“Folklor paytaxtı”nda turizm sərgisi
2012-ci ildə Azərbaycanın
“Folklor paytaxtı” elan olunan Masallı
respublikamızın ən
səfalı və füsunkar guşələrindən
biridir.
Bir tərəfi Talış
dağları və meşələri, digər
tərəfi isə Xəzər dənizi ilə əhatə olunan bölgədə turizmin inkişafı üçün gözəl
imkanlar var. Yüz illər bundan əvvəl ətraf və uzaq yerlərdən
gələn insanlar Masallının yerin altından çıxan qaynar suyundan müalicə məqsədilə
istifadə ediblər.
Rayonda 28 turizm obyekti
fəaliyyət göstərir.
Onlardan 26 obyektin lisenziyası var. Bu obyektlər
eyni zamanda 1100-ə yaxın turisti qəbul etmək imkanına malikdir. İstirahət mərkəzlərində
mövcud 1040 nömrədən
70 nömrə lüks,
660 nömrə birinci,
310 nömrə isə
turist dərəcəli
nömrələrdir. İstirahətə
gəlmiş turistlərə
3 marşrut üzrə
turlar təklif olunur. Turistlər üçün rayonun görməli yerlərinə,
tarixi abidələrinə,
ziyarətgahlara, muzeylərə
səyahətlər təşkil
olunur. 2011-ci ildə rayona 16 min 642 nəfər
turist gəlib ki, onlardan 500 nəfəri əcnəbi
olub.
Mayın 23-də
rayondakı “Cənnət
bağı” istirahət
mərkəzində təşkil
edilmiş turizm sərgisində də bölgənin bu sahədə geniş imkanlarından söhbət
açılıb.
Rayon İcra Hakimiyyətinin başçısı
Rafil Hüseynov ölkəmizdə, o cümlədən
Masallı rayonunda turizmin inkişafı və bu sahədə
çalışan sahibkarlara
göstərilən dövlət
qayğısından danışıb.
Yerli sahibkarlardan İldırım Allahyarov,
Hakimə Əzimova sərginin təşkilini
yüksək qiymətləndirib,
fəaliyyətləri üçün
yaradılan şəraitə
görə ölkə
Prezidentinə minnətdarlıqlarını
bildiriblər.
Mədəniyyət
və Turizm Nazirliyinin Turizm şöbəsinin Daxili turizmin inkişafı sektorunun müdiri Mahir Qəhrəmanov tədbirdə çıxış
edib.
Sərgidə rayonun turizm obyektləri xidmətlərini
və bölgə mətbəxinin ən ləziz təamlarını,
el sənətkarları əl
işlərini, müxtəlif
eksponatları nümayiş
etdiriblər.
Tədbirdə
rayon mədəniyyət evinin
bədii özfəaliyyət
kollektivləri, “Halay”
folklor ansamblı rəngarəng mahnı və rəqs nömrələri ilə
çıxış ediblər.
Fəxriyyə Abdullayeva
Mədəniyyət.-
2012.- 25 may.- S. 9.