Sabir Hilal oğlu Rəhimov
Azərbaycanın turizm ictimaiyyətinə itki üz vermişdir. Turizm sahəsi üzrə tanınmış mütəxəssis, pedaqoq, ictimai xadim, Əməkdar mədəniyyət işçisi Sabir Hilal oğlu Rəhimov 2013-cü il iyulun 18-də 72 yaşında dünyasını dəyişmişdir.
Rəhimov Sabir Hilal oğlu
1941-ci ildə anadan olmuşdur. 1962-ci ildə
Bakı Rabitə Elektrik Texnikumunu “Televiziya texnikası və radiorele rabitəsi” ixtisası üzrə, 1971-ci ildə
Azərbaycan Politexnik İnstitutunun inşaat fakültəsini bitirmişdir.
1968-1973-cü illərdə
Bakı şəhəri
Oktyabr (indiki Yasamal) rayon Komsomol Komitəsində təşkilat
şöbəsinin müdiri,
Zaqafqaziya Komsomol məktəbində metodist,
Bakı şəhər
Komsomol Komitəsində
təşkilat şöbəsinin
müdiri, Bakı şəhər Partiya Komitəsində təşkilat
şöbəsinin təlimatçısı
vəzifələrində çalışmışdır.
1973-1977-ci illərdə Bakı şəhər Sovetinin Mənzil uçotu və bölüşdürülməsi
idarəsinin rəisi işləmişdir.
S.Rəhimov 1973-1977-ci illərdə Bakı şəhər Sovetinin deputatı (XIV-XV çağırış) seçilmiş,
respublikamızın turizm,
idman və ictimai həyatında çox fəal iştirak etmişdir.
1977-ci ildən bu günə
kimi Azərbaycan Həmkarlar İttifaqları
Konfederasiyasının (AHİK) Respublika Turizm və Ekskursiyalar Şurasının sədr
müavini vəzifəsində
işləyirdi.
S.Rəhimov Bakı turist-idman
klubunun əsasını
qoyanlardan biridir və 1963-1971-ci illərdə
bu klubun idarə heyətinin üzvü olmuşdur.
1963-cü ildə keçirilən turizm idmanı üzrə I Ümumittifaq çempionatının
iştirakçısı olmuşdur.
1981-1996-cı illərdə Sabir Rəhimov Respublika İdman-Turizm Federasiyasının
sədri olmuşdur.
1990-cı ildə Respublika Turizm-İdman İttifaqının prezidenti
və həmin ildə SSRİ Turizm-İdman
İttifaqı icraiyyə
komitəsinin üzvü
seçilmişdir.
S.Rəhimov 1998-ci ildən Bakı
Dövlət Universitetinin
coğrafiya fakültəsində
turizm fənlərindən
dərs deyirdi.
Ali məktəblərdə dərslik və dərs vəsaiti kimi istifadə edilən beş
kitab, bir neçə fənn proqramlarını hazırlayıb
çap etdirmişdir.
Azərbaycanın turizm imkanlarından
bəhs edən çoxsaylı buklet və reklam prospektlərin müəllifidir.
O, 50-yə yaxın elmi
və elmi-populyar səpkili məqalə çap etdirmişdir.
2001-2009-cu illərdə Azərbaycan
Turizm Sənayesinin İnkişafı İttifaqının
sədr müavini seçilmişdir. Mədəniyyət və Turizm Nazirliyinin turizm bələdçiləri və
tərcüməçi-gidlərin Attestasiya Komissiyasının
üzvü, Azərbaycan
Milli Ensiklopediyasının
turizm üzrə məsləhətçisi idi.
S.Rəhimov “Turizm-ekskursiya işinin
inkişafında fəal
əməyinə görə”
və “Turizm-ekskursiya işinin inkişafındakı
xidmətlərinə görə”
döş nişanları,
çoxsaylı fəxri
fərman və diplomlarla təltif olunmuşdur. Respublika turizminin
inkişafında və
təbliğində məhsuldar
əməyinə görə
S.Rəhimova Azərbaycan
Respublikasının “Fəxri
bədən tərbiyəsi
və idman işçisi” adı verilmişdir.
2007-ci ildə Respublikanın sosial-ictimai həyatındakı
xidmətlərinə görə
Azərbaycan Respublikası
Prezidentinin sərəncamına
əsasən “Tərəqqi”
medalı ilə təltif olunmuşdur.
2012-ci ildə Azərbaycan Respublikasında turizm sahəsində səmərəli
fəaliyyətlərinə görə Azərbaycan Respublikası Prezidentinin sərəncamı ilə
Sabir Rəhimova “Əməkdar mədəniyyət
işçisi” fəxri
adı verilmişdir.
Sabir Hilal oğlu
Rəhimovun əziz xatirəsi onu tanıyanların yaddaşında
əbədi olaraq yaşayacaqdır.
Allah rəhmət eləsin.
Azərbaycan Respublikası
Mədəniyyət və Turizm Nazirliyi
Mədəniyyət.- 2013.- 19 iyul.-
S. 4.