şorlaşmış torpaqların meliorasiyası üzrə elmi tədqiqatlarını davam etdirən alim 1966-cı ildə doktorluq dissertasiyası müdafiə edib, 1971-ci ildə ona professor elmi adı verilib. 1956-1968-ci illərdə baş elmi işçi vəzifəsində çalışıb, 1968-ci ildən 1979-cu ilədək Torpaqşünaslıq və Aqrokimya İnstitutunda elmi işlər üzrə direktor müavini işləyib.
M.Abduyev 11 aspirant və dissertantın elmi rəhbəri olub. 1952-ci ildən Azərbaycan
Pedaqoji İnstitutunda,
1956-1961-ci illərdə ADU-da, 1966-1968-ci illərdə
isə Politexnik İnstitutunda torpaqşünaslıq
və torpaq meliorasiyasından mühazirələr
oxuyaraq ali
təhsilli kadr hazırlığında da
fəal iştirak edib. Görkəmli alim dostları
və yoldaşları
arasında xüsusi nüfuza malik olan, heç vaxt “mənəm, mənəm” deməyən,
sakit təbiətli,
son dərəcə səmimi
bir insan idi.
Onun Amerikada (Vaşinqton,
1955), Rusiyada (Moskva,
1954, 1959, 1967, 1970, 1972, 1973; Nalçik,
1971; Mahaçqala, 1978; Krasnoyarsk, 1978), Ukraynada (Xarkov, 1962, 1972), Özbəkistanda (Daşkənd,
1964, 1969), Qazaxıstanda (Almatı,
1970), Misirdə (Qahirə,
1972), Belarusda (Minsk, 1977) keçirilən
müxtəlif beynəlxalq
konfrans materiallarında
əsərləri çap
edilib. Alimin “Azərbaycan torpaqları”,
“Azərbaycan gilli şoranlıqlarının sürətli
meliorasiyası” və
s. kitabları bu elm sahəsinə dəyərli
töhfələrdir. Qəbələ Rayon Tarix-Diyarşünaslıq Muzeyində
professor Muxtar Abduyevin elmi əsərlərindən
ibarət xüsusi guşə yaradılıb.
Gülər Xəlilova,
Qəbələ Rayon Tarix-Diyarşünaslıq
Muzeyinin əməkdaşı
Mədəniyyət.- 2012.-
5 dekabr.- S. 15.