Xəlil
Rza Ulutürkün 80 illik yubileyi qeyd olundu
Oktyabrın 30-da Akademik Milli Dram Teatrında Mədəniyyət və Turizm Nazirliyinin təşkilatçılığı
ilə Azərbaycanın böyük istiqlal şairi və ictimai xadimi, filologiya elmləri doktoru, professor Xəlil Rza Ulutürkün anadan
olmasının 80 illiyinə həsr olunmuş
təntənəli yubiley mərasimi keçirildi.
Prezident İlham Əliyevin \"Xəlil Rza Ulutürkün 80 illik yubileyinin keçirilməsi haqqında\" 4 iyun 2012-ci il tarixli sərəncamının icrasına uyğun olaraq keçirilən mərasimdə dövlət və hökumət rəsmiləri, millət vəkilləri, tanınmış elm və mədəniyyət xadimləri iştirak edirdilər.
Tədbirdə
mədəniyyət və turizm naziri Əbülfəs Qarayev,
Azərbaycan Yazıçılar Birliyinin
sədri, Xalq yazıçısı Anar, Xalq şairi
Zəlimxan Yaqub, Xalq şairi, millət vəkili Sabir
Rüstəmxanlı, Xalq şairi
Nəriman Həsənzadə, filologiya
üzrə fəlsəfə doktoru Azər
Turan çıxış edərək şairin Azərbaycan ədəbiyyatında
özünəməxsus yeri, Xəlil Rza poeziyasının milli
təfəkkürümüzün oyanmasında rolundan söz açdılar.
Şairin həyat yoldaşı Firəngiz
Ulutürk tədbirin təşkilatçılarına
və iştirakçılarına minnətdarlığını
bildirdi. Mərasimdə şairin şeirləri səsləndirildi,
sözlərinə yazılmış mahnılar ifa olundu.
Mədəniyyət.-
2012.- 31 oktyabr.- S. 2.