Azərbaycan folkloru mədəni sərvətimizdir

 

   “Folklor Paytaxtı”nda elmi-praktik konfrans

  

   Mədəniyyət Turizm Nazirliyinin “2010-2014-cü illər üçün Xalq Yaradıcılığı PaytaxtlarıProqramına əsasən 2012-ci ildə Masallı şəhəriAzərbaycanın Folklor Paytaxtıelan edilib.Folklor Paytaxtıili çərçivəsində rayonda müxtəlif tədbirlər keçirilir. İyulun 14-də Mədəniyyətşünaslıq üzrə Elmi-Metodiki Mərkəzin Masallı Rayon Mədəniyyət Turizm Şöbəsinin təşkilatçılığı ilə keçirilənAzərbaycan folkloru mədəni sərvətimizdirmövzusunda elmi-praktik konfrans da bu qəbildən idi.

   Tədbiri rayon İcra Hakimiyyəti başçısının müavini Nəsir Muxtarlı açaraq MasallınınAzərbaycanın Folklor Paytaxtıelan olunmasını rayonun mədəni həyatında əlamətdar hadisə kimi qiymətləndirdi. Azərbaycan folkloru xəzinəsinə qiymətli töhfələr vermiş Masallıda bu zəngin mədəni irsin öyrənilməsi, yaşadılması gələcək nəsillərə ərməğan edilməsi istiqamətində görülən işlərdən danışdı.

   Konfransda pedaqoji elmlər doktoru, professor Fərahim SadıqovunMasallı folklorunun pedaqoji əsaslarına dair”, filologiya elmləri doktoru, professor Füzuli Bayatın “Regional folklor konteksində Masallı folkloru”, filologiya elmləri doktoru Asif Rüstəmlininİstiqlal fədaisi Ələsgər Ələkbərovun tədqiqatlarında cənub folklorumövzularında məruzələri maraqla qarşılandı.

   Tədbirdə bu il aprelin 30-dan mayın 4-dək rayonda keçirilmiş respublika muğam festivalı, “Halayfolklor ansamblına həsr olunmuş filmin çəkilişi, Masallı folkloru barədə kitabların hazırlanması, “Onlar Masallıdandırsaytının yaradılması istiqamətində aparılması barədə məlumatlar diqqətə çatdırıldı. Qeyd olundu ki, “Azərbaycanın Folklor Paytaxtıili çərçivəsində sentyabrın 7-dən 10-dək rayonda beynəlxalq folklor festivalı keçiriləcək.

   Mədəniyyətşünaslıq üzrə Elmi-Metodiki Mərkəzin direktor müavini Polad Zeynalov tədbirdə çıxış edərək Masallıda folklor yaradıcılığının öyrənilməsi ilə bağlı görüləcək işlərdə elm adamlarına, rayon ziyalılarına uğurlar dilədi.

   Sonda bir neçə xalq sənətkarına Halayxalq folklor kollektivinin üzvlərinə Mədəniyyətşünaslıq üzrə Elmi-Metodiki Mərkəzin fəxri fərmanı hədiyyəsi təqdim edildi.  

 

 

   Elnarə Hacıyeva

 

  Mədəniyyət.- 2012.- 18 iyul.- S. 6.